كادرلارعا مەملەكەتتىك ءبىلىم بەرۋ تاپسىرىسى بولىنۋدە
اتقارىلعان جۇمىستار ناتيجەسىندە 2020-2021 وقۋ جىلىندا 975 ازامات قابىلدانىپ, قازىرگى تاڭدا 5300 ازامات ءبىلىم الۋدا. 2020 جىلى كوللەدج بىتىرۋشىلەر اراسىندا جۇمىسقا ورنالاسقاندارىنىڭ جالپى ۇلەسى 75,6%, ونىڭ ىشىندە دۋالدى وقىتۋ جۇيەسى ارقىلى دايارلانعان تۇلەكتەردىڭ جۇمىسپەن قامتىلۋى 78,2%-دى قۇراپوتىر. مەملەكەتتىك ءبىلىم بەرۋ تاپسىرىسىن بەكىتۋ كەزىندە ماماندارعا سۇرانىستى ايقىنداۋ ماقساتىندا وبلىس اكىمىنىڭ ورىنباسارى بەكىتكەن تىزىممەن 8 سالا بويىنشا قۇرىلعان جۇمىس توبىنىڭ ۇسىنىسىنا سايكەس جانە كونكۋرستىق كوميسسيانىڭ شەشىمى بويىنشا وبلىس اكىمدىگىنىڭ جىل سايىنعى قاۋلىلارىنا سايكەس تەحنيكالىق جانە كاسىپتىك, ورتا ءبىلىمنەن كەيىنگى ءبىلىمى بار كادرلارعا مەملەكەتتىك ءبىلىم بەرۋ تاپسىرىسى بولىنۋدە. ماسەلەن, 2020-2021 وقۋ جىلىنا اتالعان ءبىلىم بەرۋ تاپسىرىسى 7291 ورىنعا ءبولىنىپ, اۋدان, قالالىق اكىمدىكتەردىڭ, سالالىق باسقارمالاردىڭ جانە جۇمىس بەرۋشىلەردىڭ ماماندارعا سۇرانىستارىنا سايكەس دايىندالىپ وتىر. تۇرمەدەگى سوتتالعان ازاماتتاردىڭ دا ماماندىق الۋى ءۇشىن وبلىستاعى تۇزەۋ مەكەمەلەرىنىڭ بازاسىندا 3 كوللەدجدىڭ بولىمشەلەرى قۇرىلىپ, قازىرگى تاڭدا مەملەكەتتىك تاپسىرىس شەڭبەرىندە 450 سوتتالۋشى ازاماتقا جۇمىسشى ماماندىقتارى وقىتىلۋدا.
العاش رەت ينكليۋزيۆتى ءبىلىم بەرۋ ىسكە قوسىلدى
سونىمەن قاتار, مۇمكىندىگى شەكتەۋلى بالالاردىڭ ءبىلىم الۋ قۇقىقتارىن قامتاماسىز ەتۋ ماقساتىندا العاش رەت تۇركىستان وبلىسىندا ەرەكشە ءبىلىم بەرۋ قاجەتتىلىگى بار بالالار ءۇشىن (ساڭىراۋ بالالار) جاعداي جاسالىپ, 2 كوللەدجدە 44 ستۋدەنت تىگىن ءوندىرىسى جانە ەسەپتەۋ تەحنيكاسى ماماندىقتارى بويىنشا ينكليۋزيۆتى ءبىلىم بەرۋ ىسكە اسىرىلىپ وتىر.
