استانادا ايەلدەر اراسىندا ITF ءتۋرنيرىنىڭ كەزەكتى جارىسى ءوتىپ, وندا قازاقستاننىڭ جاس تەننيسشىسى كاميلا كەرىمباەۆا جەڭىمپاز اتاندى. وسىعان وراي مەملەكەت باسشىسى نۇرسۇلتان نازارباەۆ ونى تەلەفون ارقىلى جەڭىسىمەن قۇتتىقتادى.
استانادا ايەلدەر اراسىندا ITF ءتۋرنيرىنىڭ كەزەكتى جارىسى ءوتىپ, وندا قازاقستاننىڭ جاس تەننيسشىسى كاميلا كەرىمباەۆا جەڭىمپاز اتاندى. وسىعان وراي مەملەكەت باسشىسى نۇرسۇلتان نازارباەۆ ونى تەلەفون ارقىلى جەڭىسىمەن قۇتتىقتادى.
ITF ءتۋرنيرى – حالىقارالىق تەننيستەر قاۋىمداستىعىنىڭ (WTA) قامقورلىعىمەن ايەلدەر اراسىندا وتەتىن ۇلكەن جارىستاردىڭ ءبىرى. ول جاس تەننيسشىلەردىڭ بولاشاقتا WTA-نىڭ ۇلكەن تۋرنيرلەرىنە قاتىسۋى ءۇشىن وتكىزىلەدى. وسى سىندا كاميلا كەرىمباەۆا العاش رەت ۇلكەن جەتىستىگىنە جەتتى. ول استانادا وتكەن تۋرنيردە وزبەك تەننيسشىسى البينا حابيبۋلينانى ەكى پارتيادا 6:1, 6:3 ەسەپتەرىمەن ۇتتى. بۇعان دەيىن كاميلا ءوز ەلىمىزدە ۇلكەن حالىقارالىق جارىستاردا مۇنداي بيىك تۇعىرعا كوتەرىلگەن ەمەس ەدى. سوندىقتان, مۇنى ونىڭ ومىرىندەگى ەڭ جوعارى ناتيجە دەۋگە بولادى.
– بۇل – مەنىڭ ەلىمىزدە وتكەن ۇلكەن جارىستارداعى العاشقى جەڭىسىم. وسى سىنعا بەسىنشى ءنومىرلى تەننيسشى رەتىندە قاتىستىم. مەنىڭ جەڭىمپاز اتاناتىنىما كوپ ادام سەنگەن جوق, – دەدى ول. – ءتۋرنيردىڭ جەڭىمپازدىعىن قىرعىزستاندىق كسەنيا پالكينادان كۇتتى. مەن الدىما تەك جەڭىسكە جەتۋ كەرەك دەگەن ماقسات قويدىم. فينالعا جاقسى دايىندىقپەن شىعىپ, قارسىلاسىمدى قينالماي ۇتتىم دەسەم بولادى.
كاميلانىڭ وزبەك تەننيسشىسىمەن وتكەن كەزدەسۋى تۋرا 1,5 ساعاتقا سوزىلدى. وسى كەزدەسۋدە ەكى جاق جەڭىسكە جەتۋ ءۇشىن بارىن سالىپ باقتى. وزبەك قىزى دا وسال تەننيسشى ەمەس. ول دا استاناعا تەك جەڭىمپاز اتانۋعا كەلگەن تەننيسشىلەردىڭ ءبىرى. سوعان قاراماستان, ك.كەرىمباەۆا فينالدا قارسىلاسىن ۇتىپ, بيىلعى حالىقارالىق جارىستاردا وسىمەن ەكىنشى رەت جەڭىسكە جەتتى.
ك.كەرىمباەۆا بيىلعى العاشقى جەڭىسىنە ەگيپەتتە وتكەن حالىقارالىق سىندا جەتكەن ەدى. سول كەزدەگى تۋرنير دە جاس تەننيسشىمىزگە اسا قيىنعا سوقپادى. ول وزىمەن قۇرداس سپورتشىلاردىڭ بارىنەن باسىمدىق تانىتىپ, جارىستىڭ ءنومىرى ءبىرىنشى راكەتكاسىنا اينالدى.
داستان كەنجالين,
«ەگەمەن قازاقستان».
