"جارمەڭكەنىڭ جارناماسىن الەۋمەتتىك جەلىدەن كورىپ, قاتتى قۋاندىم. ۇيدە كەرەك بولىپ قالادى دەيتىن, بىراق بوسقا تۇرعان زاتتار كوپ. سولاردىڭ ءبارىن وسىندا بەرگىم كەلىپ وتىر. كىتاپ, سومكەلەر, كيىمدەر بار. ولاردى قوقىسقا تاستاۋعا قيمايمىن. ءارى ونىڭ ورنىنا جاڭا نارسە الۋعا بولادى, ول ءتىپتى كەرەمەت. ءجيى ۇيىمداستىرىلسا ەكەن", – دەدى ەلوردا تۇرعىنى نۇرجىگىت تاسبولاتوۆ.
شارانى رەسپۋبليكالىق بىرىڭعاي "جاس ۇلان" بالالار مەن جاسوسپىرىمدەر ۇيىمى Green tall الەۋمەتىك دامحاناسىمەن بىرلەسىپ, "BizBirgemiz: Taza Alem" جالپىۇلتتىق جوباسىنىڭ اياسىندا ۇيىمداستىردى. ۇيىمداستىرۋشىلاردىڭ ايتۋىنشا ايىرباستىڭ بۇل ءتۇرى زاتتارعا جاڭا ءومىر سىيلاپ قانا قويماي, ۋاقىت پەن قاراجاتتى, ءتۇرلى رەسۋرستى ۇنەمدەۋگە سەپتىگىن تيگىزەدى.
"شارا ماقساتى ەكىنشى ءومىر سىيلاۋ, استارىندا ەكولوگيا ماسەلەسى تۇر. تۇرعىندارعا ەسكى زاتتى سۇرىپتاۋعا بولاتىنىن كورسەتۋ. بۇل ەلوردا بويىنشا ەكىنشى رەت وتكىزىلىپ جاتىر. جارمەڭكەگە ءتۇرلى زاتتار الىپ كەلۋدە. كىتاپ, كيىمدەر, كۇرتەشەلەر, اياق كيىمدەر مەن ءتۇرلى اشەكەي-بۇيىمدار, سۋ جاڭا گادجەتتەردى دە كورۋگە بولادى. الداعى ۋاقىتتا دا ۇيىمداستىرۋ ويدا بار. كەلۋشىلەر ءدان ريزا", – دەدى رەسپۋبليكالىق بىرىڭعاي "جاس ۇلان" بالالار مەن جاسوسپىرىمدەر ۇيىمىنىڭ ءتورايىمى دينارا سادۋاقاسوۆا.
جارمەڭكە سوڭىندا قالىپ قويعان زاتتار قايىرىمدىلىق ۇيىمدارى مەن الەۋمەتتىك دۇكەندەرگە تاپسىرىلدى.