جىل سايىن كەنتاۋ قالاسىندا مۇگەدەك ازاماتتاردى وقىتاتىن كەنتاۋ ارناۋلى كاسىپتىك كوللەدجىنە مەملەكەتتىك ءبىلىم بەرۋ تاپسىرىسىمەن 80 ازامات قىزمەت كورسەتۋ ماماندىقتارى بويىنشا ءبىلىم الۋدا. قازاقستان رەسپۋبليكاسىنىڭ «قازاقستان رەسپۋبليكاسىنىڭ بالالاردىڭ قۇقىقتارى تۋرالى» زاڭىنا سايكەس جىل سايىن تەحنيكالىق جانە كاسىپتىك ءبىلىم بەرۋ ۇيىمدارىندا وقۋعا نيەت بىلدىرگەن جەتىم بالدارعا تەگىن كاسىپتىك ءبىلىم الۋعا جولداما بەرىلۋدە. بيىلعى وقۋ جىلىندا مەكتەپ بىتىرگەن 116 جەتىم جانە اتا-اناسىنىڭ قامقورلىعىنسىز قالعان بالالاردىڭ جولداما ارقىلى كوللەدجدەردە تەگىن وقۋىنا مۇمكىندىك العان. سوڭعى 2 جىلدا 54 كوللەدج حالىقارالىق اككرەديتتەۋدەن ءوتىپ, ينستيتۋتسيونالدى جانە مامانداندىرىلعان اككرەديتتەۋدەن وتكەنى تۋرالى سەرتيفيكاتتارعا قول جەتكىزدى. دۋالدى وقىتۋدىڭ جول كارتاسىن كەڭەيتۋ اياسىندا قولونەرشىلەردى دايارلايتىن كوللەدجدە مامانداردى دۋالدى وقىتۋ جۇيەسىمەن دايارلاۋدى, سونىمەن بىرگە ەلباسىنىڭ №762 جارلىعىمەن ماقۇلدانعان تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە دامىتۋ جونىندەگى باس جوسپاردىڭ تۇجىرىمداماسىنا سايكەس تۇركىستان قالاسىنداعى قۇرىلىس وبەكتىلەرىندە جۇمىس جاساۋ ءۇشىن وبلىستاعى قۇرىلىس ماماندارىن دايارلايتىن, سونىمەن قاتار, جاڭا يندۋستريالدىق ايماق اشىلۋىنا بايلانىستى تىگىن ءوندىرىسى ماماندارىن دايارلايتىن وقۋ ورىندارىن دۋالدى وقىتۋعا كوشىرۋ بويىنشا جۇمىستار جۇرگءىزىلىپ, بيىلعى وقۋ جىلىندا دۋالدى وقىتۋمەن ءبىلىم بەرەتىن كوللەدجدەر سانى 38-گە ارتىپ, قامتىلعان ستۋدەنتتەر سانى 5615-ءدى قۇراپ وتىر. وبلىستىق كاسىپكەرلەر پالاتاسىمەن بىرلەسىپ اتقارىلعان جۇمىستار ناتيجەسىمەن 418 كاسىپورىنمەن كەلىسىم-شارتتار ءتۇزىلىپ, شاعىن جانە ورتا بيزنەس سۋبەكتىلەرى دۋالدى وقىتۋعا تارتىلدى. كادرلار دايارلاۋ ىسىندە تاراپتاردىڭ جاۋاپكەرشىلىگىن قامتاماسىز ەتۋگە, پراكتيكانى كۇشەيتۋ, جۇمىس بەرۋشىلەردىڭ تالاپتارىنا سايكەس وقىتۋدىڭ مازمۇنىن جاڭارتۋعا قاتىستى وزگەرىستەر ەنگىزىلىپ, دۋالدى وقىتۋ اياسىندا پراكتيكا 80% -عا دەيىن ءوستى.
2018-2020 وقۋ جىلىنىڭ جازعى دەمالىسى كەزىندە قۇرىلىس ماماندارىن دايارلايتىن 12 كوللەدج ستۋدەنتى جانە 2 كوللەدجدەن ەرىكتى جاستار وبلىس اۋماعىنداعى قۇرىلىس وبەكتىلەرىندە جالپى سانى 511 ستۋدەنتتى قۇرايتىن قۇرىلىس وتريادتارى جۇمىس جاسادى جانە ماقتاارال اۋدانىندا تەحنوگەندىك سيپاتتاعى توتەنشە جاعدايدان زارداپ شەككەن ۇيلەردىڭ عيماراتتارى قۇرىلىسىن سالۋعا 5 كوللەدجدەن 100-دەن اسا ستۋدەنت جۇمىلدىرىلىپ 5 تۇرعىن ءۇيدى سالىپ تۇرعىندارعا كىءلتىن ۇستاتتى. سونىمەن قاتار, 2020 جىلى ماۋسىم ايىندا ارىس قالاسىنداعى جارىلىستىڭ سالدارىنان زارداپ شەككەن ازاماتتارعا كومەك كورسەتۋ ماقساتىندا 850 كوللەدج قىزمەتكەرى ەرىكتى تۇردە قالانى قالپىنا كەلتىرۋ جۇمىستارىنا جوعارى بەلسەندىلىكپەن ات سالىستى.
