ونلاين رەجىمدە ۇيىمداستىرىلاتىن فورۋمعا قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ, يران يسلام رەسپۋبليكاسىنىڭ عىلىم, زەرتتەۋلەر جانە تەحنولوگيا ءمينيسترى مانسۋر گولامي, قازاقستاننىڭ ءبىلىم جانە عىلىم ءمينيسترى اسحات ايماعامبەتوۆ, قازاقستاننىڭ مادەنيەت جانە سپورت ءمينيسترى اقتوتى رايىمقۇلوۆا, يسەسكو باس حاتشىسى ساليم ءال-ماليك, يسلام ىنتىماقتاستىعى ۇيىمى جانىنداعى عىلىم-تەحنولوگيا جونىندەگى تۇراقتى كوميتەتتىڭ (COMSTECH) ديرەكتورى مۇحاممەد يكبال چاۋداري, تۇركيا رەسپۋبليكاسى پرەزيدەنتىنىڭ باس كەڭەسشىسى يالچىن توپچۋ, جانە تاعى باسقا ىرگەلى حالىقارالىق ۇيىمداردىڭ جەتەكشىلەرى, ۇلتتىق كوميسسيالاردىڭ باسشىلارى, قوعام جانە مەملەكەت قايراتكەرلەرى, رەكتورلار, عىلىم اكادەميالارىنىڭ جەتەكشىلەرى, ديپلوماتتار, بەلگىلى فارابيتانۋشى عالىمدار قاتىسادى دەپ كۇتىلۋدە.
ايتا كەتۋ كەرەك, ۇلى ويشىلدى ۇلىقتاۋعا ارنالعان قورىتىندى شارا رەتىندە وتەتىن حالىقارالىق جيىنعا دۇنيەجۇزىنىڭ 30-عا جۋىق مەملەكەتىنەن تانىمال عالىمدار قاتىسادى. سونىمەن قاتار, فورۋم جۇمىسىنا الەمنىڭ التى تىلىنە ىلەسپە اۋدارما جاسالىپ, الەۋمەتتىك جەلىلەر ارقىلى تىكەلەي كورسەتىلەدى.
