پتر زەرتحاناسىنا 4 مىڭ ادامعا كوۆيدتى تەكسەرەتىن رەاكتيۆتەر كەلدى. الماتى قالاسىنان اكەلگەن مەديتسينالىق جابدىقتاردىڭ مونتاجداۋ جۇمىستارى 26 قازاندا باستالدى.
– مۇندا بىلىكتى ماماندار, مەديتسينا قىزمەتكەرلەرى جۇمىس ىستەيدى. بۇل زەرتحانانىڭ ەرەكشەلىگى تەك كوۆيدكە قارسى تەست جاسالىپ قانا قويماي, وزگە دە تالدامالار, لابوراتوريالىق زەرتتەۋلەر جۇرگىزىلەدى. سونداي-اق كوپبەيىندى اۋرحاناعا 45 وتتەگى نۇكتەسى تارتىلدى. ەندى باللوندى تاسىماي-اق پەرزەنتحاناعا, تەراپيالىق كورپۋسقا, ينفەكتسيالىق اۋرۋحاناعا جانە جانساقتاۋ بولىمىنە وتتەگى تەتىكتەرىن الۋعا مۇمكىندىك بار, – دەيدى س.تاناەۆا.
مامانداردىڭ ايتۋىنشا, ەكىنشى تولقىن بولا قالعان جاعدايدا قالا سىرتىنداعى 9 شاقىرىم قاشىقتا ورنالاسقان اۋدانارالىق تۋبەركۋلەز ديسپانسەرىندە 100 ادامعا ارنالعان توسەكتىك-ورىن مەن قورعانىش قۇرالدارى دايىن. بۇگىندە تۋبەركۋلەز ديسپانسەرىندە كۇردەلى جوندەۋ جۇمىستارى باستالدى. قالادا اۋرۋدىڭ ازايۋىنا بايلانىستى ەندى جەدەل-جاردەم ستانساسى 31 جەلتوقساندا سول عيماراتقا كوشپەك.
جالپى, ماڭعىستاۋ وبلىسى دەنساۋلىق ساقتاۋ باسقارماسى باسشىسىنىڭ ورىنباسارى ل.ەسەنعاليەۆانىڭ ايتۋىنشا, ىندەتتىڭ ىقتيمال كەلەسى تولقىنىنا دايىندىق اياسىندا جۇمىستار جۇرگىزىلۋدە. قازىرگى تاڭدا ايماق بويىنشا 215 ينفەكتسيالىق توسەكتىك-ورىن مەن 9 ستاتسيونار بار. بۇدان بولەك تاعى 11 ستاتسيونار مەن 1 835 كەرەۋەت قولدانىسقا ءازىر. بارلىق تەحنيكا, م ۇلىكپەن قامتىلعان بۇل ورىندار رەزەرۆتە تۇر.
– قازىرگى ۋاقىتتا ءبىزدىڭ وبلىسىمىزدا پتر-تەستىلەۋمەن اينالىساتىن 5 زەرتحانا بار. ءبىرى – مەملەكەتتىك, قالعانى – جەكەمەنشىكتە. بارلىعى قوسا العاندا, بۇل زەرتحانالار ءبىر تاۋلىكتە 3 700 پتر-زەرتتەۋ جۇرگىزۋگە قاۋقارلى, – دەيدى ل.ەسەنعاليەۆا.
سونداي-اق تاعى ءبىر ينفەكتسيالىق اۋرۋحانانىڭ قولدانىسقا دايىندىعى 95% دەپ باعالانۋدا. عيماراتقا كت, ۋزي, رەنتگەن قۇرالدارى قويىلعان. بۇدان وزگە جىل سوڭىنا دەيىن 100 ورىندىق قالالىق كوپبەيىندى اۋرۋحانا اشىلادى دەپ كۇتىلىپ وتىر. كوروناۆيرۋستىڭ بولجامدى كەلەسى تولقىنىن قايتارۋعا 2 700 مەديتسينالىق قىزمەتكەر دايىندىقتان وتكىزىلدى. ولاردىڭ ءتىزىمى بەكىتىلگەن. ءار اپتا سايىن باسقا ايماقتارداعى جوو-نىڭ پروفەسسورلىق-وقىتۋشىلىق قۇرامىمەن ونلاين-ساباقتار وتكىزىلدى.
قاراعاندى مەديتسينالىق ۋنيۆەرسيتەتىنىڭ پروفەسسورلىق-وقىتۋشىلار توبى ايماققا كەلىپ كەتكەنى ءمالىم. ولار كۆي-گە قاتىستى ەمدەۋ پروتوكولدارىن تۇزۋگە بەلسەنە اتسالىستى. سايكەسىنشە, اقتاۋ مەن جاڭاوزەن قالالارىندا دارىگەرلەر ءۇشىن بىلىكتىلىك ارتتىرۋ سەمينارلارى وتكىزىلدى. سونداي-اق ىندەتتىڭ ەندىگى تولقىنىنا توسقاۋىل قويۋ ماقساتىندا ماڭعىستاۋ وڭىرىنە ەكى جىلجىمالى مەديتسينالىق كەشەن جەتكىزىلگەن. ولار شالعاي ەلدى مەكەن تۇرعىندارىنا قىزمەت كورسەتەدى. تاعى 20 رەانيموبيل كولىگىن ءبولۋ جۇمىستارى جالعاسۋدا. قويمالاردا بىررەتتىك جانە كوپ رەت قولدانىلاتىن مەدكوستيۋمدەر, قولعاپتار, بەتپەردەلەر, مەدحالاتتار مەن كوزىلدىرىكتەر سەكىلدى جەكە قورعانىس قۇرالدارىنىڭ 2 ايعا جەتەتىن قورى قۇرىلىپ, 3 ملن بەتپەردە ساتىپ الىندى. جاعداي قيىنداي قالسا, ولار جەرگىلىكتى دارىحانالارعا جەتكىزىلەدى. سونداي-اق ماڭعىستاۋدا كۆي-ءدىڭ كەلەسى تولقىنىنا ازىرلىك اياسىندا 70 مىڭ ادام تۇماۋعا قارسى ەكپە الادى دەپ جوسپارلانعان. بۇگىندە 90%-ىنا ەكپە سالىندى. ولاردىڭ باسىم كوپشىلىگىن جۇكتى ايەلدەر, ءجيى اۋىراتىن تۇلعالار مەن ەسەپتە تۇرعان ازاماتتار قۇرايدى.
ماڭعىستاۋ وبلىسى
