سەناتور ماماندارمەن اڭگىمە بارىسىندا بالالار قۇقىقتارىنىڭ بۇزىلۋى, قيىن جاعدايعا تاپ بولعاندارعا ماتەريالدىق جانە قۇقىقتىق كومەك كورسەتۋ سياقتى ماسەلەلەردى قوزعادى. بالالار ءۇيىنىڭ تۇلەكتەرى دە پسيحولوگيالىق تۇردە قولداۋ مەن ىلگەرىلەتۋدى, الەۋمەتتەندىرۋ مەن جۇمىسقا ورنالاستىرۋدى قاجەت ەتەدى. جەتىم جانە اتا-اناسىنىڭ قامقورلىعىنسىز قالعان بالالاردىڭ بوس ۋاقىتى تۋرالى دا ەستەن شىقپاۋى كەرەك.
سەنات دەپۋتاتى ولگا بۋلاۆكينا شىعىس قازاقستان وبلىسىنداعى ء"ۇمىت" بالالار ءۇيىنىڭ قامقورشىلىق كەڭەسىنىڭ قۇرامىندا بولىپ وتىر.
ء"ۇمىت" بالالار ءۇيىنىڭ ءوز بالالار لاگەرى بار. مەن بالالارعا وسى لاگەردە جىل بويى دەمالۋىنا, سپورتپەن شۇعىلدانۋىنا, كۇزگى-قىسقى كەزەڭدە دەمالۋدىڭ جاڭا تۇرلەرىن اشۋعا كومەكتەسكىم كەلەدى. وسىعان بايلانىستى مەن لاگەردى جىلىتۋعا قاراجات بولۋگە كومەكتەسۋ ءۇشىن شىعىس قازاقستان وبلىسى اكىمىنىڭ اتىنا ءوتىنىش دايىنداپ جاتىرمىن", - دەدى ولگا بۋلاۆكينا.
ونلاين تۇردەگى جۇزدەسۋگە ءبىلىم جانە عىلىم ءمينيسترىنىڭ ورىنباسارى بيبىگۇل اسىلوۆا, ادام قۇقىقتارى جونىندەگى ۋاكىل ەلۆيرا ءازىموۆا, بالا قۇقىقتارى جونىندەگى ۋاكىل ارۋجان ساين, سونداي-اق حالىقارالىق جانە وتاندىق ۇەۇ وكىلدەرى, بالالار ۇيلەرى مەن جاسوسپىرىمدەر ۇيلەرىنىڭ قامقورشىلىق كەڭەستەرىنىڭ مۇشەلەرى قاتىستى.
