سەناتتىڭ كەزەكتى وتىرىسىن 5 قاراشادا وتكىزۋ جوسپارلانعان. سونىڭ اياسىندا سەناتورلار «قازاقستان رەسپۋبليكاسىنىڭ ۇكىمەتى مەن بەلارۋس رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسىن قارايدى. سونداي-اق, «كەمە قاتىناسى تۋرالى كەلىسىمدى راتيفيكاتسيالاۋ تۋرالى» زاڭ جوباسى دا وتىرىستىڭ كۇن تارتىبىنە شىعارىلدى.
سونىمەن قاتار دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ مەملەكەتتىك شەكاراسىن كۇزەتۋ جانە ۇلتتىق قاۋىپسىزدىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارايدى.
بيۋرو وتىرىسى كەزىندە ماجىلىستەن كەلىپ تۇسكەن زاڭ جوباسى ءتيىستى كوميتەتكە ءبولىنىپ بەرىلدى. سوعان سايكەس ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى «قازاقستان رەسپۋبليكاسىنىڭ اكiمشiلiك-اۋماقتىق قۇرىلىسى تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا باس كوميتەت بولىپ بەلگىلەندى.
وتىرىس بارىسىندا ماۋلەن اشىمباەۆ الداعى ۋاقىتتا سەنات سالىق كودەكسىنە ەنگىزىلەتىن تۇزەتۋلەر بويىنشا زاڭ جوباسىن قارايتىنىنا نازار اۋداردى. سەنات توراعاسى بۇل وتە ماڭىزدى قۇجات ەكەنىن, دەپۋتاتتاردىڭ زاڭ جوباسىنا قاتىستى كەيبىر ۇسىنىستارى ۇكىمەتتىڭ قورىتىندىسىن قاجەت ەتەتىنىن, سوندىقتان بىرلەسىپ, تىڭعىلىقتى جۇمىس ىستەۋ كەرەكتىگىن اتاپ ءوتتى.
