جاڭا كلينيكانى ارالاپ شىققان قالا اكىمى مەدمەكەمەنىڭ تەحنيكالىق جاراقتانۋى مەن جاڭا تسيفرلىق شەشىمدەرىن باعالادى.
گوسپيتالدىڭ 30 جانساقتاۋ پالاتالارىندا 300 توسەك-ورىن بار. بارلىق توسەكتەر مەديتسينالىق گازبەن جابدىقتالعان. مۇنداعى ناۋقاستاردىڭ جاعدايى "اقىلدى" گوسپيتالدىڭ اۆتوماتتاندىرىلعان جۇيەسى ارقىلى ناقتىلى ۋاقىت رەجيمىندە تاۋلىك بويىنا قاداعالانادى. باعدارلاما قالانىڭ مەديتسينالىق اقپاراتتىق جۇيەسىمەن جانە PACS-داعى بارلىق رەنتگەندىك, كت جانە مرت سۋرەتتەرىندەگى مالىمەتتەردىڭ تسيفرلىق بازاسىمەن جالعاسقان.
كلينيكا زاماناۋي كت, رەنتگەن, ۋزي اپپاراتتارىمەن جابدىقتالعان جانە جەكە قۋاتتى زەرتحانا دا بار, مۇندا ساراپتامانىڭ بارلىق تۇرلەرى, ونىڭ ىشىندە كۆي-ءدىڭ پتر دياگنوستيكاسى دا جاسالادى.
گوسپيتال قاۋىپسىزدىگىنىڭ جوعارى ەكولوگيالىق سىنىبى اۋانى تازارتۋ جۇيەسىن, ستوكتاردى, ونىڭ ىشىندە جاۋىن سۋىن دا زالالسىزداندىرۋدى, مەديتسينالىق قالدىقتاردى ۋتيليزاتسيالاۋدى قامتاماسىز ەتەدى. ايتا كەتەرلىگى, اباتتاندىرۋ كەزىندە 2 گا اۋماق كوگالداندىرىلدى – گازون جاسالىپ, قىلقان جاپىراقتى اعاشتار وتىرعىزىلدى. ب. ساعىنتاەۆ Jasyl Almaty باعدارلاماسى اياسىندا قوسىمشا اعاش كوشەتتەرىن وتىرعىزۋدى تاپسىردى.
گوسپيتال 12 بلوكتان, ونىڭ ىشىندە 8 پالاتالى بولىمدەردەن تۇرادى, ونىڭ 2 بلوگى بوكستى پالاتالار جانە 6 جارتىلاي بوكستى بلوكتار. سونىمەن قاتار, تاماقبلوگى مەن كىر جۋاتىن ورىن دا بار.
الماتى اكىمى باقىتجان ساعىنتاەۆ قالا تۇرعىندارىنىڭ دەنساۋلىعىن ساقتاۋمەن عانا اينالىساتىن دارىگەرلەردىڭ ويداعىداي جۇمىس جاساۋلارى ءۇشىن قالانىڭ بارلىق جاعدايلاردى جاسايتىنىن اتاپ ءوتتى.
ء"تورت ايدىڭ ىشىندە ءبىز ەڭ زاماناۋي قۇرىلعىلارمەن جابدىقتالعان ءۇش تولىققاندى اۋرۋحانا سالدىق. بۇلاردىڭ بارلىعى قالا تۇرعىندارىنىڭ دەندەرىنىڭ ساۋ بولۋى ءۇشىن جاسالۋدا", دەپ اتاپ ءوتتى ب. ساعىنتاەۆ.
بۇرىندارى الماتىنىڭ تۇركسىب اۋدانىندا 500 ورىندى ينفەكتسيالىق كلينيكانىڭ اشىلعاندىعى تۋرالى حابارلانعان ەدى. سونىمەن قاتار, تاياۋ ۋاقىتتا 200 ورىندى جەكە كوۆيدتى گوسپيتالددەر اشىلادى, وسىلايشا جاڭا ءمودۋلدى گوسپيتالدى ەسكەرە وتىرىپ, مەگاپوليستە كۆي ناۋقاستارىن ەمدەۋگە ارنالعان 1 مىڭ جاڭا توسەك-ورىن پايدا بولادى. 32 ستاتسيوناردىڭ جالپى قۋاتتىلىعى 7226 ورىندى قۇرايدى.
ەسكە سالساق, الماتىنىڭ دەنساۋلىق ساقتاۋ جۇيەسىن مودەرنيزاتسيالاۋدىڭ ءۇش جىلدىق باعدارلاماسى اياسىندا مەديتسينا ۇيىمدارىنىڭ ماتەريالدىق- تەحنيكالىق بازالارى كۇشەيتىلۋدە. ماسەلەن, جىل باسىنان بەرى قاراي 52 ۋزي اپپاراتى, 38 رەنتگەن, 269 ءوجج اپپاراتى, 5 كت, 2 مرت اپپاراتى ساتىپ الىندى. سونىمەن قاتار, 1300 كوپسالالى مەديتسينالىق توسەكتەر, 250 توسەك جانىنداعى مونيتورلار, زەرتحانالىق قۇرىلعىنىڭ 43 بىرلىگى, 1050 وتتەگى كونتسەنتراتورلارى الىندى.
بۇلاردان وزگە, جەدەل جاردەم قىزمەتىنىڭ اۆتوپاركى 35 اۆتوماشيناعا جاڭاردى, جىل سوڭىنا دەيىن تاعى 100 جەدەل جاردەم كولىگى الىناتىن بولادى. ءبىرىنشى ەشەلونداعى سەگىز ستاتسيونارعا مەديتسينالىق گازدىڭ 24 مىڭ توسەك-ورىندىق ورتالىقتاندىرىلعان جۇيەسى ورناتىلۋدا. 17 ستاتسيوناردا ستوكتاردى زارارسىزداندىرۋ, ال 13-دە مەدقالدىقتاردى ۋتيليزاتسيالاۋ جۇيەلەرى سالىنۋدا.
