ەكونوميكا • 30 قازان، 2020

فرانتسۋز كومپانيالارىنا قازاقستاننىڭ ينۆەستيتسيالىق مۇمكىندىكتەرى تانىستىرىلدى

10 رەت كورسەتىلدى

ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋ ماسەلەلەرى قازاقستان-فرانتسۋز "دوڭگەلەك ۇستەلى" مەن ەكى ەلدىڭ ىسكەرلىك كەڭەسىنىڭ وتىرىسى بارىسىندا تالقىلاندى، دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

بەينەكونفەرەنتسيا رەجيمىندە وتكەن ءىس-شاراعا 100-دەن استام بيزنەس-قوعامداستىقتىڭ وكىلدەرى، قازاقستان مەن فرانتسيانىڭ مەملەكەتتىك ورگاندارىنىڭ، كۆازيمەملەكەتتىك ۇيىمدارىنىڭ باسشىلارى قاتىستى.

فورۋم بارىسىندا قاتىسۋشىلار ەكونوميكانى جاڭا جاعدايدا دامىتۋ، قازاقستاندا بيزنەس جۇرگىزۋ جانە ينۆەستيتسيالار بويىنشا كەڭ اۋقىمدى ماسەلەلەردى تالقىلادى. سونىمەن قاتار، قازاقستاندىق سپيكەرلەر ەلدىڭ ينۆەستيتسيالىق احۋالى، بيزنەستى مەملەكەتتىك قولداۋ شارالارى جانە قازاقستاندا ينۆەستيتسيالىق جوبالاردى ىسكە اسىرۋ مۇمكىندىكتەرىن كەڭىنەن تانىستىردى.

سىرتقى ىستەر ءمينيسترىنىڭ ورىنباسارى الماس ايداروۆ ءوز سوزىندە پرەزيدەنت قاسىم-جومارت توقاەۆتىڭ قازاقستان حالقىنا ارنالعان جولداۋىندا ينۆەستيتسيالىق ساياساتتى ىسكە اسىرۋ بويىنشا قوسىمشا شارالار مەن باسىمدىقتاردى، سونىڭ ىشىندە، جاڭا قۇرال - ستراتەگيالىق ينۆەستيتسيالىق كەلىسىمشارتتى ەنگىزۋ تۋرالى جاريالاعانىن اتاپ ءوتتى.

ء«بىزدىڭ ەلىمىز ينۆەستيتسيالىق احۋالدى جاقسارتۋعا باعىتتالعان رەفورمالاردى جۇيەلى تۇردە جۇرگىزىپ كەلەدى. ۇكىمەتتىڭ كاسىپكەرلەرمەن تىكەلەي جانە اشىق ديالوگى قامتاماسىز ەتىلۋدە جانە جاڭا ينۆەستيتسيالار، نوۋ-حاۋ جانە وزىق تەحنولوگيالار تارتۋ ءۇشىن ينفراقۇرىلىم جەتىلدىرىلۋدە. قازىرگى ۋاقىتتا پرەزيدەنت قاسىم-جومارت توقاەۆتىڭ تاپسىرماسى بويىنشا ستراتەگيالىق ينۆەستيتسيالىق كەلىسىم ارقىلى ءىرى ينۆەستورلار ءۇشىن قوسىمشا قولداۋ قۇرالىن ەنگىزۋ بويىنشا جۇمىس جۇرگىزىلۋدە. وسى كەلىسىم ينۆەستورلارعا سالىقتىق پرەفەرەنتسيالار، جەڭىلدەتىلگەن قارجىلاندىرۋ، مەملەكەت تاراپىنان كەپىلدەندىرىلگەن ساتىپ الۋ، سونداي-اق ەكسپورتتىق قولداۋ تۇرىندە مەملەكەتتىك دەمەۋ شارالارىنىڭ كەشەندى پاكەتىن ۇسىنادى. كەپىلدى زاڭناما تۇراقتىلىعى مەن سالالىق پرەفەرەنتسيالاردىڭ بولۋىن اتاپ ءوتۋ ماڭىزدى»، - دەدى ءمينيستردىڭ ورىنباسارى.

ءىس-شارا اياسىندا "BPifrance" فرانتسيانىڭ ەگەمەندى قورى جانە ينۆەستيتسيالىق بانكى، "Saint-Gobain" قۇرىلىس ماتەريالدارى مەن يننوۆاتسيالىق شەشىمدەرىنىڭ ءىرى ءوندىرۋشىسى جانە "Air Liquide" ءىرى ونەركاسىپتىك توبىنىڭ باسشىلىعىمەن ەكىجاقتى كەزدەسۋلەر ءوتتى.

فرانتسيا قازاقستاننىڭ نەگىزگى ساۋدا-ينۆەستيتسيالىق سەرىكتەستەرىنىڭ تىزىمىنە كىرەدى. 2010 جىلدان باستاپ فرانتسيادان قازاقستانعا تىكەلەي شەتەلدىك ينۆەستيالار كولەمى شامامەن 11 ملرد. اقش دوللارىن قۇرادى، بۇگىندە ەلىمىزدە مۇناي-گاز سەكتورىندا، ۋران ونەركاسىبى، ماشينا جاساۋ، اۋىل شارۋاشىلىعى، فارماتسەۆتيكا، كولىك، تۋريزم، تسيفرلاندىرۋ، ەنەرگەتيكا، ونىڭ ىشىندە بالامالى ەنەرگەتيكا جانە باسقالارىندا فرانتسۋز كاپيتالىنىڭ قاتىسۋىمەن 166 كاسىپورىن تىركەلگەن. ولاردىڭ قاتارىندا "Total"، "Orano"، "Alstom"، "Air Liquidە"، "Vicat"، "Danone"، "Soufflet" جانە ت. ب. كومپانيالار بار. 

فورۋمدى قر سىرتقى ىستەر مينيسترلىگى، قر فرانتسياداعى ەلشىلىگى، "KAZAKH INVEST" ۇك" اق، ەكى ەلدىڭ ىسكەرلىك كەڭەسىنىڭ تەڭ توراعالارى جانە MEDEF فرانتسۋز كاسىپورىندارىنىڭ بىرلەستىگى ۇيىمداستىردى.

سوڭعى جاڭالىقتار

سەمەيگە «سەرگەك» ورناتىلادى

ايماقتار • بۇگىن، 14:56

اكىم اقىنعا قۇرمەت كورسەتتى

ايماقتار • بۇگىن، 14:52

ۇقساس جاڭالىقتار