ايماقتار • 20 قازان، 2020

باتىس قازاقستاندا 300-دەن استام مەملەكەتتىك قىزمەتشىنىڭ ورنى بوس تۇر

29 رەت كورسەتىلدى

2020 جىلعى 1 قازاندا جاعداي بويىنشا باتىس قازاقستان وبلىسىندا ءتۇرلى دەڭگەيدەگى 304 مەملەكەتتىك قىزمەتشىنىڭ لاۋازىمى بوس تۇرعانى بەلگىلى بولدى، دەپ حابارلايدى Egemen.kz

بۇل تۋرالى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ باتىس قازاقستان وبلىسى بويىنشا باسشىسى، ادەپ جونىندەگى كەڭەس توراعاسى عالىم تۇرسىنباەۆ حابارلادى. مامان تاپشىلىعى وڭىردەگى بارلىق شتات كەستەسىنىڭ 7 پايىزىن قۇرايدى. اتاپ ايتقاندا وبلىستىق دەڭگەيدە – 103، اۋداندىق دەڭگەيدە – 146، اۋىلدىق دەڭگەيدە – 47 مەملەكەتتىك قىزمەتشىنىڭ ورنى بوس تۇر ەكەن.

جىل باسىنان بەرى وتكەن 9 اي ىشىندە جەرگىلىكتى اتقارۋ ورگاندارىنان – 530 ادام، ورتالىق اتقارۋ ورگاندارىنان – 237 مامان قىزمەتىن اۋىستىرعان. سونىڭ ىشىندە 226 مامان مەملەكەتتىك قىزمەتتى مۇلدەم تاستاپ كەتكەن. جەرگىلىكتى اتقارۋشى ورگانداردا جۇرگىزىلگەن ساۋالناما قورىتىندىسىنا قاراساق، جۇمىستان شىققانداردىڭ 73،1%-ى ەڭبەكاقىسى تومەن بولعاندىقتان كەتكەنىن ايتىپتى.

"ديپلوممەن اۋىلعا"  جوباسى اۋىلدىق اپپاراتقا بىلىكتى مامانداردىڭ كەلۋىنە وڭ اسەر ەتىپ، مامان تاپشىلىعىن قىسقارتىپ وتىر، دەيدى عالىم سۇلتان ۇلى.

جىل باسىنان بەرى وبلىستاعى مەملەكەتتىك ورگانداردا اكىمشىلىك مەملەكەتتىك بوس لاۋازىمدارعا 1388 كونكۋرس وتكىزىلگەن. وسى بايقاۋلارعا بارلىعى 1324 ۇمىتكەر قاتىسىپ، 729-ى جەڭىمپاز اتانعان.

"جەرگىلىكتى اتقارۋشى ورگانداردا باسشىلىق لاۋازىمدارعا تاعايىنداۋ ءۇشىن بيىلعى 9 اي ىشىندە 240 كونكۋرس وتكىزىلدى. وعان 191 ادام قاتىسىپ، 151-ءى جەڭىمپاز بولدى. سونىڭ ىشىندە باسقارۋشى لاۋازىمدارعا 107 مەملەكەتتى قىزمەتشى ىلگەرلەتۋ ماقساتىندا جوعارعى باسشىلىق لاۋازىمعا ورنالاستى. ايتا كەتەيىك، بۇل بايقاۋلار اشىق، ءادىل ءوتتى. كونكۋرستىق كوميسسيا جۇمىسىن بايقاۋشىلاردىڭ 80 پايىزى – قوعامدىق بىرلەستىك وكىلدەرى، دەيدى عالىم تۇرسىنباەۆ.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار