بۇل ءتاسىل «حالىق ۇنىنە قۇلاق اساتىن مەملەكەت» تۇجىرىمداماسىنىڭ ىسكە اسىرىلۋى مەن مەملەكەتتىك اپپاراتتىڭ ازاماتتاردىڭ سۇرانىستارىنا دەن قويۋىن ارتتىرۋ جونىندەگى ودان ءارى جاسايتىن قادامى.
وسىعان وراي, پرەزيدەنت كومەكشىسى-قاۋىپسىزدىك كەڭەسىنىڭ حاتشىسى ءا.يسەكەشەۆ سىبايلاس جەمقورلىققا قارسى ءىس-قيمىل اگەنتتىگى جۇمىسىنىڭ سەرۆيستىك ۇلگىسىمەن تانىسىپ, ونىڭ ارنايى مونيتورينگتىك توبى, اقپاراتتىق-اعارتۋ شتابى, ارداگەرلەر كەڭەسى مەن «استانا – ادالدىق الاڭى», «Protecting Business and Investments», «اشىق بيۋدجەت» جوبالارىنىڭ جەتەكشىلەرىمەن جانە قوعام وكىلدەرىمەن كەزدەستى.
ازاماتتىق قوعام وكىلدەرىمەن كەزدەسۋ بارىسىندا اگەنتتىك توراعاسى ا.شپەكباەۆ ەل باسشىلىعىنىڭ ساياسي ەرىك-جىگەرىنىڭ ارقاسىندا قازىرگى تاڭدا جەمقورلىققا قارسى وزىق حالىقارالىق ستاندارتتاردى جەدەل ەنگىزۋ جالعاسىپ جاتقانىن اتاپ ءوتتى. بۇل رەتتە ولاردىڭ ەداۋىر بولىگى مەملەكەتتىك باقىلاۋدىڭ بالاماسى رەتىندەگى قوعامدىق باقىلاۋدى دامىتۋعا باعىتتالعان.
قاۋىپسىزدىك كەڭەسىنىڭ حاتشىسى مەملەكەتتىك ورگانداردىڭ حالىققا قىزمەت كورسەتۋدىڭ سەرۆيستىك ۇلگىسىنە كوشۋى ءبىلىم بەرۋ, دەنساۋلىق ساقتاۋ, حالىقتى الەۋمەتتىك قامتاماسىز ەتۋ, جەر قاتىناستارى جانە تاعى باسقا سالالارداعى تۇرمىستىق جەمقورلىقتى جويۋداعى تابىستىڭ نەگىزگى فاكتورلارىنىڭ ءبىرى ەكەندىگىن اتاپ ءوتتى.
ءا.يسەكەشەۆ سىبايلاس جەمقورلىققا قارسى ۆەدومستۆونىڭ ەلوردالىق دەپارتامەنتى قىزمەتكەرلەرىنىڭ open-space كابينەتتەرىنە بارىپ, مۇنداي ءتاسىلدىڭ ترانسپارەنتتىلىك پەن سەنىم قالىپتاستىرۋدىڭ قولايلى جاعدايىن جاساۋداعى ماڭىزدىلىعىنا توقتالىپ ءوتتى.
جالپى, «Antıkor Ortalyǵy» سەرۆيستىك ورتالىعى اگەنتتىكتىڭ قوعامدىق ۇيىمدارمەن ءوزارا ارەكەتتەستىگى مەن حالىقپەن كەرى بايلانىستى قامتاماسىز ەتۋدىڭ ءتيىمدى الاڭى.
«استانا-ادالدىق الاڭى» جوبالىق كەڭسەسىنىڭ جەتەكشىسى ميراس شەكەنوۆ اگەنتتىكتىڭ ەلوردا اكىمدىگىمەن ءتيىمدى ءوزارا ارەكەتتەستىگى تۋرالى ايتا كەلە, تۇرمىستىق جەمقورلىقتى جويۋ جانە ازاماتتارعا قولايلى جاعداي جاساۋ بويىنشا جەمقورلىققا قارسى ءىس-شارالاردىڭ ىسكە اسىرىلۋ بارىسىن باياندادى.
جەمقورلىق تاۋەكەلدەرىن ازايتۋ ماسەلەلەرىندە تسيفرلاندىرۋ ەرەكشە ورىن الادى. مەملەكەتتىك مەكەمەلەردىڭ بيۋدجەت قاراجاتىنىڭ جۇمسالۋىن ونلاين رەجىمدە قوعامدىق باقىلاۋ مۇمكىندىگىن قامتاماسىز ەتەتىن «اشىق بيۋدجەتتەردىڭ ينتەراكتيۆتى كارتاسى» جانە ازاماتتاردىڭ قارجىلىق ساۋاتتىلىعىن ارتتىرۋعا باعىتتالعان «اشىق بيۋدجەت» جوباسى ەرەكشە قىزىعۋشىلىق تۋدىردى.
ءا.يسەكەشەۆ كەزدەسۋدىڭ قورىتىندىسى بويىنشا قوعام وكىلدەرىنىڭ باستامالارىن قولداپ, مەملەكەتتىك ورگانداردىڭ اشىقتىعى مەن ايقىندىعىن جانە ولاردىڭ قوعاممەن سىندارلى ىنتىماقتاسۋ قاجەتتىگىن اتاپ ءوتتى. وندا ءار ءوتىنىش بيۋروكراتيالىق كىدىرىستەرسىز جانە ازاماتتاردى جوعارى تۇرعان مەملەكەتتىك ورگاندارعا جۇگىنۋگە ماجبۇرلەمەي بارىنشا ساپالى قارالۋى ءتيىس.
