ەكونوميكا • 08 قازان، 2020

ۇلتتىق بانك تەڭگەنىڭ نەگە السىرەگەنىن ءتۇسىندىردى

19 رەت كورسەتىلدى

ۇلتتىق بانك توراعاسىنىڭ ورىنباسارى ءاليا مولدابەكوۆانىڭ قىركۇيەك ايىندا ۆاليۋتا نارىعىندا بولعان قۇبىلمالى جاعدايدى ءتۇسىندىردى، دەپ  حابارلايدى Egemen.kz.

"قىركۇيەكتە نارىق وتە قۇبىلمالى بولدى. كوروناۆيرۋستىڭ ەكىنشى رەت قايتالانۋى ەۋروپانىڭ بىرقاتار ەلدەرىندە جانە ۇلىبريتانيادا بايقالىپ وتىر، بۇل الەمدىك نارىقتاعى احۋالعا اسەر ەتەدى. اۋستراليانىڭ، كانادانىڭ، ەۋروايماقتىڭ، انگليانىڭ، اقش-تىڭ، رەسەي مەن قىتايدىڭ ورتالىق بانكتەرى نەگىزگى مولشەرلەمەنى بۇرىنعى دەڭگەيدە ساقتادى، بۇل تالداۋشىلاردىڭ كۇتكەنىندەي بولدى"، دەدى ول.

دامۋشى ەلدەردىڭ ۆاليۋتاسى ءبىر ايدا تومەندەدى: تۇرىك ليراسىنىڭ قۇلدىراۋى 5،2%، رەسەي ءرۋبلىنىڭ تومەندەۋى 4،9%-دى قۇرادى، مەكسيكا، برازيليا جانە يندونەزيا ۆاليۋتالارى 2،2% - 2،7%-عا تومەندەگەن.

"قىركۇيەكتە Brent ماركالى مۇناي باعاسى 10%-عا تومەندەپ، ماۋسىمداعى دەڭگەيگە قايتا تۇسكەن. سۇرانىسقا دەگەن ىقتيمال شەكتەۋلەر مەن ۇسىنىستىڭ ارتۋى تۋرالى جاڭالىقتار مۇناي باعاسىنا قوسىمشا قىسىم كورسەتتى. ليۆيا تاۋ-كەن كاسىپورىندارى سەگىز اي ۇزىلىستەن كەيىن مۇناي ءوندىرۋدى قايتا باستاعانىن مالىمدەدى. ءۇندىستاندا مۇنايعا سۇرانىس تومەندەدى"، دەپ تۇسىندىردى ۇلتتىق بانك توراعاسىنىڭ ورىنباسارى.

جالپى العاندا، ءبىر ايدا قازاقستان ۆاليۋتاسى 2،8%-عا السىرەدى (420،11 تەڭگەدەن 431،82-گە دەيىن). ءاليا مولدابەكوۆا نە سەبەپتى تەڭگەنىڭ السىرەپ، ءرۋبلدىڭ نىعايعانىن ءتۇسىندىردى.

ء"رۋبلدى قولدايتىن فاكتورلار بولدى. ۇكىمەتتىڭ ۆاليۋتالىق ديرەكتيۆاسىنا سايكەس، كومپانيالارعا مەملەكەتتىڭ قاتىسۋىمەن تازا ۆاليۋتالىق اكتيۆتەر مولشەرىن شەكتەۋ تاپسىرىلدى، بۇل قوسىمشا ۆاليۋتا ۇسىنىسىن تۋدىرادى. وعان قوسا، رفوب سبەربانك اكتسيالارىنىڭ پاكەتىن ساتۋدان تۇسكەن ۆاليۋتا قالدىقتارىن ساتۋعا قايتا ورالدى. جالپى رۋبل جىل باسىنان بەرى دوللارعا قاتىستى 26،5%-عا السىرەدى، قىركۇيەكتىڭ وزىندە 4،9%-عا السىرەدى. وسى كەزەڭدەردە تەڭگە تيىسىنشە 12،3%-عا جانە 2،8%-عا السىرەدى"، دەيدى اليا مولدابەكوۆا.

تەڭگە باعامى ەڭ الدىمەن سىرتقى جانە ىشكى فاكتورلار نەگىزىندە قالىپتاسادى، نەگىزگىنەن مۇناي باعاسىنا تاۋەلدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار