"وبلىستا مەديتسينالىق ۇيىمداردىڭ ماتەريالدىق-تەحنيكالىق بازاسى جوعارى دەڭگەيدە جاساقتالعان. وتتەگى ستانتسياسىنىڭ سانى 2 ەسەگە ارتىپ, جالپى 8 ستانتسيا بار. سونداي-اق 80 بىرلىك وكسيگەناتسيا اپپاراتى ساتىپ الىندى. بۇدان بولەك, وتتەگى كونتسەنتراتورلارىنىڭ سانى 890 بىرلىككە جەتتى. وتتەگى نۇكتەلەرىنىڭ سانى 9,7 ەسەگە ارتىپ, 205-تەن 2005 نۇكتەگە دەيىن ۇلعايدى. اعىمداعى جىلى وبلىستىق بيۋدجەت ەسەبىنەن 1 كومپيۋتەرلىك توموگراف پەن 3 ساندىق رەنتگەن اپپاراتتارى ورناتىلدى. مەديتسينالىق ۇيىمداردا پۋلسوكسيمەتردىڭ قامتاماسىز ەتىلۋى 190-نان 3879-عا دەيىن جەتىپ وتىر", - دەدى باسقارما باسشىسى.
سونىمەن قاتار وبلىستا پتر زەرتحانالارىنىڭ سانى 3 بىرلىكتەن 9 بىرلىككە دەيىن ءوسىپ, كۇن سايىن 2,5 مىڭنان استام زەرتتەۋلەرگە مۇمكىندىك بەرۋدە. بۇدان وزگە, 12 بىرلىك جىلجىمالى مەديتسينالىق كەشەن جيىنتىعى ساتىپ الىنۋدا. ناتيجەسىندە جىلجىمالى مەديتسينالىق كەشەنمەن اۋدانداردى قامتاماسىز ەتۋ كورسەتكىشى 100%-دى قۇرايتىن بولادى. جەدەل-جاردەم قىزمەتىنە جىل سوڭىنا دەيىن 122 اۆتوكولىك ساتىپ الۋ جوسپارلانعان. بۇل اۆتوكولىكتەر جەدەل-جاردەم قىزمەتى پاركىن 96%-عا جاڭارتۋعا مۇمكىندىك بەرەدى.
ايتا كەتەرلىگى, مەديتسينالىق ۇيىمداردا 2 ايلىق ءدارى-دارمەك قورى بار. وڭىردە تۇرعىنداردى دارىلىك زاتتار مەن مەديتسينالىق بۇيىمدارعا قولجەتىمدىلىگىن قامتاماسىز ەتۋ ماقساتىندا بولشەك ساۋدا ءدارىحانالارى ارقىلى جەرگىلىكتى تۇراقتاندىرۋ قورى قۇرىلعان. جالپى وبلىس اۋماعىندا 557 بولشەك ساۋدا ءدارىحانالارى قىزمەت اتقارادى. ونىڭ 238-مەن ءوزارا ارەكەتتەسۋ تۋرالى مەموراندۋمعا قول قويىلدى. حالىقتى بەتپەردەلەرمەن ۇزدىكسىز قامتاماسىز ەتۋ ءۇشىن ەرەسەكتەرگە 1,5 ملن دانا جانە بالالار ءۇشىن 1 ملن دانا قوسىمشا تاپسىرىس بەرىلدى.
تۇركىستان وبلىسىندا پاندەميا باستالعالى COVID-19 ينفەكتسياسىن جۇقتىرعان 3 408 جاعداي تىركەلگەن. جازىلىپ شىققاندار سانى – 3 349, قايتىس بولعاندار – 46.