حالىقارالىق جارىستاردا وزىق ورىندا
حالىقارالىق WorldSkills قوزعالىسىن دامىتۋ ماقساتىندا سوڭعى ەكى جىلدا وبلىستىڭ جەتكەن جەتىستىكتەرى دە از ەمەس. 2018 جىلعى «WorldSkills Kazakhstan - 2018» ۇلتتىق چەمپيوناتىنا وبلىستان جىبەرىلگەن 9 ستۋدەنتتىڭ 7-ءى جۇلدەلى ورىندارعا يە بولىپ, جالپى كوماندالىق ەسەپتە 7-ورىندى يەلەنسە, 2019 جىلى چەمپيوناتقا قاتىسۋشىلار ماسكەۋ قالاسىنداعا DNG Mori اكادەميالىق بازاسىندا, №2 چەليابينسك پەداگوگيكالىق كوللەدجىندە, الماتى قالاسىنداعى روتەنبەرگ كومپانياسى, DOSTI يننوۆاتسيالىق ورتالىعى, «Alageum Electric» اق-نىڭ الماتى قالاسىنداعى قۇرىلىمدىق بولىمشەسى «لەۆينتەگراتسيا» جشس بازاسىندا, شىمكەنت قالاسىنداعى «Elianto» فيرماسى مەن «Knauf» كومپانياسىنىڭ شىمكەنت قالاسىنداعى فيليالىندا, «شىمكەنت ليفت-ستوي» مەكەمەسىندە جانە ت.ب. كاسءىپورىندار بازالارىندا تاعىلىمدامادان ءوتىپ, دايىندىق جۇمىستارىن كۇشەيتۋ ناتيجەسىمەن نۇر-سۇلتان قالاسىندا 2019 جىلدىڭ 11-15 قاراشا كۇندەرى وتكىزىلگەن «WorldSkills Kazakhstan-2019» V رەسپۋبليكالىق چەمپيوناتىنا وبلىس اتىنان قاتىسقان 33 ستۋدەنتتىڭ 17-ءسى (4 التىن, 2 كۇمىس, 2 قولا, 9 مەدال) جەڭىمپاز اتانىپ, جالپى كوماندالىق ەسەپتە تۇركىستان وبلىسى ءۇشىنشى ورىندى يەلەندى. 2020 جىلى 16 – 25 قىركۇيەك ارالىعىندا وتكىزىلگەن «WorldSkills Russia» حالىقارالىق چەمپيوناتىنا تۇركىستان وڭىرىندەگى كەنتاۋ كوپسالالى كوللەدجىنىڭ تۇلەگى, «WorldSkills Kazakhstan-2019» V رەسپۋبليكالىق چەمپيوناتىنىڭ التىن مەدال يەگەرى ءتالىپحان ماقسات «سىرلاۋ جانە ارلەۋ جۇمىستارى» قۇزىرەتتىلىگى بويىنشا قاتىسىپ, جۇلدەلى ءىىى ورىنعا يە بولدى.
