تاۋەلسىز وتان شەجىرەسى – ەلىن سۇيگەن ەردىڭ شەجىرەسى

تامىرى تەرەڭدە جاتقان تاۋەل­سىز ەلىمىزدىڭ ءتول تاريحىن جا­زۋدا وتاندىق عالىمدار كوپ جاعدايدا ۇلى كورشىلەرىمىز قى­تاي, رەسەي جانە وزگە دە ەلدەردىڭ مۇراعات­تا­رى­نا جۇگىنەدى. ەندى ونىڭ ورنى تولى­عاتىن بولدى. كەشە پرەزيدەنتتىك مادەنيەت ورتالىعىندا “قازاقستان رەسپۋب­ليكاسى. تاۋەلسىزدىك شەجى­رە­سى” تاريحي دەرەكنامالىق كوپتوم­دى­­عى­نىڭ العاشقى كىتابىنىڭ رەس­مي تۇساۋكەسەر ءراسىمى ءوتتى. الدىمەن شاراعا قاتىسۋ­شى­لار فويەگە قويىلعان ستەند­تەر­دەگى مەم­لەكەت باسشىسى نۇر­سۇل­تان نا­زارباەۆتىڭ ءار ۋاقىتتاعى جۇمىس با­رىسى ساتتەرى بەينەلەن­گەن سۋرەت­تەر تانىستى. سول سياق­تى مۇندا ەلباسى تۋرالى جا­زىل­عان كىتاپتار دا كوپشىلىك نازا­رىنا ۇسىنىلىپ­تى. ولاردىڭ ارا­سىندا ءتورت سەريا­دان تۇراتىن 14 كىتاپتىق تاۋەلسىز وتان شەجى­رەسى جيناعى ەرەكشە كوزگە تۇسەدى. كوك, قىزىل جانە جا­سىل تۇسپەن كومكەرىلگەن ەڭبەكتەردە تاۋەل­سىز­دىك العالى بەرگى قابىلدان­عان رەسمي قۇجاتتار مەن شەشىمدەر رەت-رەتىمەن قويىلعان, ء“تاۋ­ەلسىزدىك شەجىرەسى”, “ەلمەن سىر­لا­سۋ”, “ەلباسى جولدادى – ەلى قول­دا­دى” جانە “الەم قا­زاق­ستان تۋ­رالى. الەم پرەزيدەنت تۋ­رالى” اتتى سەريالارمەن شى­عىپتى. ازىرگە سەريانىڭ العاشقى 14 تومى 2 مىڭ تارالىممەن “كۇل­تە­گىن” باسپاسىنان جارىق كورگەن. بيىل تاعى 17 تومى شىعارىلادى دەپ كۇتىلۋدە ەكەن. جالپى, 2015 جىل­عا دەيىن ونىڭ سانىن 138 تومعا جەتكىزۋ جوسپارلانعان كو­رىنەدى. مادەنيەت مينيسترلىگىنىڭ قولداۋى­مەن شىعارىلعان بۇل كوپ­توم­دىق­تىڭ اۆتورى – كور­نەك­تى مەملەكەت جانە قوعام قاي­راتكەرى, فيلولوگيا عىلىم­دارى­نىڭ دوكتورى, پروفەس­سور مىر­زا­تاي جولداسبەكوۆ بولسا, عى­لىمي كە­ڭەسشىسى – پرەزيدەنت كە­ڭ­سە­سىنىڭ باستىعى, ساياسي عى­لىم­دار دوكتورى ماحمۇد قاسىمبەكوۆ. م.جولداسبەكوۆ بۇقارالىق اقپارات قۇرالدارى وكىلدەرىنە بەر­گەن ءباسپاسوز ءماسليحاتىندا تاۋەل­سىز ەلدىڭ تاريحى بۇگىننەن جازىل­ماس, وندا كوپتى جوعالتقانىمىز بولار ەدى, دەگەندى ەرەكشە ايتتى. مەملەكەت باسشىسى ن.ءا.نازار­باەۆ­تىڭ كەلىسىمى جانە قولداۋى­مەن ەلىمىزدە پرەزيدەنتتىك ينستي­تۋتى ەنگىزىلۋى مەن مەملەكەت تا­ريحىن زەرت­تەۋ عىلىمي زەرتحاناسى قۇرىل­عان. جوبا اۆتورى ەلباسى­نىڭ ال­دىن­دا بولعان كەزىندە بۇل يدەيا جىلى قابىلدانىپ, ونىڭ ءوز حالقى مەن وتانىنا قىزمەت ەتەتىن ءارى سۇيە بىلەتىن ادامدى دايىنداۋ ءۇشىن قاجەت ەكەنى باسا ايتىلىپتى. دەرەكتەردى جيناۋ وڭاي بول­ما­عاندىعىمەن بولىسكەن م.جولداس­بەكوۆ تاۋەلسىزدىك العان العاشقى جىل­دارداعى باسىلىمداردىڭ پا­راق­­تارى بولماي شىققانى دا ءوزىن­دىك كەدەرگى بولعاندىعىن العا تارت­تى. ايتسە دە وسىلايشا عىلىمعا ءبىرىنشى قادام جاسالىپ وتىر. جوبا اۆتورىنىڭ پىكىرىنشە, ەلىمىزدە 15 مىڭداي مەكتەپ, 10 مىڭ كىتاپحانا, 180 وقۋ مەكەمەسى بار بولسا, 2 مىڭ دانامەن جارىق كورگەن كىتاپ بارلىعىنا بىردەي جەتە بەرمەيدى. تۇساۋكەسەر ءراسىمىنىڭ ماقساتى – ۇلتتىق سانانى قالىپتاستىرۋ, ۇلى دالا تاريحىن وسكەلەڭ ۇرپاق سانا­سىندا ءتىرىلتۋ, كەلەشەك ۇرپاق­تىڭ تاۋەلسىز وتانىنا دەگەن قۇر­مەت سە­زى­مىن وياتۋ. نەگىزىنەن بۇل ەڭ­بەك­تەر­دىڭ ەلىمىز تاۋەلسىزدىگىنىڭ 20 جىل­دى­عى قارساڭىندا ەلىن ءسۇي­گەن ەلبا­سىنىڭ تاۋەلسىز مەم­لەكەتتى قۇرۋى, قا­لىپتاستىرۋى, ەلدىڭ الەۋمەتتىك ىرگەسىنىڭ بەرىگۋى مەن ىشكى تۇراق­تى­لىققا قوسقان رياسىز ەڭبەگى جانە وزگە دە قىر­لا­رى جان-جاقتى اشىپ كورسەتىلگەن. اتالعان شاراعا پرەزيدەنت اكىم­شىلىگىنىڭ قىزمەتكەرلەرى, پار­لامەنت سەناتى مەن ءماجىلىسىنىڭ دەپۋتاتتارى, مينيسترلىكتەر مەن ۆە­دوم­ستۆولار وكىلدەرى, مەملەكەت جانە قوعام قايراتكەرلەرى, “نۇر وتان” حدپ ورتالىق اپپاراتىنىڭ قىزمەتكەرلەرى, ت.ب. قاتىستى. پرەزيدەنت اكىمشىلىگى باسشىسىنىڭ ورىنباسارى ماۋلەن اشىمباەۆ جاڭا جوبانىڭ ءمان-ماڭىزى ءجونىن­دە كەڭىنەن وي تولعاپ, ءسوز سويلەدى. اسقار تۇراپباي ۇلى.