«انونيمۋس» توبىنىڭ حاكەرى پەرۋ مەملەكەت باسشىسى وليانتا ۋمالانىڭ سايتىن بۇزىپ كىرگەن. بۇل تۋرالى يتار-تاسس حابارلادى.
حاكەر بىرنەشە مينۋتقا پەرۋ پرەزيدەنتى وليانتا ۋمالانىڭ سايتىنا كىرۋگە مۇمكىندىك العان. پورتالدى بۇزىپ كىرگەن ول پرەزيدەنتتىڭ سەرۆەرىنە ۇكىمەت پەن مەملەكەت باسشىسىنىڭ وزىنە باعىتتالعان سىني ماتەريالدار جاريالاپ ۇلگەرگەن.
LuizSecPeru بۇركەنشىك ەسىمدى حاكەر بۇل ارەكەتتى مەملەكەتتىك ورگاندار ينتەرنەت-پورتالدارىنىڭ قاۋىپسىزدىگىندە شيكىلىكتەر بار ەكەنىن كورسەتىپ, ۇكىمەتتىڭ اتقارىپ جاتقان جۇمىستارىنا كوڭىلى تولمايتىنىن ايتۋ ماقساتىندا ۇيىمداستىرعانىن جەتكىزدى. سايتتىڭ جۇمىسى قالپىنا كەلگەننەن كەيىن ول ءوزىنىڭ تۆيتتەردەگى بەتىنە پەرۋدىڭ جاڭا زاڭدارىنا نارازىلىق بىلدىرەتىنىن جازدى. بۇل زاڭداردىڭ بىرىندە اقپاراتتىق سالادا جۇرگىزگەن قىلمىستارعا باس بوستاندىعىنان ايىرۋ جازاسى قاراستىرىلعان ەكەن.
ايدار ورىسباەۆ.
