ايماقتار • 26 قىركۇيەك، 2020

پەتروپاۆلدا جەدەل جاردەم كولىگى اۋدارىلىپ قالدى

27 رەت كورسەتىلدى

پەتروپاۆلدىڭ ورتالىق كوشەلەرىنىڭ بىرىندە جەدەل جاردەم كولىگى اۋدارىلىپ قالدى، دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

"ۋاز-3962 كولىگىنىڭ 54 جاستاعى جۇرگىزۋشىسى نازارباەۆ كوشەسىمەن كەلە جاتىپ رولگە يە بولا الماي قالعان. جەدەل جاردەم قورشاۋدى سوعىپ، مەديتسينا ورتالىعىنىڭ ءدال الدىنا بارىپ اۋدارىلعان. ساراپتاما قورىتىندىسىنا سەنسەك، جۇرگىزۋشى الكوگول ىشىمدىك ىشپەگەن. وعان قاتىستى قر اكىمشىلىك قۇقىق بۇزۋ كودەكسىنىڭ 610-بابى 1-بولىگى بويىنشا اكىمشىلىك حاتتاما تولتىرىلدى"، دەپ جازىلعان حابارلامادا.

اپاتتان ەشكىم زارداپ شەككەن جوق. جۇرگىزۋشىگە العاشقى مەديتسينالىق كومەك كورسەتىلگەن سوڭ، ول ۇيىنە جىبەرىلدى.

سوڭعى جاڭالىقتار

ۇقساس جاڭالىقتار