ەكونوميكا • 09 قازان، 2020

2006 جىلعى ۇلگىدەگى كەي بانكنوتتاردى ايىرباستاۋ مەرزىمى اياقتالدى

110 رەت كورسەتىلدى

قازاقستان رەسپۋبليكاسىنىڭ ۇلتتىق بانكى 2006 جىلعى ۇلگىدەگى 2000، 5000 جانە 10000 تەڭگەلىك بانكنوتتاردى اينالىستان الۋدىڭ ءتورت جىلدىق كەزەڭى اياقتالعانىن ءمالىم ەتتى، دەپ حابارلايدى Egemen.kz.

بۇل بانكنوتتار 2006 جىلعى 15 قاراشادا اينالىسقا شىعارىلعان بولاتىن جانە 2016 جىلعى 4 قازاننان باستاپ زاڭدى تولەم قۇرالى بولۋىن توقتاتتى.

ەكىنشى دەڭگەيدەگى بانكتەر، ۇلتتىق پوچتا وپەراتورى جانە ۇلتتىق بانكتىڭ فيليالدارى جوعارىدا اتالعان بانكنوتتاردى قابىلداپ، ۇلتتىق ۆاليۋتانىڭ قولدانىستاعى اقشا بەلگىلەرىنە ايىرباستادى. ايىرباستاۋ كەزەڭى ءتورت جىلعا سوزىلدى.

اينالىستان الۋ مەرزىمىنىڭ اياقتالۋىنا بايلانىستى 2006 جىلعى ۇلگىدەگى نومينالدارى 2000، 5000 جانە 10000 تەڭگەلىك بانكنوتتار قازاقستان رەسپۋبليكاسىنىڭ بۇكىل اۋماعىندا، ونىڭ ىشىندە ەكىنشى دەڭگەيدەگى بانكتەردىڭ، ۇلتتىق پوشتا وپەراتورىنىڭ جانە ۇلتتىق بانك فيليالدارىنىڭ قابىلداۋىنا جانە ايىرباستاۋىنا جاتپايدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار