قوعام • 06 قازان، 2020

قارۋلى كۇشتەردە 60 مىڭنان استام مامان دايارلاندى

22 رەت كورسەتىلدى

ەلىمىزدىڭ قارۋلى كۇشتەرىندە "قۋاتتى ارميا – ەل تىرەگى" ۇرانىمەن وتكەن كەزەكتى وقۋ جىلى اياقتالۋدا، دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

قارۋلى كۇشتەردە اسكەرلەردى قورىتىندى تەكسەرۋ باستالدى. ەكى اپتا ىشىندە اسكەري قىزمەتشىلەر ساپتىق، مەملەكەتتىك-قۇقىقتىق، كاسىبي، ارنايى، اتىس جانە دەنە شىنىقتىرۋ دايارلىعى بويىنشا سىناقتار تاپسىراتىن بولادى. بۇدان بولەك، جالپىاسكەري جارعىلار بويىنشا بىلىمدەرى تەكسەرىلەدى. رادياتسيالىق، حيميالىق جانە بيولوگيالىق قورعاۋ جونىندەگى نورماتيۆتەر ورىندالادى. ءاربىر بولىمشە دايىندىق دەڭگەيىنە سايكەس باعا الادى.

وسى جىلى كوروناۆيرۋستىق ينفەكتسيا پاندەمياسى جەكە قۇرامدى وقىتۋعا بەلگىلى ءبىر وزگەرتۋلەر ەنگىزدى. اسكەري قىزمەتشىلەردىڭ توتەنشە جاعداي جانە كارانتين رەجيمىن قامتاماسىز ەتۋ جونىندەگى نەگىزگى ءىس-شارالارعا قاتىسۋىن ەسكەرە وتىرىپ، ءىس-شارالاردى وتكىزۋ مەرزىمدەرى مەن ولاردىڭ فورماتى وزگەردى.

كوروناۆيرۋستىق پاندەميانىڭ ءورشۋى كەزىندە ارميا توتەنشە جاعدايدى قامتاماسىز ەتۋ شارالارىنا قاتىستى. 10 مىڭنان استام اسكەري قىزمەتشىلەر توسقاۋىل بەكەتتەرىندە قىزمەت اتقاردى. ەلدى مەكەندەردى پاترۋلدەۋگە قاتىسىپ، الەۋمەتتىك ماڭىزى بار نىسانداردى وڭدەدى. سونىمەن قاتار، بىرقاتار اسكەري مەديتسينالىق مەكەمەلەر كوۆيد-ستاتسيونار رەتىندە قايتا بەيىندەلدى. اسكەري گوسپيتالدەر مەن لازارەتتەردىڭ دارىگەرلىك-مەيىربيكەلىك بريگادالارى جەرگىلىكتى دەنساۋلىق ساقتاۋ ورگاندارىنىڭ قاراماعىنا جىبەرىلدى.

سوعان قاراماستان ارميانىڭ جاۋىنگەرلىك ازىرلىگىن قولداۋ جونىندەگى بارلىق ءىس-شارالار تولىق كولەمدە ورىندالۋدا. قويىلعان ماقساتتارعا جەتۋ ءۇشىن 200-دەن استام ءتۇرلى جاتتىعۋلار، اتىس دايىندىعى اياسىندا 20 مىڭنان استام جاۋىنگەرلىك اتىس ۇيىمداستىرىلدى. سونداي-اق جاۋىنگەرلىك ماشينالار مەن اۆتوموبيل تەحنيكاسىن جۇرگىزۋ بويىنشا 16 مىڭنان استام ساباق ءوتتى. بۇل رەتتە ساباقتار تاۋلىك بويى وتكىزىلدى. ءبىر جىل ىشىندە قارۋلى كۇشتەردە 60 مىڭنان استام مامان دايارلاندى.

ەلىمىزدەگى كارانتين شارالارىنىڭ جۇمسارۋىنا بايلانىستى اسكەريلەر اۋقىمدى ءىس-شارالارعا كىرىستى.

قارۋلى كۇشتەر ءۇشىن ماڭىزدى وقيعا "ماتىبۇلاق" پوليگونىنداعى "الداسپان-2020" جەدەل-تاكتيكالىق كوماندالىق-شتابتىق وقۋ-جاتتىعۋى بولدى. اسكەرلەر وقۋ-جاتتىعۋدى وتكىزۋ ورنىنا مارش جاساپ، ارنايى اسكەري وپەراتسيانى دايىنداۋ جانە وتكىزۋ بويىنشا مىندەتتەردى پىسىقتادى. ايتا كەتۋ كەرەك، وقۋ-جاتتىعۋدىڭ ەرەكشەلىگى قازىرگى قارۋلى قاقتىعىستاردا سوعىس جۇرگىزۋ تاجىريبەسىن ەنگىزۋ.

سونىمەن قاتار اۋە قورعانىسى كۇشتەرى "تازا اسپان-2020" جەدەل-تاكتيكالىق كوماندالىق-شتابتىق وقۋ-جاتتىعۋىنا قاتىستى. وقۋ-جاتتىعۋ بارىسىندا اسكەري اۆياتسيا جانە اۋە شابۋىلىنا قارسى قورعانىس بولىمشەلەرى شارتتى اۋە قارسىلاسىن كورسەتۋ بويىنشا مىندەتتەردى پىسىقتادى. وقۋ ماسەلەلەرىنە اۋە شابۋىلىنا قارسى قورعانىس بويىنشا جاۋىنگەرلىك كەزەكشىلىك كۇشتەرىن قولدانۋ، اشقق اسكەرلەرى توپتارىنىڭ جاۋىنگەرلىك ءىس-قيمىلداردى جۇرگىزۋى بويىنشا مىندەتتەر كىردى.

اسكەري-تەڭىز كۇشتەرى كاسپي اكۆاتورياسىندا تەڭىز ەكونوميكالىق قىزمەتى نىساندارىن قورعاۋ جانە تەڭىز جاعالاۋىن قورعاۋ بويىنشا وقۋ-جاتتىعۋ وتكىزدى.

قازىرگى ۋاقىتتا تىلەنديەۆ كەنتىندەگى وقۋ-جاتتىعۋ پوليگونىندا ەل تاريحىنداعى العاشقى كەشەندى بىتىمگەرشىلىك وقۋ-جاتتىعۋى جالعاسۋدا. وندا جەكە قۇرام داعدارىستى اۋداندا بەيبىتشىلىكتى قولداۋ جونىندەگى بىتىمگەرشىلىك وپەراتسيانى دايىنداۋ جانە جۇرگىزۋ جونىندەگى مىندەتتەردى پىسىقتاۋدا.

ەلىمىزدىڭ بارلىق وڭىرلەرىندە "التىن جەبە" ارنايى وپەراتسيالار كۇشتەرى قۇرامداستارىنىڭ كۇشتەرى مەن قۇرالدارىن كەشەندى تەكسەرۋ جۇرگىزىلۋدە. ءبىر اي ىشىندە اسكەري قىزمەتشىلەر كۇشتەر مەن قۇرالداردى قولدانۋدى ۇيىمداستىرۋ ماسەلەلەرىن پىسىقتايدى، سونداي-اق ارنايى وقۋ-جاۋىنگەرلىك مىندەتتەردى ورىندايتىن بولادى.

سوڭعى جاڭالىقتار

ۇقساس جاڭالىقتار