اۋداننىڭ قاراسۋ, وتەگەن, ماسانشى, قاراكەمەر, سورتوبە, بۇلار باتىر, اۋقاتتى, قىزىلساي جانە كۇنباتىس-1, كۇنباتىس-2 اۋىلدارىنا جالپى جوبالىق-سمەتالىق قۇنى 5,6 ميلليارد تەڭگە بولاتىن 73,2 شاقىرىم گاز قۇبىرىن تارتۋ قولعا الىنىپ وتىر. قازىرگى كەزدە بىرقاتار اۋىلداردا قۇرىلىس-مونتاجداۋ جۇمىسى اياقتالىپ كەلەدى. ال, قاراسۋ, وتەگەن اۋىلدارىنا گاز جەتكىزىلدى.
اتالعان ەكى اۋىلدا كوگىلدىر وتىندى قوسۋعا ارنالعان سالتاناتتى شارا ءوتىپ, قورداي اۋدانىنىڭ اكىمى رۇستەم داۋلەت تۇرعىنداردى قۇتتىقتادى. اكىم ءوز سوزىندە مەملەكەت تاراپىنان جاسالىپ وتىرعان قامقورلىقتىڭ بۇل تەك ءبىر پاراسى عانا ەكەنىن ايتتى. بۇدان كەيىن اۋىلعا جەتكەن گازدىڭ الاۋى جاعىلىپ, سالتاناتتى تۇردە ىسكە قوسىلدى. جالپى, بۇل ەكى اۋىلدا 1251 تۇرعىن ءۇي جىل سوڭىنا دەيىن گازبەن قامتىلادى. قۇرىلىس جۇمىسىمەن اينالىسىپ جاتقان مەردىگەر «فيرما سكم ستروي» جاۋاپكەرشىلىگى شەكتەۋلى سەرىكتەستىگى اۋىلىشىلىك جەلىلەردى تارتۋدى اياقتاعان. ەندى تۇرعىندارمەن كەلىسىمشارت جاسالىپ, ونى ۇيگە كىرگىزۋ رەتىمەن جوسپارعا ساي جالعاساتىن بولادى. تۇرعىنداردىڭ گاز قوسۋعا تولەنەتىن اقىسىنىڭ دا ءتيىمدى جولدارى قاراستىرىلعان. الداعى ۋاقىتتا جەرگىلىكتى كاسىپكەرلەردىڭ دەمەۋشىلىگىمەن كوپبالالى انالار مەن از قامتىلعان وتباسىلاردىڭ ۇيىنە گاز قۇبىرىن تارتۋعا كومەك كورسەتىلەدى.
جامبىل وبلىسى
