"بۇگىندە دۇرىس تاماقتانۋ ماسەلەسى وزەكتى بولىپ وتىر. بۇل قورشاعان ورتانىڭ بۇزىلۋىنا, ورگانيزمگە قورەكتىك زاتتاردىڭ جەتكىلىكسىز تۇسۋىنە جانە دۇرىس تاماقتانباۋعا بايلانىستى. ورتالىقتا ديەتولوگ, ەندوكرينولوگ, گاستروەنتەرولوگ جانە كارديولوگ ماماندارىنىڭ كەڭەسى ۇيىمداستىرىلعان. ويتكەنى, دۇرىس ەمەس تاماقتانۋ ءۇردىسى مەتابوليزمدى بۇزادى, بۇل سەمىزدىككە, قانت ديابەتىنە, اسقازان-ىشەك جولدارى مەن جۇرەك - تامىر جۇيەسىنىڭ اۋرۋلارىنا اكەلۋى مۇمكىن.
كەز-كەلگەن ادام ورتالىققا كەلىپ, دۇرىس تاماقتانۋ ماسەلەلەرى بويىنشا قاجەتتى ۇسىنىستار الا الادى. مىسالى, سەمىزدىككە شالدىققاندارعا ساراپشىلار تاعامدى سالماعىنا, بويىنا, جاسىنا جانە جىنىسىنا قاراي تاعايىندايدى. سونداي-اق, ماماندار كوروناۆيرۋستان ايىققان پاتسيەنتتەرگە اعزانى قالپىنا كەلتىرۋگە, دارۋمەندەر پايدالالانۋعا, كۇردەلى وتالاردان كەيىنگى ناۋقاستارعا ەم-دوم تۇرلەرىن تاڭداۋعا كومەك بەرەدى.
"دۇرىس تاماقتانۋ" ورتالىعىن اشۋ قاجەتتىلىگى الدەقاشان ءپىسىپ جەتىلگەن. ءبىزدىڭ ازاماتتارىمىز ءونىمدى تاڭداۋعا سانالى تۇردە جۇگىنۋى كەرەك. سالاۋاتتى ءومىر سالتىن ۇستانعان ادام دۇرىس تاماقتانۋعا دەن قويعانى ابزال. ءبىز تۇتىناتىن نارسەنىڭ ءبارى دەنەنىڭ جاي-كۇيىنە, كوڭىل-كۇيگە, جۇمىسىنا اسەر ەتەدى. ورتالىق "زەر-كۇمىس" جشس-ءنىڭ باستاماسىمەن جانە تىكەلەي قولداۋىمەن اشىلعانىن اتاپ وتكىم كەلەدى",-دەدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ.
اتالعان سەرىكتەستىك ديرەكتورى زايدا ارىنباەۆا ءوز ۇيىمىنىڭ ورتالىققا ارناپ دۇرىس تاماقتانۋ ءۇشىن ءتۇرلى ديەتالار تۋرالى نۇسقاۋلىقتار, بۋكلەتتەر دايىنداعانىن ايتىپ ءوتتى.
