ء"بىز وتاندىق ۆاكتسيناعا كوپ ءۇمىت ارتامىز. بۇعان دەيىن سىزدەرگە ۆاكتسينانىڭ كلينيكالىق زەرتحانالارداعى سىناقتاردان ءساتتى وتكەنىن جانە ولاردىڭ جاقسى ناتيجەلەر بەرگەنىن ايتقان ەدىم. قازىرگى تاڭدا كلينيكالىق زەرتتەۋلەردىڭ I جانە II كەزەڭى ىسكە قوسىلدى. سىنامالداردىڭ ناتيجەلەرىن الداعى قاراشا, جەلتوقسان ايلارىندا الامىز. سول مەزەتتە عانا ۆاكتسينانىڭ ءتيىمسىز, يا دەنساۋلىققا قاۋىپتى ەكەنىن انىقتايمىز", دەيدى دەنساۋلىق ساقتاۋ ءمينيسترى وكق ونلاين-بريفينگىندە.
سونىمەن قاتار الەكسەي تسوي ەلىمىزدە وتاندىق ۆاكتسينا دوزالارىن وندىرەتىن زاۋىتتىڭ سالىنىپ جاتقانىن دا تىلگە تيەك ەتتى.
"قازاقستاننىڭ قاجەتتىلىگىن وتەۋ ءۇشىن زاۋىتتىڭ قۋاتى جەتكىلىكتى. وزىمىزدە ازىرلەنگەن ۆاكتسينانىڭ ساپاسى قاۋىپسىزدىك جاعىنان بارلىق كريتەريلەرگە ساي كەلەتىنىن تاعى دا ايتىم كەلەدى", دەيدى ول.
ءسوز سوڭىندا دەنساۋلىق ساقتاۋ مينيسترىنەن ۆاكتسينالاردىڭ باعاسىن سۇراعاندا, ولاردىڭ قۇنى ءالى بەلگىسىز ەكەنىن, الايدا وتاندىق ءونىمنىڭ باعاسى 2-3 دوللار كولەمىندە بولاتىمەن بولىسە كەتتى.
