ءبىر وكىنىشتىسى, پاراقورلىق, قىلمىستى جاسىرىپ, جاۋىردى جابا توقۋ, تانىماستاي وزگەرگەن ادامي بولمىس, ۇردا-جىق مىنەز-ق ۇلىق قالىپتى سانالاتىن بۇگىنگى ومىرىمىزدە ءدال وسىنداي تراگەديالار مەن درامالار از ەمەس. كوپ كوكەيىنە وي سالارلىق تۋىندىنىڭ ەكرانعا شىعارىلۋىن ۇلتتىق كينونى قولداۋ مەملەكەتتىك ورتالىعى ماقۇلدادى.
ءفيلمنىڭ نەگىزگى وقيعاسى سوتتا وتەدى. باس كەيىپكەرى 60 جاستاعى ايعالي اتتى ازامات. ونىڭ ايەلى مەن بالاسىن سول قايعىلى كۇنى كولىگىنە ماس كۇيىندە مىنگەن 25 جاستاعى دۋمان اتتى جىگىت قاعىپ ولتىرگەن. دۋماننىڭ اتا-اناسى – اۋقاتتى جانە باي ادامدار بولعاندىقتان, سوتقا پارا بەرىپ, بالاسىن جازالاۋدان امان الىپ قالۋ ولارعا ءسوز ەمەس. كىسى ولتىرگەن ادامدى اقتاپ شىققان ۇكىممەن كەلىسپەگەن ايعالي سوت زالىندا قالتاسىنا تىعىپ اكەلگەن گراناتانى شىعارىپ, ونىڭ cاقيناسىن شەشىپ, زالدا وتىرعانداردىڭ ءبارىن كەپىلگە الادى دا, ساتقىن سوت پەن پروكۋرورعا جانە قىلمىسكەرگە قاتىستى ءادىل ۇكىم شىعارۋدى تالاپ ەتەدى. اشۋ-ىزا كەرنەگەن ايعالي دۋماندى يەن دالاعا اپارىپ, ولتىرۋگە بەل بۋادى. ايتسە دە ءبىر تىلسىم كۇش ولاردىڭ ەندىگى شەشىمىنە قارسى تۇرادى...
«بۇل فيلمدە ءبىز قانداي دا ءبىر سۇراقتارعا جاۋاپ بەرە الامىز دەپ ويلامايمىن. كەرىسىنشە, ءبىز مۇندا كوپ سۇراق قويامىز. وسىنداي جاعدايعا تاپ بولعان ادام نە ىستەۋى كەرەك؟ ءوز بەتىمەن جازالاۋ ادىلدىككە جاتا ما؟ قوعام ادامدى ءتۇسىنۋى ءۇشىن, ادامنىڭ ءوزى قانداي بولۋى ءتيىس؟ قايتالاپ ايتايىن, بۇل جوبانىڭ ستسەناريسى ءارى رەجيسسەرى رەتىندە مەن سۇراقتارعا جاۋاپ بەرمەيمىن, مەن بۇل فيلمىممەن سۇراق قويامىن», دەيدى فيلم رەجيسسەرى دالەر مۇرزاعاليەۆ.
قازىرگى ۋاقىتتا فيلم اۆتورلارى كاستينگ وتكىزۋ جۇمىستارىن پىسىقتاپ جاتىر. ەكىنءشى رولدەرگە اكتەرلەر ىزدەيدى, وعان دەبيۋتانتتاردى دا قابىلداۋى مۇمكىن. باستى ءرولدى اكتەر ەرجان جارىلقاسىنوۆ سومدايدى. اۆتورلار باس كەيىپكەردىڭ قايعى-قاسىرەتىن, كۇيىگىن وسى اكتەر جاقسى جەتكىزە الاتىنىنا سەنىمدى. ۇيىمداستىرۋشىلاردىڭ ايتۋىنشا, ستسەناري قازاق تىلىنە اۋدارىلىپ جاتىر. الداعى ۋاقىتتا ءفيلمىنىڭ تۇپنۇسقاسى قازاق تىلىندە شىعادى. بىراق بەينەلى ءسوز ورنەكتەرىنىڭ تۇتاستىعى, مانەرلىگى كەيىنگى فيلمدەردە ساقتالا بەرمەيتىندىگىن, شالاعاي ءسوز تىركەستەرىنىڭ ءورىپ جۇرەتىنىن ەسكەرسەك, اۋدارما جۇمىسىنىڭ جاۋاپكەرشىلىگى وتە ماڭىزدى بولماق.
«بۇل قىسقامەترلى فيلم بولعاندىقتان, ءبىز ۇلكەن پروكاتقا شىعاراتىنىمىزعا كۇماندىمىن. نەگىزگى جوسپارىمىز رەتىندە ءبىرىنشى جىلى – فەستيۆالدەرگە, ەكىنشى جىلى – ارنايى كورسەتىلىمدەرگە قاتىسۋدى ويلاپ وتىرمىز. ال ءفيلمنىڭ سوڭعى كورسەتىلىم ورنى YouTube ارناسى بولادى. وسى جوسپار بويىنشا جۇرسەك, تاماشا بولار ەدى», دەپ اتاپ ءوتتى دالەر مۇرزاعاليەۆ.
