قازىرگى تاڭدا بارلىق قاجەتتى نورماتيۆتىك-قۇقىقتىق اكتى ءتيىستى مەملەكەتتىك ورگاندارمەن كەلىسىلىپ, قىزمەتتەر egov.kz پورتالىندا تەستىلەۋدەن ءوتىپ جاتىر. ءنورماتيۆتى اكتىلەر كۇشىنە ەنگەننەن كەيىن كەز كەلگەن ازامات بۇل قىزمەتتەردى ونلاين تۇردە سۇراتا الادى.
«ازاماتتارعا ارنالعان ۇكىمەت» مەملەكەتتىك كورپوراتسياسى باسقارما ءتورايىمىنىڭ ورىنباسارى ءمادي سادانوۆتىڭ ايتۋىنشا, جەر قاتىناستارىنا بايلانىستى قىزمەتتەردى الۋ قاشاندا قيىندىقتارىمەن ەرەكشەلەنىپ كەلگەن.
«جەر بويىنشا كورسەتىلەتىن قىزمەتتەردىڭ كوپ بولىگى تەك قاعاز تۇرىندە جانە قىزمەت الۋشىنىڭ مەملەكەتتىك كورپوراتسيانىڭ فرونت-وفيسىنە تىكەلەي بارۋىمەن عانا ۇسىنىلدى. تسيفرلىق تەحنولوگيالار داۋىرىندە تۇرعىلىقتى جەرگە بايلانىپ, قىزمەتتىڭ ناتيجەسىن بىرنەشە كۇن, ءتىپتى بىرنەشە اپتا كۇتۋ, ارينە, ورىنسىز. سوندىقتان ءبىز جەر قاتىناستارى سالاسىندا ەڭ كوپ سۇرانىسقا يە قىزمەتتەردىڭ كورسەتىلۋ مەرزىمىن قايتا قاراستىرىپ, بارىنشا ازايتتىق. سونىمەن قاتار egov.kz پورتالى ارقىلى الۋ مۇمكىندىگى تۇرعىلىقتى جەرىنە قاراماستان الەمنىڭ كەز كەلگەن جەرىندە وتىرىپ الۋعا جول اشادى. باستى تالاپ – ەلەكتروندى تسيفرلىق قولتاڭبانىڭ بولۋى», دەدى م.سادانوۆ.
ماسەلەن, ەگەر بۇرىن مجك ااج گرافيكالىق مالىمەتتەرىمەن جوبالاناتىن جەر ۋچاسكەسىن كەلىسۋ مەرزىمى 15 كۇنتىزبەلىك كۇن بولسا, قازىر ول 7 جۇمىس كۇنىنە دەيىن, ال جەكە سايكەستەندىرۋ قۇجاتىن دايىنداۋ ۋاقىتى 6 جۇمىس كۇنىنەن 4 كۇنگە دەيىن قىسقاردى. مەملەكەتتىك جەر كاداسترىنان اقپارات بەرۋ مەرزىمى 3 جۇمىس كۇنىنەن 15 مينۋتقا دەيىن قىسقاردى. بارلىق بەس قىزمەت بويىنشا دا سولاي.
ايتا كەتەيىك, جاڭا قىزمەتتەر egov.kz پورتالىنىڭ «جىلجىمايتىن م ۇلىك» بولىمىندەگى «جەر قاتىناستارى» تارماعىندا قولجەتىمدى بولادى. ەسكە سالا كەتەيىك, بۇعان دەيىن پرەزيدەنت قاسىم-جومارت توقاەۆ حالىققا ارناعان جولداۋىندا بيزنەس-پروتسەستەردى مۇمكىندىگىنشە تسيفرلاندىرۋدى تاپسىرعان بولاتىن.
قوعاممەن بايلانىس دەپارتامەنتىنىڭ باس مامانى جازيرا وقۋباەۆانىڭ ايتۋىنشا, بيىل 9 ايدا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-وفيستەرى ارقىلى جەر ۋچاسكەسىنە 205 مىڭنان استام اكت, جەر ۋچاسكەسىنىڭ كاداسترلىق (باعالاۋ) قۇنىن انىقتاۋ بويىنشا 17 مىڭ قىزمەت, مەملەكەتتىك جەر كاداسترىنان 4 مىڭعا جۋىق اقپارات, جەردىڭ ساپاسى تۋرالى جارتى مىڭعا جۋىق اقپارات بەرىلدى. سونداي-اق شامامەن 52 مىڭ جەر ۋچاسكەسى كەلىسىلدى.
