"سىبايلاس جەمقورلىققا قارسى ءىس-قيمىل اگەنتتىگىنىڭ باتىس قازاقستان وبلىسى بويىنشا دەپارتامەنتى وبلىستىق دەنساۋلىق ساقتاۋ باسقارماسىنىڭ باسشىسى مەن ونىڭ كومەكشىسىنە قاتىستى تەرگەۋدى باستادى. 2020 جىلعى 12-23 قازان ارالىعىندا ولار كومپانيا ديرەكتورىنان مەديتسينالىق جابدىقتاردى (مونيتورلاردى) جەتكىزۋگە جشس-مەن بۇرىن جاسالعان مەملەكەتتىك ساتىپ الۋ تۋرالى شارتتار بويىنشا ورىندالعان جۇمىستار مەن ماتەريالدىق قۇندىلىقتاردى قابىلداۋ اكتىلەرىنە كەدەرگىسىز قول قويۋ ءۇشىن جالپى سوماسى 7 800 000 تەڭگە پارا العان. ال جشس-مەن بۇرىن جاسالعان مەملەكەتتىك ساتىپ الۋ تۋرالى شارتتاردىڭ جالپى سومما 78 000 000 تەڭگە", دەدى تەرگەۋشى بريفينگتە.
دانيار بيعايداروۆتىڭ ايتۋىنشا, وبلىستىق دەنساۋلىق ساقتاۋ باسقارماسىنىڭ باسشىسى مەن كومەكشىسى قر قىلمىستىق ءىس جۇرگىزۋ كودەكسىنىڭ 128-بابى ("ۇستاۋ نەگىزدەرى") بويىنشا ورالداعى ۋاقىتشا تەرگەۋ يزولياتورىنا قامالعان. باسقا اقپارات تەرگەۋ مۇددەسىنە سايكەس جاريا ەتىلمەيدى.
