– بۇگىندە قالادا ەپيدەميولوگيالىق احۋال تۇراقتى. ياعني, سوڭعى ەكى تاۋلىكتە كوروناۆيرۋس ىندەتى تىركەلمەدى. ال 1 تامىزدان 3 قاراشاعا دەيىن COVID-19 بەلگىلەرىمەن پنەۆمونيانىڭ 1006 جاعدايى تىركەلدى. قازىرگى تاڭدا كوروناۆيرۋستى انىقتاۋ ماقساتىندا 3 كومپيۋتەرلىك توموگرافيا اپپاراتى ساتىپ الىندى. قالالىق ينفەكتسيالىق اۋرۋحانالاردا ورناتىلعان كت-عا العاشقى ناۋقاس الداعى جۇما كۇنى تۇسىرىلەدى, دەدى ب.جولداسبەك ۇلى.
باسقارما باسشىسىنىڭ سوزىنە سۇيەنسەك, شىمكەنت قالاسى رەسپۋبليكالىق رەيتينگتە جەدەل جاردەم قىزمەتىنىڭ ۋاقىتىلى كەلۋى, ءساتتى رەانيماتسيا جانە سانيتارلىق ماشينالاردىڭ جابدىقتالۋى بويىنشا العاشقى ۇزدىك ۇشتىكتىڭ قاتارىندا تۇر.
ايتا كەتەيىك, شىمكەنت قالاسىندا 2020 جىلدىڭ 24 ناۋرىزىنان 3 قاراشاعا دەيىنگى ارالىقتا COVID-19 اۋرۋىنىڭ 5 240 جاعدايى تىركەلگەن (2662 سيمپتوماتيكالىق, 2578 سيمپتومسىز). ال 5 152 ناۋقاس ەمدەلىپ شىققان.
