كۇن تارتىبىندە قالاداعى ەپيدەميالىق جاعداي ماسەلەلەرى جانە ءموبيلدى توپتاردىڭ جۇمىسىن كۇشەيتۋ, سونداي-اق جىلىتۋ ماۋسىمى كەزەڭىندە ءورت قاۋىپسىزدىگىنىڭ الدىن الۋ ماسەلەلەرى تالقىلاندى. جالپى, ەلوردا كورونوۆيرۋس ينفەكتسياسى بويىنشا سارى, قاۋىپتى ايماققا كىرەدى. سوندىقتان ەرەكشە نازار اۋدارۋدى تالاپ ەتەدى. جۇرگىزىلگەن تەكسەرىس ناتيجەسىندە شوب سۋبەكتىلەرى تاراپىنان كارانتين شارالارى مەن سانيتارلىق ەرەجەلەر بىرنەشە رەت ساقتامالماعان.
"وسىعان بايلانىستى, قۇقىق قولدانۋ پراكتيكاسى جانە ەسكەرتۋدى ازايتۋ ماقساتىندا كارانتين شارالارىن ۇنەمى بۇزاتىن كاسىپكەرلىك سۋبەكتىلەرىنىڭ قىزمەتىن ۋاقىتشا توقتاتا تۇرۋ ماسەلەسى قارالاتىن بولادى", دەپ اتاپ ءوتتى وتىرىس بارىسىندا نۇر-سۇلتان قالاسى اكىمىنىڭ ورىنباسارى باقتيار ماكەن.
سونداي-اق, وتىرىس بارىسىندا سالىنعان تىيىمعا قاراماستان, كەيبىر ويىن-ساۋىق مەكەمەلەرى ءوز قىزمەتىن جۇزەگە اسىرۋدى جالعاستىرۋدا. ال ءموبيلدى توپتار وكىلدەرى وبەكتىگە كىرىپ, بۇزۋشىلىقتاردى تىركەي المايدى, ويتكەنى كۇزەت كىرۋگە كەدەرگى كەلتىرەدى نەمەسە وبەكت ءوز قىزمەتىن جابىق ەسىك رەجيمىندە جۇزەگە اسىرادى.
نۇر-سۇلتان قالاسى اكىمىنىڭ ورىنباسارى ب.ماكەن اتاپ وتكەندەي, كوروناۆيرۋستىڭ تارالۋىن تەجەۋ ءۇشىن شەتەلدەن جانە باسقا وبلىستاردان كەلۋشىلەردى پتر-تەستىلەۋدەن بۇرىنعىداي وتكىزۋ قاجەت. سونداي-اق كارانتين رەجىمى مەن سانيتارلىق نورمالاردىڭ ساقتالۋىن تەكسەرەتىن ءموبيلدى توپتاردىڭ جۇمىسىن كۇشەيتۋ تاپسىرىلدى. سونىمەن قاتار, الەۋمەتتىك نىسانداردى, كاسىپكەرلىك سۋبەكتىلەرىن جانە ت.ب. دەزينفەكتسيالاۋدى ۇنەمى جۇرگىزۋ ماڭىزدى. حالىق قاراپايىم ەرەجەلەردى ەلەمەي, ادامدار ءوز ومىرلەرىنە عانا ەمەس, وتانداستارىنا دا قاۋىپ توندىرەتىنىن ەستە ۇستاي وتىرىپ, ماسكا تاعۋ قاجەت.