كاسىپتىك ءبىلىم بەرۋدىڭ كەشەندى جوسپارى
2020 جىلعى «ۇزدىك پەداگوگ» اتاعىن يەلەنۋ كونكۋرسىنا وبلىستىڭ اتىنان 3 پەداگوگ ىرىكتەلىپ, ماتەريالدارى رەسپۋبليكالىق كوميسسياعا ۇسىنىلدى. تەحنيكالىق جانە كاسىپتىك ءبىلىم بەرۋدى دامىتۋ ماقساتىندا تۇراقتى تۇردە جۇمىستار جۇرگىزىلىپ, ەسەلى جەتىستىكتەرگە جەتتىك. باسقارماسىنىڭ بۇيرىعىمەن ەكونوميكانىڭ دامۋىنا قاجەتتى باسىمدىقتارعا بايلانىستى 8 سالا بويىنشا ء(بىلىم بەرۋ, قىزمەت كورسەتۋ جانە تۋريزم, تەحنيكالىق جانە تەحنولوگيالىق, كولىك, تىگىن جانە توقىما ءوندىرىسى, IT-تەحنولوگيالار, قۇرىلىس, اۋىل شارۋاشىلىعى) وبلىستا 17 كوللەدجدە 22 ماماندىق بويىنشا قۇزىرەتتىلىك ورتالىقتار قۇرىلىپ (24.10.2018 جىلعى №283 بۇيرىعى), وبلىستاعى تەحنيكالىق جانە كاسىپتىك ءبىلىم بەرۋ سالاسىن دامىتۋدىڭ كەشەندى جوسپارى جاسالدى. قازىرگى تاڭدا اتالعان جوسپار بويىنشا ءتيىستى ءىس-شارالار وتكىزىلۋدە. اتالعان جوسپارعا سايكەس بىرقاتار كەلەلى جۇمىستار اقتارىلىپ, «نازارباەۆ زياتكەرلىك مەكتەپتەرى» دببۇ-نىڭ پەداگوگيكالىق شەبەرلىك ورتالىعىمەن 2019 جىلى تۇزىلگەن مەموراندۋم اياسىندا پەداگوگيكالىق ماماندار جاڭارتىلعان ءبىلىم بەرۋ مازمۇنىن يگەرۋ ءۇشىن پەداگوگيكالىق كوللەدجدەردە ارنايى پاندەردەن ساباق بەرەتىن 233 وقىتۋشى بىلىكتىلىگىن ارتتىرۋ كۋرسىنان ءوتتى. بيىلعى 2020 جىلى «تاLار» كەاق-نىڭ ۇيىمداستىرۋىمەن 80 ارنايى ءپان وقىتۋشىلارى, كاسىپكەرلىك نەگىزدەرىنەن 16 وقىتۋشى, IT-تەحنولوگيادان 3010 وقىتۋشى, جالپى ورتا ءبىلىم پاندەرى بويىنشا جاڭارتىلعان ءبىلىم بەرۋ مازمۇنىن وقۋعا 562 وقىتۋشى بىلىكتىلىكتى ارتتىرۋ كۋرستارىنان ءوتتى.
اتالعان ورتالىقتاردىڭ جۇمىسىن جانداندىرۋ ماقساتىندا ماماندىقتار بويىنشا وبلىستىق بايقاۋ مەن سەمينارلار, سونىمەن بىرگە «Festo» (گەرمانيا) كومپانياسىنىڭ وكىلدەرىن تارتۋمەن مەحاترونيكا بويىنشا ترەنينگ, «Vision ينتەرنەت ماركەتينگ» كومپانياسىنىڭ ماماندارىن تارتۋمەن IT—تەحنولوگيا سالاسى بويىنشا 22 ازامات وقىتۋ كۋرسىنان وتكىزىلدى. سونىمەن قاتار, كاسىپتىك ءبىلىم سالاسىن دامىتۋدا تۇركيا رەسپۋبليكاسىنىڭ تۇرىك ىنتىماقتاستىق جانە ۇيلەستىرۋ اگەنتتىگىمەن, وزبەكستان رەسپۋبليكاسى جوعارى جانە ارنايى ورتا ءبىلىم بەرۋ مينيسترلىگىمەن, گەرمانيالىق «KNAUF»كومپانياسىنىڭ قازاقستانداعى فيليالدارىمەن سالالار بويىنشا پەداگوگ كادرلار مەن ءبىلىم الۋشىلاردىڭ وندىرىستىك تاعىلىمداماسىن ۇيىمداستىرۋ بويىنشا كەلىسسوزدەر جۇرگىزىلدى. كەلەس اۋدانىنداعى №13 كوللەدج وزبەكستان رەسپۋبليكاسى, تاشكەنت قالاسىنداعى 3 كوللەدجبەن ىنتىماقتاستىق جۇرگىزۋ تۋرالى كەلىسىم-شارتتار جاساستى. كوللەدجدەر اراسىندا كاسىپتىك ءبىلىم بەرۋدىڭ وزىق تاجىريبەسىن تاراتۋ جانە تاجىريبە الماسۋ ماقساتىندا TrueConf باعدارلامالىق پورتالى ارقىلى ونلاين-ساباقتار مەن ۆيدەوكونفەرەنتسيالار ۇيىمداستىرىلىپ, ەكى جىل ىشىندە (قاشىقتىقتان وقىتۋ باستالعانعا دەيىن) 236 ونلاين-ساباق تاراتىلدى.
