«2020 جىلعى 2 ءساۋىر مەن 7 قازان ارالىعىندا ەلىمىزدە كوروناۆيرۋستىق ينفەكتسيا دياگنوزى راستالعان 2 551 بالا تىركەلگەن. بۇگىنگى تاڭدا COVID-19-بەن ءبىر ايدان 18 جاسقا دەيىنگى 74 بالا اۋىرادى. ولاردىڭ باسىم بولىگى شىعىس قازاقستان, سولتۇستىك قازاقستان جانە پاۆلودار وبلىستارىندا انىقتالدى», - دەپ حابارلادى قوجاحمەتوۆ.
ونىڭ مالىمەتىنشە, قازىرگى ۋاقىتتا 10 ادام اۋرۋحاناعا جاتقىزىلدى, قالعاندارى ءۇي كارانتينىندە. 32 بالادا اۋرۋ سيمپتومسىز, 31–ندە – جەڭىل, 7-ندە - ورتاشا اۋىر كۇيدە وتۋدە. ونىڭ ىشىندە بىرەۋىنە باكتەريالىق سيپاتتاعى پنەۆمونيا, ال ەكىنشىسىنە ءتان بەلگىلەرى بار COVID-19 اسقىنۋى رەتىندە ۆيرۋستىق پنەۆمونيا دياگنوزى قويىلعان. 46 وقۋشى مەن ءۇش بالاباقشا تاربيەلەنۋشىسى باقىلاۋعا الىندى.
«دەنساۋلىق ساقتاۋ مينيسترلىگى قالىپتاسقان جاعدايعا الاڭداۋلى جانە ازاماتتاردان وزىنە جانە اينالاسىنداعىلارعا مۇقيات بولۋدى – بەتپەردە تاعۋىن, سانيتايزەرلەردى پايدالانۋدى جانە الەۋمەتتىك قاشىقتىقتى ساقتاۋدى سۇرايمىز. اسىرەسە, جرۆي مەن تۇماۋدىڭ ءورشۋى كەزەڭىندە», - دەپ اتاپ ءوتتى رەسمي وكىل.
