AFPS قۇرمەتتى پرەزيدەنتى پەر سوللوگۋب (Pierre Sollogoub) قازاقستان رەسپۋبليكاسىنىڭ زىلزالاعا ءتوزىمدى قۇرىلىس قاۋىمداستىعىنىڭ توراعاسى, «قازقسعزي» اق ءوندىرىس جونىندەگى باسقارۋشى ديرەكتورى ەرالى شوقباروۆتى زىلزالاعا ءتوزىمدى قۇرىلىس سالاسىنداعى بىرلەسكەن جوبالارعا قاتىسۋعا شاقىردى.
تاراپتار ىنتىماقتاستىق شەڭبەرىندە عيماراتتار مەن قۇرىلىستاردىڭ زىلزالاعا قاۋىپسىزدىگىن قامتاماسىز ەتۋ ماسەلەلەرى بويىنشا تاجىريبە الماسىپ, جاڭا قۇرىلىس تەحنولوگيالارىن زەرتتەپ, قولدانا الادى, جاس مامانداردى بىرلەسىپ وقىتۋعا جانە ورتاق تەوريالىق جانە تاجىريبەلىك زەرتتەۋلەر ۇيىمداستىرادى.
ەسكە سالا كەتسەك, 2020 جىلدىڭ شىلدەسىندە قازاقستان حالىقارالىق زىلزالاعا ءتوزىمدى قۇرىلىس قاۋىمداستىعىنا (IAEE) كىردى. وسىعان بايلانىستى ەرالى شوقباروۆقا قازاقستان رەسپۋبليكاسىنان IAEE ۇلتتىق دەلەگاتى اتاعى بەرىلدى.
ايتا كەتەلىك, قازاقستاننىڭ زىلزالاعا ءتوزىمدى قۇرىلىس قاۋىمداستىعى قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى («قازقسعزي» اق) بازاسىندا قۇرىلعان. «قازقسعزي» اق – اسا كۇردەلى ينجەنەرلىك-گەولوگيالىق جاعدايداعى اۋداندار مەن زىلزالاعا قاۋىپتى وڭىرلەردى قوسا العاندا, قازاقستان قۇرىلىسىن دامىتۋ سالاسىنداعى ەلىمىزدەگى جالعىز مەملەكەتتىك عىلىمي-زەرتتەۋ جانە جوبالاۋ ينستيتۋتى. ينستيتۋتتىڭ 89 جىلدىق جۇمىس تاجىريبەسى بار. ال فرانتسيانىڭ زىلزالاعا ءتوزىمدى قۇرىلىس قاۋىمداستىعى French Earthquake Engineering Association (AFPS) – 1983 جىلى قۇرىلعان كوممەرتسيالىق ەمەس ۇيىم. قاۋىمداستىق ءزىلزالا جانە ونىڭ توپىراق, قۇرىلىستار مەن قورشاعان ورتاعا سالدارىن زەرتتەۋمەن, سونداي-اق توتەنشە جاعداي سالدارىن جويۋ جانە ادام ءومىرى قاۋىپسىزدىگىن قامتاماسىز ەتۋ سالاسىندا زەرتتەۋمەن اينالىسادى.