بۇگىنگى تاڭدا, قىزمەت كورسەتۋ, تىگىن جانە توقىما ءوندىرىسى قۇزىرەتتىلىك ورتالىقتار وزبەكستان رەسپۋبليكاسىمەن تاماقتاندىرۋدى ۇيىمداستىرۋ, اسپاز, كونديتەر, داياشى, تىگىن ءوندىرىسى, كيىم ديزاينى, شاشتاراز ت.ب. قىزمەت كورسەتۋ ماماندىقتارى بويىنشا «Renovation services group» جانە وزبەكستاننىڭ كوركەمونەر اكادەمياسى جانىنداعى پ.بەنكوۆ اتىنداعى رەسپۋبليكالىق كوركەمونەر كوللەدجىمەن ىنتىماقتاستىق ورناتىپ, بىرلەسكەن جۇمىستار اتقارىلۋدا. شەتەلدىك ىنتىماقتاستىق شەڭبەرىندە كەنتاۋ پوليتەحنيكالىق كوللەدجىنىڭ قۇرىلتايشىسى «كەنتاۋ ترانسفورماتور زاۋىتى» اق-مەن گەرمانيالىق كومپانيا وكىلدەرى بىرلەسىپ, ساپالى مامانداردى دايارلاۋ بويىنشا مەموراندۋم ءتۇزىلدى. ناتيجەسىندە كوللەدج اتاۋى «قازاق-نەمىس پوليتەحنيكالىق كوللەدجى» دەپ اۋىستىرىلىپ, كوللەدجدىڭ ارنايى ءپان وقىتۋشىلارى مەن كاسىپورىنداعى ستۋدەنتتەردىڭ تاجىريبە جەتەكشىسى گەرمانيادا تاعىلىمدامادان ءوتىپ, حالىقارالىق تاجىريبەنى ەندىرۋدە. تۇركىستان وبلىسىندا تەحنيكالىق جانە كاسىپتىك ءبىلىم بەرۋدى دامىتۋدىڭ 2019-2020 جىلدارعا ارنالعان وڭىرلىك باعدارلاماسى ازىرلەنىپ, اتالعان جول كارتانىڭ ءتيىستى تارماقتارىن ورىنداۋ, ساراپشىلاردى سەرتيفيكاتتاۋ جانە بىلىكتىلىگىن ارتتىرۋ ارقىلى حالىقارالىق WorldSkills ستاندارتتارىنا قول جەتكىزۋ; سونىمەن قاتار, قورىتىندى اتتەستاتتاۋ كەزىندە دەمونستراتسيالىق ەمتيحاندارىن وتكىزۋ كومەگىمەن ءبىتىرۋشى تۇلەكتەردىڭ كاسىبي داعدىسىن نىعايتۋ, قورىتىندى اتتەستاتتاۋ كوميسسياسىنىڭ مۇشەلەرى بولىپ تاعايىندالاتىن جۇمىس بەرۋشىلەرگە تۇلەكتەردىڭ زاماناۋي تالاپتارعا سايكەس كەلەتىنىن دالەلدەي وتىرىپ, جۇمىسپەن ورنالاسقان بىتىرۋشىلەردىڭ ۇلەسى ارتتىرىلدى. بيىلعى جىلى جوسپار بويىنشا 2 كوللەدجدە (10,5%) دەمونستراتسيالىق ەمتيحاندار وتكىزىلىپ, تۇلەكتەرگە Skills-سەرتيفيكاتتارى بەرىلدى.
