قازاقستاندىق مانەرلەپ سىرعاناۋشى دەنيس تەن كەشە تاڭەرتەڭ يتاليانىڭ مەرانو قالاسىندا ءوتىپ جاتقان Merano Cup حالىقارالىق تۋرنيرىندە ەرلەردىڭ جەكەلەي ونەر كورسەتۋلەرى بويىنشا ءبىرىنشى ورىندى جەڭىپ الدى.
قازاقستاندىق مانەرلەپ سىرعاناۋشى دەنيس تەن كەشە تاڭەرتەڭ يتاليانىڭ مەرانو قالاسىندا ءوتىپ جاتقان Merano Cup حالىقارالىق تۋرنيرىندە ەرلەردىڭ جەكەلەي ونەر كورسەتۋلەرى بويىنشا ءبىرىنشى ورىندى جەڭىپ الدى.
ءبىزدىڭ سپورتشى بۇل جارىستا 231,12 بالل جيناپ, جاپون دايسۋكە مۋراكامي (222,89) جانە يتاليان پاولو باچيني (189,07) سىندى باستى قارسىلاستارىن شاڭ قاپتىرىپ كەتتى.
مىنە, وسى جارىس اياقتالار-اياقتالماستان دەنيس كەشە تاعى ءبىر وسىنداي بەدەلدى تۋرنيرگە قاتىسۋ ءۇشىن اۆسترياعا ۇشىپ كەلدى. ول گراتس قالاسىندا 20-24 قاراشا كۇندەرى وتەدى. تۇندە وندا ەرلەر مەن ايەلدەردىڭ جەكە سىرعاناۋلارى بويىنشا سايىس باستالدى.
ايتا كەتۋىمىز كەرەك, دەنيس تەننىڭ ۇستىمىزدەگى جىلى كانادادا وتكەن الەم چەمپيوناتىندا قول جەتكىزگەن كۇمىس مەدالى ارقاسىندا قازاقستان سوچيدە 2014 جىلدىڭ اقپان ايىندا وتەتىن قىسقى وليمپيالىق ويىندارعا ەكى ءمانەرلەپ سىرعاناۋشى قويۋعا مۇمكىندىك العان بولاتىن. بۇل ورىندار دەنيستىڭ وزىنەن بولەك ابزال راقىمعاليەۆ ەسىمدى تاعى ءبىر سپورتشىمىزعا بەرىلىپ وتىر.
دامير قوجامقۇل.
