"بىرىنشىدەن, قۇنى 180 ملن اقش دوللارىن قۇرايتىن كەمىندە 30 جاڭا ءوندىرىستى ىسكە قوسىپ, 2 مىڭ جاڭا تۇراقتى جۇمىس ورنىن اشۋ جوسپارلاندى. ەكىنشىدەن, فارماتسەۆتيكا سالاسىنىڭ ءوندىرىس كولەمى 2,5 ەسەگە ارتىپ, 92 ملرد-تان 230 ملرد تەڭگەگە دەيىن جەتەدى. وعان قوسا, 2021 جىلدىڭ ءبىرىنشى توقسانىنا قاراي وتاندىق كاسىپورىنداردىڭ ءبىر رەتتىك ماسكا بويىنشا وندىرىستىك قۋاتى تاۋلىگىنە 2 ەسەگە ۇلعايىپ, 1 ملن نان 2 ملن داناعا دەيىن, قورعانىس كوستيۋمدەرى بويىنشا 2 ەسەگە ارتىپ, ايىنا 500 مىڭنان 1 ملن داناعا جەتەدى. سونداي-اق جىل سوڭىنا قاراي قولعاپ بويىنشا ءوندىرىس كولەمى تاۋلىگىنە 330 مىڭنان 530 مىڭعا دەيىن ۇلعايتىلادى", دەدى ول.
سونداي-اق مينيستر دارىلىك زاتتار ەكسپورتىنىڭ كولەمى ءۇش ەسە - 58-دەن 174 ميلليون دوللارعا دەيىن وسەتىنىن ايتتى.
"جوعارىدا اتالعان بارلىق ءىس-شارالاردىڭ ورىندالۋى قازاقستاننىڭ ىشكى نارىعىنداعى وتاندىق وندىرۋشىلەر ءونىمىنىڭ ۇلەسىن ءبىرىنشى كەزەكتە قاجەتتى دارىلىك زاتتار بويىنشا اعىمداعى 39-دان 50 پايىزعا دەيىن ارتتىرۋدى قامتاماسىز ەتەدى, بۇل ددۇ ۇسىنىمىنا سايكەس كەلەدى", دەيدى مينيستر.