زاماناۋي جابدىقتاۋمەن قامتاماسىز ەتىلدى
جوبانى جۇزەگە اسىرۋعا 2019 جىلى جاستار جىلىنىڭ اشىلۋ سالتاناتى كەزىندە قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆ باستاماشىلىق ەتتى. «جاستار – ەل تىرەگى» ۇلتتىق جوباسى شەڭبەرىندە وبلىستا 12 كوللەدجدى «جاس مامان» جوباسىنا شەڭبەرىندە 2020-2021 جىلدارى زاماناۋي قۇرال-جابدىقتارمەن قامتۋ ماقساتىندا ءتيىستى جۇمىستار جۇرگىزىلۋدە. اتاپ ايتقاندا, 2020 جىلى 1,6 ملرد تەڭگەگە 5 كوللەدجدى, 2021 جىلى 2,1 ملرد تەڭگەگە 7 كوللەدجدى زاماناۋي قۇرال-جابدىقتارمەن قامتۋ ىسكە اسىرىلۋدا. اتالعان جوبا اياسىندا 12 كوللەدجدى فيندىك SapranoGroup كومپانياسىمەن حالىقارالىق سالالىق اككرەديتتەۋدەن وتكىزۋ جوسپارلانعان.
پرەزيدەنت تاپسىرماسى بويىنشا وبلىستىق كاسىپكەرلەر پالاتاسىنىڭ ۇسىنىسى بويىنشا 2019 جىلعى 27 جەلتوقسان كۇنى وتكەن ەلەكتروندى تەندەردىڭ قورىتىندىسىمەن 3 كوللەدج (تۇركىستان جوعارى اگرارلىق كوللەدجى, تۇركىستان يندۋستريالدى-قۇرىلىس كوللەدجى, №16 كوللەدج) ساتىپ الۋ قۇقىعىنسىز سەنىمگەرلىك باسقارۋعا بەرىلدى. قازىرگى تاڭدا, سىبايلاس جەمقورلىققا قارسى ءىس قيمىل اگەنتتىگىنىڭ باستاماسىمەن باسقارماعا قاراستى 26 جانە 19 جەكە مەنشىك كوللەدجدە «Sanaly Urpaq» جوباسى جۇزەگە اسۋدا.
Jastar.kz جوباسى اياسىندا «جاستار سىبايلاس جەمقورلىققا قارسى» تاقىرىبىندا 14 اكتسيا ۇيىمداستىرىلىپ, وعان 2000-نان استام ستۋدەنت قاتىستى. الەۋمەتتىك جەلىلەردەگى ءبىلىم بەرۋ ۇيىمدارىنىڭ پاراقشالارى ارقىلى بەينەروليكتەر تاراتىلىپ, تۇسىندىرمە جۇمىستارى جۇرگىزىلدى. سەمەستردىڭ اياقتالۋىنا وراي كوللەدجدەردە «پاراسىز سەسسيا» اكتسيالارى مەن «جەمقورلىققا جول جوق!», «سىبايلاس جەمقورلىققا دەگەن الەۋمەتتىك كوزقاراس», «سىبايلاس جەمقورلىق – قاۋىپتى ىندەت», ت.ب. تاقىرىپتاردا سەمينارلار مەن دوڭگەلەك ءۇستەلدەر تۇراقتى تۇردە وتكىزىلدى.
وبلىستاعى 64 كوللەدجدە جىل سايىن ءبىلىم كۇنى مەرەكەسىنە وراي بىرىڭعاي «ادالدىق ساعاتى» وتكىزىلىپ, الەۋمەتتىك جەلىلەردە «ۇستازدار سىيلىق المايدى» اتتى ەستافەتا جاريالاندى. سونىمەن قاتار, كوللەدجدەردە پاراساتتىلىق مەكتەپتەرى اشىلىپ, Integrity Shop دۇكەندەرى اشىلىپ, سىبايلاس جەمقورلىققا قارسى يممۋنيتەتتى قالىپتاستىرۋ جۇمىستارى جۇرگىزىلۋدە. سىبايلاس جەمقورلىقتى الدىن الۋ ماقساتىندا جىل سايىن باسقارمانىڭ بۇيرىعىمەن 8-10 ازاماتتان قۇرالاتىن باقىلاۋشىلار شتابى, 218 قوعامدىق وكىلدەردەن قۇرالعان ءموبيلدى باقىلاۋشىلار توبى قۇرىلىپ, كوللەدجدەردەگى قابىلداۋ ەمتيحاندارى كەزىندە سىبايلاس جەمقورلىق فاكتىلەرىنىڭ ورىن الۋىن بولدىرماۋ, ەمتيحانداردىڭ وتۋىنە اشىقتىق پەن جاريالىلىق قامتاماسىز ەتىلۋدە.
