"ينۆەستورلاردىڭ قورقىنىشى مەن دوللاردىڭ نىعايۋى دامۋشى ەلدەردىڭ ۆاليۋتالارىنىڭ السىرەۋىنە جانە مۇنايدىڭ ارزانداۋىنا الىپ كەلەدى. سالدارىنان مۇنايعا سۇرانىستىڭ تومەندەۋ قاۋپى بولادى", دەيدى ە.دوساەۆ
ونىڭ ايتۋىنشا, قىركۇيەكتە تەڭگەنىڭ ايىرباس باعامى بىرنەشە سىرتقى فاكتورلاردىڭ ىقپالىندا بولدى.
"قىركۇيەك ايىندا الەمنىڭ جەكەلەگەن ايماقتارىندا كوروناۆيرۋستىڭ قايتا ءورشۋى جاعدايىندا جاھاندىق ەكونوميكانىڭ قالپىنا كەلۋى باياۋلاۋ ناتيجەسىندە جانە مۇنايعا سۇرانىستىڭ السىرەۋىنە بايلانىستى مۇناي 10 پايىزعا ارزاندادى", دەيدى ۇلتتىق بانك باسشىسى.
بۇدان بولەك, دامۋشى ەلدەردىڭ ۆاليۋتالارى, سونىڭ ىشىندە تەڭگە قىركۇيەك ايىندا كوروناۆيرۋسپەن اۋىراتىندار سانىنىڭ ارتۋى اياسىندا السىرەدى, بۇل ينۆەستورلاردىڭ تاۋەكەل اكتيۆتەرىنە دەگەن قىزىعۋشىلىعىنىڭ تومەندەۋىنە جانە دوللار باعامىنىڭ نىعايۋىنا اكەلدى.
