جول قاۋىپسىزدىگىن ساقتاۋ جانە جەدەل جاعدايدى تۇراقتاندىرۋ, قوعامدىق ءتارتىپتى قامتاماسىز ەتۋ, قىلمىستاردىڭ جانە وزگە دە قۇقىققا قارسى ارەكەتتەردىڭ الدىن الۋ ماقساتىندا 8-12 قازان ارالىعىندا قىزىلوردا قالاسى اۋماعىندا “قاۋىپسىز قالا” ءىس-شاراسى وتكىزىلدى. جەدەل – پروفيلاكتيكالىق ءىس- شارا ناتيجەسىندە قوعامدىق ءتارتىپتى بۇزۋدىڭ 12 دەرەگى انىقتالدى.
اتاپ ايتقاندا, ەسىرتكى زاتىن زاڭسىز تاسىمالداۋدىڭ ەكى دەرەگى انىقتالىپ, سوتقا دەيىنگى تەرگەپ – تەكسەرۋ امالدارى باستالدى. بۇدان باسقا سۋىق قارۋ الىپ ءجۇرۋدىڭ ءبىر دەرەگى انىقتالىپ, پىشاق الىندى. 2020 جىلدىڭ شىلدە ايىنان بەرى حابار – وشارسىز كەتكەن ءبىر ازامات تابىلدى.
كامەلەتكە تولماعانداردىڭ تۇنگى مەزگىلدە اتا – اناسىنىڭ قاراۋىنسىز ءجۇرۋ فاكتىسىنىڭ ەكى دەرەگى انىقتالىپ, ولاردىڭ اتا-اناسىنا ايىپپۇل سالىندى. اۆتوكولىكتى باسقارۋ قۇقىعىن راستايتىن ءتيىستى قۇجاتتارى بولماۋىنا بايلانىستى ءتورت جۇرگىزۋشىگە قاتىستى قازاقستان رەسپۋبليكاسى اقبتك 612-بابىنا (قۇجاتتارى جوق جانە باسقارۋ قۇقىعى جوق ادامنىڭ كولىك قۇرالىن باسقارۋى) سايكەس اكىمشىلىك حاتتاما تولتىرىلىپ, اۆتوكولىكتەر ايىپ تۇراعىنا قويىلدى.
اۆتوكولىك تەرەزەلەرىن زاڭسىز كولەڭكەلەپ قويعانى, مەملەكەتتىك تىركەۋ ءنومىرىن تەرىس تاققانى سياقتى قۇقىق بۇزۋشىلىقتارى ءۇشىن ەكى جۇرگىزۋشىگە قاتىستى قازاقستان رەسپۋبليكاسى اقبتك 590-بابىنا (كولىك قۇرالدارىن پايدالانۋ قاعيدالارىن بۇزۋ) سايكەس اكىمشىلىك حاتتامالار تولتىرىلدى.
