بۇل «كابينەت» – سوت قۇرىلىمىندا قولعا الىنعان زاماناۋي تەحنولوگيانىڭ ءبىرى. ەلەكتروندى فورمات ەڭ الدىمەن حالىققا سوت جۇيەسىنىڭ قولجەتىمدىلىگى مەن اشىقتىعىن قامتاماسىز ەتۋ ماقساتىندا جاسالىپ وتىر. وسى «كابينەت» ارقىلى سوتقا ەلەكتروندى تۇردە تالاپ-ارىز, شاعىم, ءوتىنىش بەرۋگە, مەملەكەتتىك باج سالىعىن ونلاين رەجىمدە تولەۋگە, سوت قۇجاتتارى مەن جالپى سوت ىسىنە قاتىستى بارلىق قۇجاتتى قاداعالاپ وتىرۋعا بولادى.
سوت كابينەتىنىڭ ماقساتى – ازاماتتار مەن ۋاكىلەتتى ورگاندارعا سوت كابينەتى سەرۆيسىنىڭ جاڭا مۇمكىندىكتەرىن, قولدانۋ بارىسىن ءتۇسىندىرۋ. IOS موبيلدىك پلاتفورماسىنداعى «سوت كابينەتى» موبيلدىك قوسىمشاسى – IOS, Android جانە Windows Phone موبيلدىك قوسىمشاسى سەرۆيستەرىنىڭ ينتەرفەيستەرىن سيپاتتايدى.
پايدالانۋشىلاردى موبيلدىك قوسىمشادا تىركەۋ سەرۆيسىنىڭ ۆەب نۇسقاسىنا قاراعاندا وزىندىك ارتىقشىلىقتارى دا بار. تىركەلۋ ءۇشىن پايدالانۋشى كەلىسىمىنە الدىن الا قول قويىپ, ازامات ءوزىنىڭ جسن جانە ۇيالى تەلەفون نومىرلەرىن كورسەتسە دە جەتكىلىكتى. كورسەتىلگەن ۇيالى تەلەفون نومەرىنە قوسىمشاعا كىرۋ ءۇشىن حابارلاما ارقىلى قۇپيا ءسوز كەلەدى.
سونىمەن قاتار وسى سەرۆيستى پايدالانۋشىلارعا «كومەك» كورسەتۋ باعىتى ەنگىزىلگەن. وندا سوت كابينەتىن پايدالانۋ بويىنشا نۇسقاۋلىق, سوت كابينەتىمەن جۇمىس ىستەۋ جونىندەگى انىقتاما, «سوت كابينەتى» ءموبيلدى قوسىمشاسىنىڭ پايدالانۋشى نۇسقاۋلىعى جانە «پايدالى سىلتەمەلەرى» سەرۆيسى ۇسىنىلعان. «سوت كابينەتى» ۆەب-نۇسقاسىمەن «سوت كابينەتىنىڭ موبيلدىك نۇسقاسى» قوسىمشاسىندا جاڭالىقتار, ىستەردى قاراۋ تىزىمدەرى, تاپسىرىلعان قۇجاتتار, حابارلاندىرۋلار, سوت پروتسەسى قاتىسۋشىلارىنىڭ كۇنتىزبەسى جانە چات سەرۆيستەرى ۇيلەستىرىلگەن.
سوت كابينەتىنىڭ ءموبيلدى قوسىمشاسىنداعى جاڭالىقتار سەرۆيسى ىستەردى قاراۋعا, ناقتى سوت ورگانى بويىنشا تاڭداپ الۋ مۇمكىندىگىمەن تاعايىندالعان سوت وتىرىستارى تۋرالى اقپاراتتى (وتكىزۋ كۇنىن, ورنىن, ۋاقىتىن) ونلاين رەجىمدە تابۋعا; تاپسىرىلعان قۇجاتتار سەرۆيسى وسى قوسىمشانى پايدالانۋشىعا موبيلدىك قوندىرعىعا جۇكتەۋ مۇمكىندىگىمەن سوت ورگاندارىنا سوت كابينەتى ۆەب-سەرۆيسى ارقىلى جولدانعان بارلىق بارلىق قۇجاتتاردى كورۋگە; حابارلاۋ سەرۆيسى – پايدالانۋشىعا سوت ورگاندارىنا بەرگەن سوت قۇجاتتارىنىڭ مارتەبەسىن باقىلاپ وتىرۋعا; سوت پروتسەسى قاتىسۋشىلارىنىڭ كۇنتىزبەسى سەرۆيس, كۇنتىزبەگە وقيعالاردى قوسۋعا, سونداي-اق ءسىز پروتسەسس قاتىسۋشىسى بولىپ تابىلاتىن سوت وتىرىستارى تۋرالى مالىمەتتەردى كورسەتۋگە; چات سەرۆيسى قوسىمشا پايدالانۋشىلارىنا ماتىندىك حابارلامالارمەن الماسۋعا مۇمكىندىك بەرەدى.
سونىمەن قاتار سوت كابينەتىن پايدالانۋشى ء«ىس قۇجاتتارى بويىنشا قۇجاتتار» ءبولىمى ارقىلى پىكىر, قارسى تالاپ ارىز, سوت پروتسەسىنىڭ حاتتاماسىنا ەسكەرتۋلەر, اتقارۋ پاراعىن جولداۋ تۋرالى ءوتىنىش, اتقارۋ پاراعىنىڭ تەلنۇسقاسىن بەرۋ تۋرالى ارىز, سوت اكتىلەرىنىڭ كوشىرمەلەرىن بەرۋ تۋرالى ارىز جانە وسى سەكىلدى باسقا دا وتىنىشتەردى بەرە الادى. حالىقتىڭ سوتقا دەگەن سەنىمىن ودان سايىن ارتتىرۋ ماقساتىندا وسى باعىتتاعى جۇمىستار الداعى ۋاقىتتا دا جالعاسىن تاباتىن بولادى.
ايشاگۇل دوسمۋرزينا
باتىس قازاقستان وبلىسى
