وسىعان سايكەس باس مەملەكەتتىك سانيتاريالىق دارىگەردىڭ قر مەملەكەتتىك شەكاراسىنداعى وتكىزۋ پۋنكتتەرىندە كوروناۆيرۋستىق ينفەكتسيا اۋرۋىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى قاۋلىسى شىقتى. قاۋلىعا سايكەس 6 قازاننان باستاپ جولاۋشىلار تاسىمالىنداعى تارتىپتەر وزگەرىپ, كارانتيندىك تالاپتار كۇشەيتىلەدى.
سونىمەن بىرگە قازاقستان رەسپۋبليكاسىنىڭ ازاماتتارى بولىپ تابىلمايتىن ادامدار مەملەكەتتىك شەكارانى كەسىپ وتكەن كەزدە كەم دەگەندە 72 ساعات بۇرىن الىنعان پتر ادىسىمەن COVID-19-عا تەستتەن وتكەنى تۋرالى انىقتاما بولماعان جاعدايدا, ەلگە كىرۋگە جىبەرىلمەيدى.
بۇدان بولەك, قازاقستان رەسپۋبليكاسىنا شەتەلدەن اۋە رەيستەرىمەن كەلەتىن بارلىق ادامدار تەرمومەتريادان, ساۋالنامادان وتەدى جانە قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كەزدە كەم دەگەندە 72 ساعات بۇرىن الىنعان پتر ادىسىمەن COVID-19-عا تەستىدەن وتكەنى تۋرالى انىقتامانى ۇسىنادى.
