ءاربىر ادام قالالىق ورتانى دامىتۋ بويىنشا ءوز يدەياسىن ۇسىنا الادى. ەگەر باستامانى باسقا تۇرعىندار داۋىس بەرۋ بارىسىندا قولداسا, ول قالالىق بيۋدجەت ەسەبىنەن جۇزەگە اسىرىلادى. ءبىر ءوتىنىم 55,5 ملن. تەڭگەدەن اسپاۋى ءتيىس. قارجىلاندىرۋدىڭ جالپى كولەمى 6,4 ملرد. تەڭگەنى قۇرايدى, ياعني قالانىڭ ءاربىر اۋدانىنا 800 ملن. تەڭگە بولىنبەك.
– ءبىزدىڭ قالامىزدىڭ كەز كەلگەن تۇرعىنى ءوز اۋلاسىن, كوشەسىن نەمەسە گۇلزارىن اباتتاندىرۋ بويىنشا ءوتىنىم بەرە الادى. باستى شارت – جوبا 55,5 ملن. تەڭگەدەن اسپاۋى ءتيىس. مىندەتتى تۇردە قالا اۋماعىندا بولۋى ءتيىس. كەز كەلگەن فوتو نەمەسە سۋرەتتى قوسا بەرۋ كەرەك. ەگەر ءسىزدىڭ جوباڭىزعا بارىنشا كوپ داۋىس بەرىلسە, جوبا قالا بيۋدجەتى ەسەبىنەن ىسكە اسىرۋعا جىبەرىلەدى, – دەدى الماتى قالاسى ستراتەگيا جانە بيۋدجەت باسقارماسىنىڭ باسشىسى الماس باتانوۆ.
پورتالدا وتىنىمدەردى قابىلداۋ, داۋىس بەرۋ جانە باستامالاردى ىرىكتەۋ ونلاين رەجيمىندە budget.open-almaty.kz-تە وتەدى.
سۇراقتار بويىنشا +7(727)224-39-29, ىشكى ءنومىر 203 نەمەسە ەلەكتروندىق پوشتاعا budget@almatydc.kz جۇگىنە الاسىز.
جوبالاردى ىرىكتەۋ كريتەريلەرى:
اۋماقتى كوگالداندىرۋ;
تروتۋارلاردى جايلاستىرۋ;
تروتۋارلار, پاندۋستار, ارىقتار سالۋ جانە جوندەۋ;
جالپىعا ورتاق پايدالانىلاتىن ورىنداردى (ساياباقتار, سكۆەرلەر, جاياۋ جۇرگىنشىلەر ايماقتارى جانە وزگە دە وبەكتىلەر) قۇرۋ, جوندەۋ جانە جارىقتاندىرۋ);
جيەكتەردى, تىرەۋ قابىرعالارىن جوندەۋ;
پوليگونداردى جويۋ;
اۋلا اۋماقتارىندا جانە جالپى پايدالانۋ ورىندارىندا سپورتتىق (جاتتىعۋ الاڭدارىن, فۋتبول, باسكەتبول, ۆولەيبول الاڭدارىن), بالالار ويىن الاڭدارىن ورناتۋ, جوندەۋ جانە جارىقتاندىرۋ.
ەستەرىڭىزگە سالا كەتەيىك, «بيۋدجەتكە قاتىسۋ» جوباسى الماتىدا 2019 جىلدىڭ تامىز ايىندا ىسكە قوسىلدى. پيلوتتىق جوبادا جىلدىڭ قورىتىندىسى بويىنشا 1,4 ملرد. تەڭگە سوماسىنا 55 جوبا ىسكە اسىرىلۋدا. بىرقاتار جوبالار اياقتالىپ, پايدالانۋعا بەرىلدى. وسى تەتىكتىڭ ارقاسىندا قالا تۇرعىندارى قالادا سكەيتپارك سالىپ, «سويلەيتىن» ورىندىق ورناتتى. بالالار مەن ەرەسەكتەردىڭ سپورتپەن شۇعىلدانۋىنا ارنالعان الاڭدار, سكۆەرلەر مەن قالا تۇرعىندارىنىڭ دەمالىس ورىندارى جابدىقتالدى.
