ۆيدەونى بەلگىلى جۋرناليست جازيرا بەگالى ءوزىنىڭ Facebook-تەگى پاراقشاسىنا جۇكتەپ, ءتيىستى زاڭدى ورگانداردان كومەك سۇرادى. جازبادا ەرجان ەسىمدى ازامات ايەلىمەن قوسا, بالالارىن دا ۇرىپ سوعاتىنى ايتىلعان.
وسىعاي سايكەس تۇركىستان وبلىستىق پد ءباسپاسوز قىزمەتى ورىن العان جايتقا بايلانىستى رەسمي جاۋاپ بەردى.
"الەۋمەتتىك جەلىلەرگە مونيتورينگ جۇرگىزۋ بارىسىندا تۇركىستان وبلىسى پوليتسيا دەپارتامەنتىنىڭ پوليتسەيلەرى بەلگىسىز ەر ادامنىڭ كامەلەتكە تولماعان بالانى ۇرىپ-سوعىپ جاتقان بەينەجازباسىن انىقتادى. تەكسەرۋ بارىسىندا وقيعانىڭ قازىعۇرت اۋدانىندا بولعانى ايقىندالدى. اتالعان جايتتى پوليتسەيلەر قر قك-ءنىڭ 110-بابى بويىنشا تىركەدى. كۇدىكتى ازامات زاڭدى تۇردە جاۋاپقا تارتىلاتىن بولادى. سونىمەن قاتار, اۋداندىق ۋچاسكەلىك پوليتسيا ينسپەكتورىنا قاتىستى قىزمەتتىك تەكسەرۋ جۇرگىزىلۋدە. قازىرگى ۋاقىتتا اتالعان جايتتىڭ تولىق ءمان-جايى انىقتالۋدا", دەلىنگەن حابارلامادا.
