قوعام • 01 قازان، 2020

ءبىرجان نۇرىمبەتوۆ قارتتار كۇنىمەن قۇتتىقتادى

21 رەت كورسەتىلدى

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ اعا بۋىن وكىلدەرىنە زور دەنساۋلىق، ۇزاق ءومىر، بەيبىت اسپان مەن باق-بەرەكە تىلەي وتىرىپ، قازاقستاننىڭ بارلىق زەينەتكەرلەرىن قارتتار كۇنىمەن قۇتتىقتادى. قر ەحاقم اتىنان ۆيتسە-مينيستر ەرلان اۋكەنوۆ 78 جاستاعى رايسا گاشەنكوعا كرەسلو-قولاربانى تابىستادى، دەپ حابارلايدى Egemen.kz.

"اسا قۇرمەتتى زەينەتكەرلەر، سىزدەردى شىن جۇرەكتەن قارتتار كۇنىمەن قۇتتىقتايمىن! اعا ۇرپاق ادامدارى - وتانسۇيگىشتىكتىڭ، ادالدىقتىڭ، ۇلكەن شىدامدىلىق پەن جارقىن بولاشاققا سەنىمدىلىكتىڭ ايقىن ۇلگىسىن كورسەتەتىن ەلىمىزدىڭ التىن قورى، دانالىق پەن ءداستۇردى ساقتاۋشىلار ەكەنى انىق. وسى كەرەمەت جانە جىلى مەرەكەدە سىزدەرگە زور دەنساۋلىق، ۇزاق ءومىر، بەيبىتشىلىك پەن باق-بەرەكە تىلەيمىن! سىزدەردىڭ ءار كۇندەرىڭىز جاقىندارىڭىز بەن اينالىڭىزداعى جانداردىڭ مەيىرىمدىلىگى مەن سۇيىسپەنشىلىگىنە، قامقورلىعىنا تولى بولا بەرسىن! لايىم ەگدە جاس ەڭسەنى تۇسىرمەي، ۇزاق تا باياندى عۇمىرعا جەتەلەسىن!" - دەپ قۇتتىقتادى قاريالاردى ءبىرجان نۇرىمبەتوۆ.           

"شاراپات" الەۋمەتتىك قىزمەت كورسەتۋ ورتالىعىندا بارعان ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ، وندا تۇراتىن قارتتار مەن ارداگەرلەردى قۇتتىقتاپ، مينيسترلىك اتىنان 78 جاستاعى رايسا گاشەنكوعا كرەسلو-قولاربانى سىيلادى.

جينالعانداردى قۇتتىقتاي وتىرىپ، ۆيتسە-مينيستر، مەملەكەت اعا بۋىن وكىلدەرىنە ەرەكشە كوڭىل ءبولىپ كەلە جاتقاندىعىن اتاپ ءوتتى. وسى جىلى "ارداگەرلەر تۋرالى" زاڭ قابىلدانىپ، اعا بۋىن ازاماتتارىنىڭ جاعدايىن جاقسارتۋ جونىندە 2025 جىلعا دەيىنگى "بەلسەندى ۇزاق ءومىر" ۇلتتىق ءىس-قيمىل جوسپارى جاسالدى.           

"ونى قابىلداۋ ەگدە جاستاعى ازاماتتاردىڭ قوعامنىڭ ءتۇرلى سالالارىنا قاتىسۋ مۇمكىندىكتەرىن كەڭەيتەدى، سونداي-اق ولاردى مەملەكەتتىك قولداۋدىڭ ساپالى شارالارىمەن قامتاماسىز ەتەدى. ۇلتتىق جوسپار اياسىندا ءار ايماقتا بەلسەندى ۇزاق ءومىر ءسۇرۋ ورتالىقتارىن اشۋ جوسپارلانۋدا"، - دەپ اتاپ ءوتتى ەرلان اۋكەنوۆ.           

بۇدان بۇرىن حابارلانعانداي، 1 قازاندا قازاقستاندا قارتتار كۇنىنە وراي ايلىق باستالادى. اعا ۇرپاق وكىلدەرىنە قامقورلىق جاساۋعا ارنالعان ءىس-شارالار رەسپۋبليكانىڭ بارلىق ايماقتارىندا وتەدى. ولاردىڭ ىشىندە امبۋلاتوريالىق-ەمحانالىق ۇيىمداردا "اشىق ەسىك كۇندەرى" جانە "جۇرەكتەن جۇرەككە" قايىرىمدىلىق اكتسياسى ۇيىمداستىرىلىپ، ونىڭ اياسىندا اۋىر ناۋقاس قارت ادامدارعا ازىق-ت ۇلىك سەبەتتەرى تابىستالادى. سونىمەن بىرگە ەڭبەك ۇجىمدارىندا كەزدەسۋلەر جانە تاعى باسقا شارالار قولعا الىنادى.           

ەسكە سالا كەتسەك، ەلىمىزدە جاسىنا بايلانىستى 2 ميلليونناناستامزەينەتكەرتۇرادى. 2020 جىلعى 1 قاڭتاردان باستاپ جىل سايىنعى يندەكستەۋ ناتيجەسىندە ىنتىماقتى زەينەتاقى مولشەرى 7%-عا ءوسىپ، بازالىق زەينەتاقىنىڭ ۇلعايۋى 5%-دى قۇرادى. سونىمەن قاتار، مەملەكەت باسشىسىنىڭ تاپسىرماسىن ورىنداۋ ماقساتىندا، اعىمداعى جىلدىڭ 1 ساۋىرىنەن باستاپ تاعايىندالعان زەينەتاقى مولشەرى قوسىمشا تاعى 5% يندەكستەلدى. بۇل 2019 جىلعى دەڭگەيمەن سالىستىرعاندا بازالىق زەينەتاقىنىڭ 10%-عا، ىنتىماقتى زەينەتاقىنىڭ 12% -عا ءوسۋىن قامتاماسىز ەتتى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار