«سىبايلاس جەمقورلىقپەن كۇرەس بارىنشا جۇيەلى سيپات الۋدا. جەمقورلىقتىڭ پايدا بولۋ سەبەپتەرىنە كوبىرەك نازار اۋدارىلىپ, الدىن الۋ جۇمىستارى جۇرگىزىلۋدە» دەپ اتاپ كورسەتتى مەملەكەت باسشىسى اۋقىمدى باعدارلامالىق قۇجاتتا.
سىبايلاس جەمقورلىققا قارسى قىزمەتتىڭ نەگىزگى جۇمىسى ازاماتتار مەن قوعامدى تارتا وتىرىپ, سىبايلاس جەمقورلىققا قارسى كۇرەستىڭ الدىن الۋ شارالارىنا باعىتتالعانى بەلگىلى.
وسى تۇرعىدا, سىبايلاس جەمقورلىققا قارسى ءىس-قيمىل جونىندەگى اۋماقتىق دەپارتامەنت سىبايلاس جەمقورلىق قۇقىق بۇزۋشىلىقتاردىڭ سەبەپتەرى مەن جاعدايلارىن جويۋ ماقساتىندا جۇيەلى نەگىزدە سىبايلاس جەمقورلىق تاۋەكەلدەرىنە سىرتقى تالداۋ جانە سىبايلاس جەمقورلىققا قارسى مونيتورينگ جۇرگىزەدى. وسى جىلدىڭ باسىنان باستاپ سىرتقى تالداۋ ءوڭىردىڭ 8 ۇيىمىندا جۇرگىزىلدى, ونىڭ ناتيجەلەرى بويىنشا 5 نورماتيۆتىك-قۇقىقتىق اكتىلەرگە انىقتالعان سىبايلاس جەمقورلىق تاۋەكەلدەرىن جويۋ بويىنشا وزگەرىستەر مەن تولىقتىرۋلار ەنگىزىلدى.
جولداۋدا «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ قۇرالى رەتىندە مەملەكەتتىك بيلىكتىڭ اشىقتىعىن قامتاماسىز ەتۋگە جانە قوعامدىق باقىلاۋدى كۇشەيتۋگە باستى ءمان بەرىلگەن. ەل پرەزيدەنتى «قوعامدىق باقىلاۋ تۋرالى» زاڭ جوباسىن ازىرلەپ, قابىلداۋدى تاپسىردى.
سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆتىڭ باستاماسىمەن دەپارتامەنت وبلىس اكىمدىگىنىڭ قولداۋىمەن «سەرۆيستىك اكىمدىك» جوباسىن تابىستى ىسكە اسىرۋدا, ول ازاماتتاردى جەدەل جانە كەدەرگىسىز قابىلداۋ مەن ولارعا كەڭەس بەرۋ جانە مەملەكەتتىك قىزمەت كورسەتۋ ءۇشىن جاعداي جاساۋدى كوزدەيدى. بۇگىنگى تاڭدا «سەرۆيستىك اكىمدىكتەر» وبلىستىڭ بارلىق 19 اۋدانى مەن قالاسىندا جۇمىس ىستەيدى. ءوڭىردىڭ مەملەكەتتىك مەكەمەلەرى مەن ۇيىمدارىندا «ورەn space» جانە front office فورماتىنداعى كابينەتتەر اشىلدى, ولار دا اشىقتىق پەن ايقىندىق قاعيداتتارىن قامتاماسىز ەتەدى.
ازاماتتاردىڭ قۇقىقتىق ساۋاتتىلىعىن ارتتىرۋ جانە زاڭ كومەگىن كورسەتۋ ماقساتىندا جىل باسىنان بەرى «Adal kómek» جوباسى جۇمىس ىستەيدى, ونىڭ شەڭبەرىندە دەپارتامەنت الەۋمەتتىك جەلىلەردە 215-تەن استام ونلاين-كونسۋلتاتسيا وتكىزدى. مەملەكەت باسشىسى بۇل جوبانىڭ ماڭىزدىلىعىن اتاپ ءوتىپ, «ادال كومەك» تۇعىرناماسىن جاساۋ جەتكىلىكتى بولدى جانە 11 مىڭنان استام الەۋمەتتىك جاعىنان از قامتىلعان ازامات تانىمال ادۆوكاتتاردان كەڭەستى تەگىن الدى» دەپ ايتتى.
پاندەميا جاعدايىندا ازاماتتار مەن جۇرتشىلىق وكىلدەرىن سىبايلاس جەمقورلىققا قارسى ءىس-قيمىلعا كەڭىنەن تارتۋ ءۇشىن اگەنتتىك تاراپىنان «Antikor.Live» ونلاين رەجىمىندە سىبايلاس جەمقورلىققا قارسى كونتەنتتى تۇراقتى ترانسلياتسيالاۋ قاراستىرىلادى. قازىرگى ۋاقىتتا 250-دەن استام تىكەلەي ەفيرگە شىعۋ جۇزەگە اسىرىلدى.
دەپارتامەنتپەن اۆتوموبيل جولدارىن سالۋ, جوندەۋ جانە كۇتىپ ۇستاۋ ساپاسىن باقىلاۋدى كوزدەيتىن «ساپالى جول – ادالدىق الاڭى» جوباسى جانە «ادال جول» جولاۋشىلار جانە جۇك تەمىر جول تاسىمالدارىنداعى تۇرمىستىق سىبايلاس جەمقورلىقتى بولدىرماۋ جونىندەگى جوباسى ىسكە اسىرىلۋدا. وسى جوبالار شەڭبەرىندە جۇرتشىلىقپەن تۇراقتى نەگىزدە مونيتورينگ جۇرگىزىلەدى, زاڭ بۇزۋشىلىقتار بەلگىلەنەدى جانە ولاردى جويۋ جونىندە ۇسىنىمدار ەنگىزىلەدى.
دەپارتامەنت جانىندا قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىنىڭ ىسكە اسىرىلۋىن سىرتقى تالداۋ مەن باعالاۋدىڭ ارنايى مونيتورينگتىك توبى ءوز جۇمىسىن جۇزەگە اسىرادى, ونىڭ قۇرامىنا ءتۇرلى سالالاردىڭ وكىلدەرى كىردى.
سىبايلاس جەمقورلىققا قارسى مادەنيەتتى قالىپتاستىرۋ جانە پاراساتتىلىق قاعيداتتارىن تاربيەلەۋ بويىنشا ءتۇسىندىرۋ جۇمىستارىن جۇزەگە اسىرۋ ماقساتىندا وتكەن جىلدان باستاپ وڭىرلىك اقپاراتتىق-اعارتۋشىلىق شتاب قۇرىلدى. بۇگىنگى تاڭدا شتابقا 30-دان استام قوعام قايراتكەرى مەن ءتۇرلى ۇيىمداردىڭ وكىلدەرى كىرەدى.
Covid-19 پاندەمياسىمەن بايلانىستى ەكونوميكالىق پروبلەمالار اياسىندا كاسىپكەرلىكتى قولداۋ ەرەكشە وزەكتىلىككە يە. جولداۋدا مەملەكەتتىك قۇرىلىمداردىڭ كاسىپكەرلىك قىزمەتكە كەز كەلگەن زاڭسىز ارالاسۋى مەملەكەتكە قارسى جاسالعان اۋىر قىلمىس رەتىندە باعالانۋى كەرەكتىگى ايتىلعان. وسى تۇرعىدا وبلىستا «Protecting Business and Investments» بيزنەس پەن ينۆەستيتسيالاردى قورعاۋ بويىنشا جوبا جۇمىس ىستەيدى. بۇگىنگى تاڭدا دەپارتامەنتتىڭ سىبايلاس جەمقورلىققا قارسى سۇيەمەلدەۋىمەن 60 بيزنەس-جوبا جۇزەگە اسىرىلۋدا, ونىڭ ىشىندە 10 پروتسەنتى – شەتەلدىك ينۆەستورلاردىڭ قاتىسۋى. جوبانى ىسكە اسىرۋ باستالعاننان بەرى 19 كاسىپكەر مەن ينۆەستوردىڭ قۇقىقتارى قورعالدى جانە قالپىنا كەلتىرىلدى. سونىمەن قاتار وبلىستىڭ سىبايلاس جەمقورلىققا قارسى قىزمەتى قىلمىستىق-قۇقىقتىق شارالارمەن شاعىن جانە ورتا بيزنەستىڭ قىزمەتىنە زاڭسىز ارالاسۋدىڭ بىرقاتار فاكتىلەرىنىڭ جولىن كەستى.
مەملەكەت باسشىسى ءوز جولداۋىندا بارلىق رەتتەلەتىن ساتىپ الۋلار بارىنشا اشىق جانە تەك قانا «ساتىپ الۋدىڭ بىرىڭعاي تەرەزەسى» جۇيەسى ارقىلى جۇزەگە اسىرىلۋعا ءتيىس ەكەنىن اتاپ ءوتتى. وسى تاپسىرما شەڭبەرىندە مەملەكەتتىك بيۋدجەتتى ماقساتسىز جانە ءتيىمسىز پايدالانۋدى بولدىرماۋ ماقساتىندا دەپارتامەنت ساتىپ الۋدى جوسپارلاۋ ساتىسىندا سىبايلاس جەمقورلىق تاۋەكەلدەرىن انىقتايتىن جانە بيۋدجەت قاراجاتىن ۇنەمدەۋگە مۇمكىندىك بەرەتىن وسى جۇيە ارقىلى مەملەكەتتىك ساتىپ الۋعا مونيتورينگ جۇرگىزەدى. اتاپ ايتقاندا, ءبىز ەنگىزگەن ۇسىنىمداردان كەيىن مەملەكەتتىك ورگاندار ساتىپ الۋعا جوسپارلاعان تاۋارلارعا, جۇمىستار مەن قىزمەتتەرگە جوعارى باعالاردى تومەندەتۋ ارقىلى 150 ميلليونعا جۋىق تەڭگە ۇنەمدەلدى.
سىبايلاس جەمقورلىق قۇقىق بۇزۋشىلىقتار تۋرالى حابارلاۋ سىبايلاس جەمقورلىققا قارسى كۇرەستىڭ ماڭىزدى شاراسى بولىپ تابىلادى. جىل باسىنان بەرى وڭىردە سىبايلاس جەمقورلىق فاكتىلەرى تۋرالى حابارلاعان 9 ادام 1,5 ميلليون تەڭگەدەن استام سوماعا ىنتالاندىرىلدى.
الايدا سىبايلاس جەمقورلىققا قارسى ءىس-قيمىلعا جاردەمدەسەتىن ازاماتتاردى كوتەرمەلەۋ عانا ەمەس, ولاردى قورعاۋدى قامتاماسىز ەتۋ دە ماڭىزدى. سىبايلاس جەمقورلىق فاكتىلەرى تۋرالى حابارلايتىن تۇلعالاردى قورعاۋ جۇيەسىن زاڭنامالىق دەڭگەيدە قالىپتاستىرۋ قاجەتتىلىگى «جاڭا جاعدايداعى قازاقستان: ءىس-قيمىل كەزەڭى» جولداۋىندا دا بەلگىلەنگەن.
جولداۋدا سويلەگەن سوزىندە رەسپۋبليكا پرەزيدەنتى مەملەكەتتىك قىزمەتشىلەردىڭ, دەپۋتاتتاردىڭ, سۋديالاردىڭ شەتەل بانكتەرىندە ەسەپشوتقا يە بولۋى, قولما-قول اقشا جانە باعالى زاتتار ساقتاۋىنا قاتىستى جەمقورلىققا قارسى شەكتەۋلەر سياقتى سىبايلاس جەمقورلىققا قارسى ءىس-قيمىل قۇرالىن ەنگىزۋ تۋرالى مالىمدەدى. سونىمەن قاتار مەملەكەت باسشىسى قۇقىق قورعاۋ ورگاندارى قىزمەتكەرلەرىنىڭ, سۋديالاردىڭ, پارا بەرۋشىلەردىڭ جانە پاراقورلىققا دەلدال بولعانداردىڭ سىبايلاس جەمقورلىعى ءۇشىن جازانى قاتايتۋ, سونداي-اق سوتتالعان جەمقورلاردى مەرزىمىنەن بۇرىن شارتتى تۇردە بوساتۋدى توقتاتۋدى تاپسىردى. بەلگىلەنگەن سىبايلاس جەمقورلىققا قارسى رەفورمالاردى ىسكە اسىرۋ شەڭبەرىندە ءبىز ءتيىستى جۇمىس جۇرگىزەتىن بولامىز.
دەپارتامەنتتىڭ قىزمەتى, ەڭ الدىمەن, سىبايلاس جەمقورلىققا قارسى مادەنيەت پەن پاراساتتىلىق يدەولوگياسىنىڭ جوعارى دەڭگەيىن, قۇقىق بۇزۋشىلىقتاردىڭ بارلىق كورىنىستەرىنە مۇلدەم توزبەۋشىلىكتى قالىپتاستىرۋعا, سونداي-اق سىبايلاس جەمقورلىقتىڭ جاعدايلارى مەن سەبەپتەرىن انىقتاۋعا جانە جويۋعا باعىتتالعانىن تاعى دا اتاپ وتكىم كەلەدى. بۇل رەتتە, وسى الەۋمەتتىك ز ۇلىمدىققا جۇيەلى تۇردە قارسى تۇرۋ ءبىزدىڭ ازاماتتارىمىزدىڭ بەلسەندى قولداۋىمەن عانا مۇمكىن بولادى. ال, پاندەميا جاعدايىندا سىبايلاس جەمقورلىققا قارسى تۇرۋ ءۇشىن مەملەكەت پەن قوعامنىڭ كۇشىن بىرىكتىرۋ اسا قاجەت.
مۇرات تولەۋباەۆ,
قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى اقمولا وبلىسى بويىنشا دەپارتامەنتىنىڭ باسشىسى