سونىمەن قاتار, قابىلداۋ ەمتيحاندارىن وتكىزۋ كەزىندە وبەكتيۆتىلىكتى ارتتىرۋ ماقساتىندا تۇركىستان وبلىسى بويىنشا ارنايى مونيتورينگىك توپ مۇشەلەرى وقۋ ورىندارىنىڭ قابىلداۋ كوميسسيا قۇرامىنا قوسىمشا بۇيرىقپەن ەنگىزىلىپ, وقۋعا قابىلداۋ ەمتيحاندارعا قولجەتىمدىلىگى قامتاماسىز ەتىلدى. اتالعان جۇمىستاردى تۇراقتى تۇردە جالعاسىن تاۋىپ, سىبايلاس جەمقورلىققا قارسى كۇرەس باعىتىنداعى جۇمىستار جانداندىرىلادى. تاعى ءبىر نازار اۋدارارلىق جەتىستىك رەتىندە Jastar.kz جوباسى شەڭبەرىندە ءبىلىم ءجانە عىلىم مينيسترلىگىنىڭ باستاماسىمەن «قر كوللەدجدەرىنىڭ 100 ۇزدىك ستۋدەنتى» جوباسىنا وبلىستاعى 12 ستۋدەنت ىرىكتەۋدەن ءوتىپ, 2 ءبىلىم الۋشى 100 ۇزدىك ستۋدەنت ءتىزىمىنە ەنگەنىن اتاپ وتۋگە بولادى. 2020 جىلى 16-25 قىركۇيەك ارالىعىندا جوبانىڭ وبلىستىق كەزەڭى وتكىزىلىپ, جەڭىمپازدار رەسپۋبليكالىق كەزەڭگە جولداما الدى.
پەداگوگ-پسيحولوگتاردىڭ كاسىبي بىلىكتىلىگىن ارتتىرۋ ماقساتىندا «پراۆو» قوعامدىق قورىنىڭ «شانس» كامەلەتكە تولماعانداردى پسيحولوگيالىق-الەۋمەتتىك, قۇقىقتىق قولداۋ ورتالىعىنىڭ ۇيىمداستىرۋىمەن جەلتوقسان ايىندا 2 وقىتۋ سەمينارى ۇيىمداستىرىلىپ, وعان 51 قىزمەتكەر قاتىستى.
سونىمەن بىرگە, «ReFrame» تۇلعالىق دامىتۋ ورتالىعىنىڭ ماماندارىن شاقىرتۋ ارقىلۋ 66 پەداگوگ-پسيحولوگ بىلىكتىلىگىن ارتتىرىپ, «Talap»كەاق-نىڭ ۇيىمداستىرۋىمەن 2679 پەداگوگ IT كۋرستارى بويىنشا قاشىقتىقتان وقىتۋ تەحنولوگياسىن مەڭگەرۋ شەڭبەرىندە ارنايى دايارلىقتان ءوتتى.
اتقارىلعان جۇمىستار از ەمەس, العا قويىلىپ وتىرعان ماقساتتار ودان دا كوپ. الداعى ۋاقىتتا وبلىستاعى تەحنيكالىق جانە كاسىپتىك ءبىلىم بەرۋ سالاسىن دامىتۋ ءۇشىن ءاربىر كوللەدج پەداگوگىنىڭ ۇلەسى زور ەكەنىن ەسكەرە وتىرىپ, جالپى پەداگوگتار قاۋىمىن قازاقستانداعى كاسىپتىك ءبىلىم بەرۋ سالاسىنىڭ 80-جىلدىق مەرەيتويىمەن قۇتتىقتاي وتىرىپ, تولاعاي تابىس تىلەيمىز.
راحيا اسانوۆا
تۇركىستان وبلىسى ادامي الەۋەتتى دامىتۋ باسقارماسى باسشىسىنىڭ ورىنباسارى, «قۇرمەت» وردەنىنىڭ يەگەرى
