"قۇرمەتتى قازاقستان پەداگوگتەرى, سىزدەردى كاسىبي مەرەكەلەرىڭىز – ۇستازدار كۇنىمەن قۇتتىقتايمىن!
پەداگوگ – تالماي تەر توگۋدى تالاپ ەتەتىن, قوعامداعى اسا ماڭىزدى, قاستەرلى ماماندىقتاردىڭ ءبىرى. مۇعالىمنىڭ ەرەن ەڭبەگى ەل بولاشاعى – جاس ۇرپاقتىڭ ادامگەرشىلىك قۇندىلىقتارى مەن مەملەكەتتىڭ زياتكەرلىك جانە ەكونوميكالىق الەۋەتىنىڭ قالىپتاسۋىنا تىكەلەي ىقپالىن تيگىزەدى.
بۇگىنگىدەي كۇردەلى كەزەڭدە مۇعالىمدەردىڭ ءبىزدىڭ قوعامنىڭ تىنىس-تىرشىلىگىندەگى تەڭدەسسىز ءمانى مەن اۋقىمدى ءرولى ايقىن كورىنىس بەرىپ وتىر. اسىرەسە, قازىرگى جاعدايدا ۇستازدار قاۋىمى ەل كەلەشەگىنىڭ تىزگىنىن ۇستايتىن وسكەلەڭ ۇرپاقتى زور ىجداعاتتىلىقپەن ءبىلىم نارىمەن سۋسىنداتۋدى جالعاستىرا وتىرىپ, ۇلكەن جاۋاپكەرشىلىكتى كوتەرۋدىڭ جانە بورىشىن ادال وتەۋدىڭ جوعارعى ۇلگىسىن كورسەتىپ, از ۋاقىت ىشىندە وقىتۋدىڭ جاڭا فورماتىنا بەيىمدەلىپ ۇلگەردى.
قۇرمەتتى ۇستازدار, ەلەۋلى ەڭبەكتەرىڭىز ءۇشىن شىن جۇرەكتەن العىس ايتامىز. سىزدەرگە مىقتى دەنساۋلىق, يگىلىك پەن تابىس تىلەيمىز!", دەيدى پرەمەر-مينيستر اسقار مامين.
