ءوڭىر باسشىسى ابىلقايىر سقاقوۆپەن بىرگە «مۇناي-حيميا زاۋىتى» جشس جانە «نەفتەحيم LTD» جشس-دە بولدى. مۇناي زاۋىتىندا مينيستر ورتالىق باسقارۋ ءپۋلتى مەن وقۋ ورتالىعىن ارالادى. 2017 جىلى ءوندىرىستى جاڭعىرتقاننان كەيىن كاسىپورىندا ءونىم ساپاسىن ك-4 جانە ك-5 ستاندارتتارىنا دەيىن جاقسارتىپ, مۇناي وڭدەۋ تەرەڭدىگىن ارتتىرعان.
ەكىنشى ءوندىرىس ورنى- «نەفتەحيم LTD» جشس دا مەتيلترەتبۋتيلەفير جانە پوليپروپيلەن ءوندىرۋ تسەحتارىندا بولدى. بيىل زاۋىت پوليپروپيلەن شىعارۋ كولەمىن 40 مىڭ تونناعا دەيىن جەتكىزۋدى جوسپارلاۋدا. وتكەن جانە بۇرىنعى جىلدارى بۇل كورسەتكىش شامامەن 33 مىڭ توننانى قۇراعان. پوليپروپيلەننەن بيگ-بەگ اتتى كولەمى 1 توننالىق ۇلكەن قاپتار جانە باسقا دا ىدىستار جاسالادى.
سونىمەن بىرگە, «قازاقستان ءاليۋمينيى» اق قۇرامىنا كىرەتىن №1 جىلۋ ەلەكتر ورتالىعىندابولىپ, قالانى ەلەكترمەن جانە جىلۋمەن جابدىقتاۋ جۇمىستارىمەن تانىستى. ستانسانىڭ قازىرگى ەلەكتر قۋاتى – 340 مۆت, ال جىلۋ قۋاتى - ساعاتىنا 1074 گكال.
-كاسىپورىن جەرگىلىكتى تورايعىروۆ ۋنيۆەرسيتەتىنىڭ ەنەرگەتيككا فاكۋلتەتى ستۋدەنتتەرىن دۋالدى وقۋ جۇيەسى ارقىلى دايارلايدى, وقۋ بىتىرگەن سوڭ وندىرىسكە جۇمىسقا كەلەدى. جاس مامانداردى وندىرىستە تاعى دا قوسىمشا وقىتامىز, - دەدى كاسىپورىن باسشىسى ي. روجكوۆ.
ال, «پاۆلودارەنەرگو» اق بولىمشەسىنىڭ №3-جىلۋ ورتالىعىندا نۇرلان نوعاەۆ پەن ابىلقايىر سقاقوۆقا نەگىزگى جابدىقتاردى مودەرنيزاتسيالاۋ تۋرالى باياندالدى. مىسالى, بيىل ەنەرگەتيكتەر №6 تۋربينانى قايتا جاڭعىرتۋدان وتكىزدى. جاڭا تەحنولوگيا كاسىپورىن عيماراتى ىرگەتاسىنىڭ بۇزىلۋىنا اكەلەتىن وقىس وقيعالاردان قۇقارادى.
- №6 تۋربينادا ونلاين رەجيمدە بىرىڭعاي پۋلتكە جىبەرۋگە مۇمكىندىك بەرەتىن بولجامداۋ جۇيەسى ورناتىلعان. كورسەتكىش وزگەرسە, جۇيە قۇرىلعىنىڭ جوندەۋگە ءتيىس ۋاقىتىن انىقتاپ بەرەدى. بۇل مودەرنيزاتسيا جۇمىسىن ۋاقتىلى جوسپارلاۋعا مۇمكىندىك بەرەدى,- دەدى كاسىپورىن ماماندارى
قازىر جىلۋ ەلەكتر ورتالىعىنان قالاعا جىلۋ بەرۋ بۇگىندە تۇراقتى جۇرگىزىلۋدە. كاسىپورىن قويمالارىنداعى كومىر قورى - 200 مىڭ توننا
پاۆلودار وبلىسى
