استانا تەاترى الماتىلىق كورەرمەن تالعامىنان شىعار ما ەكەن؟

ونەر مەن مادەنيەتتىڭ وشاعى بولعان الماتى شاھارىنا الەمنىڭ ايتۋلى تۇلعالارىنان باستاپ, ءتۇرلى ونەر ۇجىمدارى گاسترولگە كەلىپ جاتادى. تەاتر قويىلىمدارىنا كەندە بولىپ كورمەگەن قالاعا ءساۋىردىڭ 20-25 ارالىعىندا ەلوردا­دان ق.قۋانىشباەۆ اتىنداعى سازدى دراما تەاترى گاسترول­دىك ساپارمەن كەلمەك. الماتى تۇرعىندارى مەن قوناقتارى بۇل جولى استانا تەاترىنىڭ التى سپەكتاكلىن كورەدى. – ق.قۋانىشباەۆ اتىنداعى قازاق مۋزىكالىق دراما تەاترى اراعا بەس جىل سالىپ, الماتىعا گاسترول­دىك ساپارىن جوسپارلاپ وتىر. بۇل باستاماعا استانا قالا­لىق اكىمدىگى قاي جاعىنان بولسا دا قولداۋ كورسە­تىپ, قارجىلىق دەمەۋ­شى­لىك تانىتپاق. بۇل ساپار وڭتۇستىك استاناداعى تەاتر سىن­شىلارى, مايتالمان دارىندى درا­ماتۋرگتەر, ونەردى تۇسىنەتىن جۇرت­­­­شى­لىق الدىن­داعى ەسەپتى سا­پارى­­­مىز بولماق. قازىر ءبىزدىڭ تەاتر­دا ءۇش بىردەي مامان قويۋشى-رەجيسسەر جۇمىس ىستەيدى, – دەيدى اتالمىش تەاتردىڭ كوركەمدىك جەتەكشىسى ءارى ديرەكتورى ەركىن جۋاسبەك. ءازىربايجان مامبەتوۆ مەكتەبى­نىڭ ءۇردىسىن جالعاستىرىپ وتىرعان ەلورداداعى ىرگەلى ونەر ورداسى ال­ماتىداعى ونەر اپتالىعىن رەجيس­سەر الىمبەك ورازبەكتىڭ “اباي” (م.اۋەزوۆ) تراگەدياسىمەن اشپاق. سول سياقتى پاۆلودار قالاسىن­داعى ج.ايماۋىتوۆ اتىنداعى قازاق سازدى دراما تەاترىنىڭ كوركەمدىك جەتەكشىسى ەرسايىن تاپەنوۆ وتكەن جىلى استانا تەاترىندا ا.تساگارە­لي­دىڭ “گاماردجوبا” دەگەن اتپەن مۋزىكالىق كومەدياسىن ساحنالاعان بولاتىن. وسى اتالمىش تۋىندى دا  الما­تىلىق كورەرمەندەرمەن قاۋىشاتىن بولادى. كورەرمەندەر جىبەرىپ الماۋعا ءتيىستى تاعى ءبىر تاماشا مۇمكىندىك – كەزىندە ءازىربايجان مامبەتوۆ ساحنالاعان “قاراگوز” تراگەدياسى. بۇل قويىلىم وتكەن جىلى تەگەران قالاسىندا وتكەن گاسترولدىك ساپاردا يراندىقتاردىڭ جوعارى باعاسىنا يە بولعانىن ونەرسۇيەر تەاتر قاۋىم ۇمىتا قويماعان بولار. الماتىلىق كورەرمەندەرگە وسى­دان ەكى جىل بۇرىن استانا تەاترى­نىڭ رەجيسسەرى يۋري حانينگا-بەكنازار قازاقستاننىڭ حالىق ءارتىسى گۇلجان اسپەتوۆانىڭ مەرەي­تويىنا وراي ساحنالاعان “قىمبات­تى پا­مەللا” (دج.پاتريك) كومە­ديا­سىن تاما­شالاۋ­دىڭ دا ءساتى ءتۇسىپ تۇر. سول سياقتى وسى اپتالىق ايا­سىن­دا بالا­لار­عا ارنالعان م.اح­مانوۆ­تىڭ “ال­داردىڭ ايلاسى” ەرتەگىسى ۇسىنىلادى. وتكەن جىلى قاراعاندىدا وتكەن رەسپۋبليكالىق تەاتر فەستي­ۆالىنىڭ جۇلدەگەرى اتانعان رەجيسسەر ن.جۇ­ما­نيا­زوۆتىڭ ء“ۇي­لەنۋ” كومە­دياسى (ە.جۋاسبەك) مەن رەجيسسەر بولات ۇزاقوۆ ساحنالاعان جاس دراماتۋرگ ق.ءجۇنىسوۆتىڭ “ماحاببات مەلودراما­سى” اتتى پسيحولوگيالىق تۋىندىسى قازىر استانا جاستارى مەن قوناقتارى ەڭ كوپ باراتىن قويىلىمدار قاتارىندا. وسىنشاما ونەر جاۋھارى ءوز اياعىمەن الماتىعا كەلىپ تۇرعاندا  ونەردى قادىر­­لەيتىن حالايىق مۇنداي مۇمكىندىكتى ۋىستان شىعارا قوي­ماسى انىق. ايتپەسە, ەلوردانىڭ مادەني تىنى­سىن ارنايى تاماشا­لاۋعا بارساڭىز دا, التى بىردەي سپەكتاكلدى قاتارىنان كورىپ شىعۋ نەعايبىل. ال ق.قۋانىشباەۆ اتىنداعى قازاق مۋزىكالىق دراما تەاترىنىڭ ديرەكتورى ەركىن جۋاسبەك الماتى­داعى م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەسمۇقان وباەۆ­قا ءدان ريزا. ويتكەنى, ونەر­دەگى باسەكەلەس دەپ ەمەس, ۇزەڭگى قاعىسقان ارىپتەستەر رەتىندە استانا تەاترىن لايىقتى قارسى الۋعا اكەمتەاتر دا از دايىندالىپ, از قوبالجىپ جاتپاعان كورىنەدى. – ءبىز ءۇشىن بۇل گاسترولدىڭ ماڭىزى جوعارى. تەاتر قويىلىم­دارىنان كەندە بولىپ كورمەگەن ال­ما­تىلىق كورەرمەندەردىڭ شى­نايى ىقىلاسىنا بولەنىپ, جاقسى باعا الىپ جاتساق, جاڭا ءبىر بەلەسكە كوتەرىل­گەنىمىز. استاناداعى قازاق مۋزىكالىق دراما تەاترى جاس بولسا دا, قاتارىندا ەلگە تالانتىمەن تانىلعان, تاجىريبە جيناقتاعان ساح­نا ساڭلاقتارى از ەمەس. قۋاندىق قىس­تىقباەۆ, ەرجان نۇرىمبەت, سى­رىم قاشقاباەۆ, نۇركەن وتەۋى­لوۆ, تىلەكتەس مەيراموۆ, ءلايلا بەك­نازار, گۇلجان اسپەتوۆا, رىم­كەش ومارحانوۆالاردىڭ ويىنى ەشكىمدى بەي-جاي قالدىرماس, – دەيدى ەركىن جۋاسبەك. ايناش ەسالي, الماتى.