قازاقستان • 26 قىركۇيەك، 2020

ەلىمىزدە بىرقاتار پويىز قوزعالىسى وزگەرتىلدى

35 رەت كورسەتىلدى

قازاقستاندا بىرنەشە پويىزدىڭ ءجۇرۋ مەرزىمى ارتتى، دەپ حابارلايدى Egemen.kz «جولاۋشىلار تاسىمالى» اق ءباسپاسوز قىزمەتىنە سىلتەمە جاساپ.

1) №1/2 «الماتى-2 – شىمكەنت» اپتاسىنا 1 رەتتەن 3 رەتكە دەيىن، الماتىدان-2-دەن 2020 جىلدىڭ 10 قازانىنان باستاپ، ال شىمكەنتتەن 2020 جىلدىڭ 11 قازانىنان باستاپ;

2) №11/12 «الماتى-2 – شىمكەنت» اپتاسىنا 2 رەتتەن 4 رەتكە دەيىن، الماتىدان-2-دەن 2020 جىلدىڭ 13 قازانىنان باستاپ، ال شىمكەنتتەن 2020 جىلدىڭ 14 قازانىنان باستاپ;

3) №31/32 «الماتى-2 – پاۆلودار» 2020 جىلدىڭ 11 قازانىنان باستاپ الماتىدان، 2020 جىلدىڭ 12 قازانىنان باستاپ پاۆلوداردان كۇن سايىن جونەلتىلەدى;

4) №603/604 «نۇر – سۇلتان نۇرلى جول – ارقالىق» 2020 جىلدىڭ 2 قاراشاسىنان باستاپ نۇر-سۇلتاننان، 2020 جىلدىڭ 3 قاراشاسىنان باستاپ ارقالىقتان كۇن سايىن جونەلتىلەدى.

جولاۋشىلار پويىزدارىنىڭ قوزعالىس كەستەسى بويىنشا بارلىق اقپاراتتى «105» ءنومىرى ارقىلى الۋعا بولادى.

«ۇلتتىق تاسىمالداۋشى جولاۋشىلاردان جول ءجۇرۋ قۇجاتتارىن ونلاين، سونىڭ ىشىندە رەسمي BILET.RAILWAYS.KZ سايتى ارقىلى رەسىمدەۋلەرىن، جولاۋشىلاردان سانيتارلىق-كارانتيندىك تالاپتاردى، الەۋمەتتىك قاشىقتىقتى (كەمىندە 1 مەتر)، ۆوكزال اۋماعىندا جانە پويىز ىشىندە بەتپەردە رەجيمىن قاتاڭ ساقتاۋلارىن سۇرايدى. سونداي-اق، ساپارعا شىعار كۇنى بيلەتتەر بولماعان جاعدايدا، «كۇتۋ پاراعى» اتتى تەگىن قىزمەتتى پايدالانۋعا بولاتىنىن ەسكە سالامىز»، - دەپ حابارلادى «جولاۋشىلار تاسىمالى» اق ءباسپاسوز قىزمەتى.

سوڭعى جاڭالىقتار

ۇقساس جاڭالىقتار