تاراپتار ساۋدا-ەكونوميكالىق, قارجى-ينۆەستيتسيالىق, كولىك-لوگيستيكا, اگروونەركاسىپ, مۇناي حيمياسى, عارىش, تاۋ كەن مەتاللۋرگياسى, ەنەرگەتيكا جانە باسقا دا سالالارداعى ەكىجاقتى ىنتىماقتاستىق كەلەشەگىن تالقىلادى.
كەلىسسوز قورىتىندىسى بويىنشا قر مەن ءباا ۇكىمەتتەرى اراسىندا ينۆەستيتسيا ماسەلەسىندەگى ىنتىماقتاستىق جونىندەگى قۇجاتقا قول قويىلدى, بۇل قۇجات $6,1 ملرد-قا 21 جوبانى جۇزەگە اسىرۋدى كوزدەيدى.
ينۆەستيتسيالىق جوبالار قوسىلعان قۇنى مەن رەنتابەلدىلىگى جوعارى, سونداي-اق ىشكى جانە پەرسپەكتيۆالى سىرتقى نارىقتاردا سۇرانىستىڭ ۇلكەن الەۋەتى بار جاڭا ءوندىرىس ورىندارىن قۇرۋدى كوزدەيدى. ولاردى ىسكە اسىرۋ قازاقستاندا جاڭا ساپالى جۇمىس ورىندارىن اشۋعا, وزىق تەحنولوگيالار مەن پراكتيكانى ەنگىزۋگە جول اشادى.
قر مەن ءباا اوك سەكتورىنداعى ىنتىماقتاستىق الەۋەتىن ىسكە اسىرۋعا ەرەكشە نازار اۋدارادى – جوسپارلانعان 21 جوبانىڭ 10-ى قوسىلعان قۇنى جوعارى ازىق-ت ۇلىك ونىمدەرىن شىعارۋدى كوزدەيدى. بۇل قازاقستانعا ءباا جۇزەگە اسىرىپ جاتقان 2051 جىلعا دەيىنگى ازىق-ت ۇلىك قاۋىپسىزدىگى ستراتەگياسىنىڭ ماڭىزدى بۋىنىنا اينالۋعا مۇمكىندىك بەرەدى جانە ەكى ەل اراسىنداعى تاۋار اينالىمىن ودان ءارى ارتتىرۋعا ىقپال ەتەتىن بولادى.
جۇمىس ساپارىنا ۇلتتىق ەكونوميكا ءمينيسترى ر. دالەنوۆ, ادىلەت ءمينيسترى م. بەكەتاەۆ, نۇر-سۇلتان قالاسىنىڭ اكىمى ا. كولگىنوۆ, ستراتەگيالىق جوسپارلاۋ جانە رەفورمالار اگەنتتىگى توراعاسىنىڭ ورىنباسارى ج. ماديەۆ, «بايتەرەك» ۇبح» اق باسقارما توراعاسى ا. ءارىپحانوۆ جانە ت. ب. قاتىستى.
