ايماقتار • 19 قازان, 2020

قوستانايدا ەكى بىردەي جاسىرىن كازينو اشكەرە بولدى

370 رەت

كورسەتىلدى

1 مين

وقۋ ءۇشىن

قوستاناي وبلىستىڭ ەكونوميكالىق تەرگەۋ دەپارتامەنتى مەن «قىران» ارنايى بولىمشەسىنىڭ قىزمەتكەرلەرى وبلىس ورتالىعىندا استىرتىن جۇمىس ىستەپ كەلگەن ەكى بىردەي كازينونى اشكەرەلەپ وتىر. ۇستالعاندار قالانىڭ ەكى اۋدانىنان عيمارات جالداپ, ءتۇرلى قۇمار ويىندارىن ۇيىمداستىرىپ كەلگەن. جاسىرىن كازينولار ءار ويىنعا كەم دەگەندە 10 مىڭ تەڭگەدەن ارتىق اقشاسى بار ءۇش ويىنشىدان عانا جىبەرىپ, ويىن شارتى تۋرالى اۋىزشا كەلىسىم جاساسىپ وتىرعان, دەپ حابارلايدى Egemen.kz.

نۇرقانات قۇلاباەۆ

قوستانايدا ەكى بىردەي جاسىرىن كازينو اشكەرە بولدى

ەكونوميكالىق تەرگەۋ قىزمەتىنىڭ مالىمەتىنشە, كازينو ورنالاسقان عيماراتتاردى تەكسەرۋ بارىسىندا 1 پوكەر ۇستەلى, قۇمار ويىننىڭ وزگە دە تۇرلەرىنە ارنالعان 6 ۇستەل, 15 ويىن كارتاسى, فيشكا تولى كەيس, بەينەجازبا ءتۇسىرىپ وتىراتىن رەسيۆەر, "Samsung" ماركالى ەلەكتروندى پلانشەت جانە اقشا تابىلعان. زاڭسىز ويىنحانادا تابىلعان زاتتار ايعاق رەتىندە تاركىلەنىپ الىندى.

قوستاناي وبلىسى