2 قاراشا كۇنى ساتباەۆ قالالىق پوليتسيا باسقارماسى پاترۋلدىك پوليتسيا ۆزۆودىنىڭ قىزمەتكەرلەرى “ساتباەۆ-سارىكەڭگىر” تاس جولىندا قىزمەت اتقارۋ كەزىندە ساعات تۇنگى 03.50 شاماسىندا ءۇش ازامات مىنگەن اۆتوكولىكتى توقتاتقان. ولاردىڭ بارلىعى ءبىر مەكەمەدە جۇمىس ىستەيتىن ارىپتەستەر بولىپ شىقتى.
پوليتسيا قىزمەتكەرلەرى اتالعان كولىكتى تەكسەرۋ بارىسىندا كولىكتىڭ جۇك سالعىش بولىگىنەن ەكى اككۋمۋلياتوردى بايقاعان. كولىك جۇرگىزۋشىسى دە, ونىڭ سەرىكتەستەرى دە اككۋمۋلياتورلاردىڭ شىعۋ تەگىن تۇسىندىرە المادى.
قازىرگى تاڭدا اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنا (ۇرلىق) سايكەس قىلمىستىق ءىس قوزعالىپ, تەرگەۋ امالدارى جۇرگىزىلۋدە. پوليتسيا قىزمەتكەرلەرى ۇرلانعان زاتتاردىڭ يەسىن انىقتاۋدا.
