«حيمفارم» اق فارماتسەۆتيكالىق كومپانياسى (SANTO Member of Polpharma Group) سوڭعى 2 جىلدا ەكسپورت كولەمىن 2,5 ەسەگە ارتتىرعان. بۇگىنگى تاڭدا كاسىپورىننىڭ دارىلىك پرەپاراتتارى ورتالىق ازيا جانە ەاەو نارىقتارىندا كەڭىنەن سۇرانىسقا يە. ءونىم قىرعىزستان, تاجىكستان, تۇرىكمەنستان, موڭعوليا مەن رەسەي سياقتى ەلدەرگە ەكسپورتتالادى.
پاندەميا ادامداردىڭ ءومىرىن تۇبەگەيلى وزگەرتتى. ۆيرۋس بۇكىل ەلگە تارادى, ءدارى-دارمەكتەرگە دەگەن قاجەتتىلىك ەداۋىر ارتىپ, كارانتين شەكتەۋلەرىنە بايلانىستى يمپورت بولجامدى تۇردە قىسقارعان كەزدە باستى ءرول وتاندىق وندىرۋشىلەرگە بەرىلەدى.
وسىعان بايلانىستى «حيمفارم» اق زاۋىتىندا شيكىزاتتى جەتكىزۋ جانە دايىن ءونىمدى جونەلتۋ لوگيستيكاسىنىڭ تاۋلىك بويى جۇمىسىن قامتاماسىز ەتە وتىرىپ, وندىرىستىك اۋىسىمداردىڭ جۇمىسى توقتاۋسىز رەجيمگە اۋداردى.
كومپانيا بارلىق ىقتيمال وندىرىستىك رەزەرۆتەر مەن قۋاتتاردى ىزدەۋگە جانە ىسكە قوسۋعا, وندىرىستىك تارتىپكە, سانيتارلىق نورمالاردىڭ ساقتالۋىن قاتاڭ باقىلاۋعا باسا نازار اۋدارادى. پاتسيەنتتەردىڭ دەنساۋلىعىنا جاۋاپتى بولا وتىرىپ, بارلىق قاجەتتى شارالار قابىلداندى, ءدارى-دارمەك ءوندىرىسى جالعاستىرىلدى جانە ءوندىرىس كولەمىن ارتتىردى.
سوڭعى 7 جىلدا مەملەكەتتىك قولداۋدىڭ ارقاسىندا Santo كومپانياسىنىڭ قازاقستاندىق فارماتسەۆتيكالىق نارىقتاعى ۇلەسى 4,7%-دان 6,0%-عا دەيىن ۇلعايدى.
كەلەسى جىلى وزبەكستان نارىعىنا شىعۋ ارقىلى ەكسپورتتى ەكى ەسەگە ارتتىرۋ جوسپارلانۋدا. سونىمەن قاتار, ەۋروپالىق وداقتىڭ دارىلىك نارىعىنا شىعۋ ماڭىزدى سىن-تەگەۋرىندەردىڭ ءبىرى بولىپ تابىلادى. وسىلايشا, 2023 جىلعا قاراي ەكسپورت كولەمىن 16 ملرد.تەڭگەگە دەيىن ۇلعايتۋ كوزدەلىپ وتىر.
بۇگىنگى كۇنى كاسىپورىن قورجىنىندا 11 وندىرىستىك جەلىدە وندىرىلەتىن 9 ءتۇرلى نىسانداعى 120-دان استام دارىلىك زاتتاردىڭ اتاۋلارى بار, ال بۇل وتاندىق ءوندىرۋشىنىڭ 10-نان استام تەراپيالىق توپتاردا ۇسىنىلعانىنىڭ كورسەتكىشى بولىپ تابىلادى.
سونىمەن قاتار, كومپانيانىڭ R&D الەۋەتى اعىمداعى جىلدىڭ سوڭىنا قاراي دارىلىك زاتتاردىڭ 10 جاڭا پوزيتسياسىن نارىققا شىعارۋعا مۇمكىندىك بەرەدى. 2023 جىلعا قاراي كومپانيا پاتسيەنتتەردى ەمدەۋ ءۇشىن قازاقستاندا وندىرىلگەن دارىلىك زاتتاردىڭ 50-گە جۋىق جاڭا نومەنكلاتۋرالىق پوزيتسيالارىن ىسكە قوسادى.
الماتى
