حابارلاماعا سۇيەنسەك, اتالعان قاراجات كەپىلدەندىرىلگەن تەگىن مەديتسينالىق كومەك جانە مىندەتتى مەديتسينالىق ساقتاندىرۋ پاكەتتەرى شەڭبەرىندە كورسەتىلگەن مەديتسينالىق كومەك ءۇشىن تولەنگەن. قارجىنىڭ 84,1 ملرد تەڭگەسى – مەملەكەتتىك تاپسىرىس نەگىزىندە كورسەتىلەتىن تەگىن كومەك پاكەتىنە, 32,4 ملرد تەڭگەسى – ءمامس پاكەتىنە تيەسىلى.
مەديتسينالىق ساقتاندىرۋ قورى – 2018 جىلدان بەرى مەملەكەتتىك بيۋدجەتتەن قارجىلاندىرىلاتىن كەپىلدەندىرىلگەن تەگىن مەديتسينالىق كومەك پاكەتىنىڭ وپەراتورى. ال 2020 جىلدان باستاپ قور مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن قىزمەتتەردىڭ اقىسىن تولەي باستادى.
ەسكە سالا كەتسەك, الماتى قالاسى بويىنشا 172 مەديتسينا ۇيىمى مەديتسينالىق ساقتاندىرۋ قورىمەن جۇمىس ىستەيدى. ونىڭ جارتىسىنا جۋىعى نەمەسە 55 پايىزى – جەكەمەنشىك كلينيكالار. جالپى, 2020 جىلعا تەگىن كومەك پاكەتى شەڭبەرىندە بەكىتىلگەن كەلىسىمشارت جالپى سوماسى – 141,9 ملرد تەڭگە, ءمامس پاكەتى بويىنشا بەكىتىلگەن كەلىسىمشارت سوماسى – 51,9 ملرد تەڭگە.
