ايماق باسشىسى دۋبوۆكا اۋىلىندا بيۋدجەت قارجىسى قانداي باعىتتارعا جۇمسالعانىن قاراپ شىقتى. اۋدان اكىمى باۋىرجان اسانوۆتىڭ ايتۋىنشا, جۇمىسپەن قامتۋدىڭ جول كارتاسى بويىنشا مۇندا ستاديون مەن ءبىلىم بەرۋ ورتالىعى جوندەلدى. ۇيلەر اراسىندا سەرۋەندەۋ الاڭى اباتتاندىرىلدى. كەنتتە وبلىستىق بيۋدجەت قاراجاتىنا سۋ قۇبىرى جەلىلەرى جوندەلۋدە.
جۇمىسپەن قامتۋدىڭ جول كارتاسى بويىنشا اباي اۋدانىندا 1,2 ملرد تەڭگەنىڭ 42 جوباسى جۇزەگە اسىرىلۋدا. 349 جۇمىس ورنى قۇرىلعان. اۋدان اكىمىنىڭ مالىمەتىنشە, 15 ەلدى مەكەندە جولدار مەن جارىقتاندىرۋ رەتكە كەلتىرىلىپ, 9 ءبىلىم بەرۋ نىسانى مەن ەكى اۋرۋحانا جوندەلدى.
جەڭىس قاسىمبەك سونداي-اق ەگىن جيناۋ ناتيجەلەرىمەن تانىستى. اباي اۋدانىندا 50-گە جۋىق شارۋا قوجالىعى كارتوپ پەن كوكونىس وسىرەدى. وبلىس اكىمى جىل سايىن وبلىستىڭ تۇراقتاندىرۋ قورىن تولىقتىرۋعا كومەكتەسەتىن "پوليۆنوە" جانە "شانس" شارۋا قوجالىقتارىندا بولىپ قايتتى.
