ايماقتار • 26 قىركۇيەك، 2020

ەپيزووتيكالىق جاعداي تۇراقتانۋدا

18 رەت كورسەتىلدى

سولتۇستىك قازاقستان وبلىسىندا قۇس تۇماۋىنىڭ شىعۋى سەبەپتى اكىمدىكتىڭ 23 قىركۇيەكتەگى № 255 قاۋلىسىمەن 8 اۋداننىڭ 18 ەلدى مەكەنىندە كارانتين ەنگىزىلدى، دەپ حابارلايدى Egemen.kz.

25 قىركۇيەكتەگى جاعدايعا قاراعاندا سولتۇستىك قازاقستان وبلىسىنىڭ 11 اۋدانىنداعى 39 ەلدى مەكەنىندە 164 175 ءارتۇرلى باس ءۇي قۇستارىنىڭ قىرىلىپ قالۋى تىركەلدى سونىمەن قاتار جەكە اۋلالاردا 14 384 باس ءولىمى تىركەلدى، دەپ جاريالادى ەپيزووتيالىق جاعداي بويىنشا جۋرناليستەرگە بايانداعان اۋىلشارۋاشىلىعى مينيسترلىگى ۆەتەرينارلىق باقىلاۋ جانە بايقاۋ كوميتەتىنىڭ سولتۇستىك قازاقستان وبلىستىق اۋماقتىق ينسپەكتسياسىنىڭ  باسشىسى مارات ىبىراەۆ.

ول ءاربىر قۇس ءوسىرۋ شارۋاشىلىقتارىنداعى جاعدايلارعا دا توقتالدى. سونىڭ ىشىندە «ادەل قۇس» جشس، «پەتروپاۆل برويلەر پتيتسەفابريكاسى» جشس، «ەسىل» قف جشس، «پسح» جشس،  «ياكور قۇسفابريكاسى» جشس-دا جاقسى دەنگەيدە قورعانىستى قامتاماسىز ەتۋ ارقاسىندا جاعدايلارى قاناعاتتانارلىق ەكەنىن جەتكىزدى. قۇس باستارىنا ۆاكتسيناتسيا ەگىلۋدە، بارلىق بيولوگيالىق قامتاماسىز ەتۋ شارالارى قولدانىلۋدا. كاسىپورىنداردىڭ ءبارى جابىق رەجىمدە جۇمىس ىستەيدى.

بارلىق كارانتين پۋنكتتەرىندە كارانتيندىك بەكەتتەر قويىلدى، ەپيزووتيالىق وشاقتاردى وقشاۋلاۋ ۇيىمداستىرىلدى جانە قامتاماسىز ەتىلدى، دەدى ول. «2020 جىلعى 24 قىركۇيەكتە قازاقستان رەسپۋبليكاسىنىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ اۋرۋ كوزدەرى بولىپ تابىلاتىن قۇستاردى الىپ قويۋ جانە جويۋ تۋرالى قاۋلىسى شىقتى. بۇگىنگى كۇنى وسى جۇمىستار بارلىق كارانتين پۋنكتتەرىندە باستالدى»، دەدى م.ىبىراەۆ.

وبلىس اۋماعىندا قۇس تۇماۋىن جويۋ ءۇشىن كەلەسى كولەمدە  قۇرالدار مەن كۇشتەر قاتىستىرىلعان:

رەسپۋبليكالىق ەپيزووتياعا قارسى وترياد – 9 بىرلىك تەحنيكالار، سونىمەن قاتار ءبىر ينسەنەراتور. قوسىمشا ۆەتەرينارلىق ستانتسيالارعا 7 ينسەنەراتور بەرۋ قاراستىرىلۋدا. اۋرۋدى جويۋ كەزىندەگى ءىس-شارالاردى ۇيلەستىرۋ جونىندەگى جەدەل شتاب قۇرىلعان. بارلىق مۇددەلى قىزمەتتەر مەن ۆەدومستۆولاردىڭ ءوزارا ارەكەتى ۇيىمداستىرىلدى. ينفەكتسيا وشاعىنان 20 كم راديۋستاعى جەكە اۋلالاردا ءۇي قۇستارىنا ۆاكتسينا ەگىلىپ جاتىر. بۇگىنگى تاڭدا 85 559 باس قۇسقا ۆاكتسينا ەگىلدى.

32 بىرلىك ارنايى تەحنيكا مەن ۆەتەريناريالىق ماماندار قاتارىنان 201 ادامنان تۇراتىن جەكە قۇرام جۇمىلدىرىلدى. يەلەرىنە وتەماقى تولەۋ ءۇشىن الىپ قويىلاتىن جانە جويىلاتىن قۇستاردىڭ ورتاشا ايلىق نارىقتىق قۇنىن ايقىنداۋ جونىندەگى كوميسسيا قۇرىلدى. بۇقارالىق اقپارات قۇرالدارى مەن الەۋمەتتىك جەلىلەر ارقىلى حالىققا ءتۇسىندىرۋ جۇمىسى جۇرگىزىلىپ جاتىر.

قۇستاردىڭ اۋرۋى جانە قىرىلۋى بويىنشا كۇن سايىنعا مونيتورينگ دەرەكتەرى نەگىزىندە ەلدى مەكەندەردە اۋرۋ دەڭگەيى تۇراقتالۋدا ەكەنىن بايقاۋعا بولادى. اتاپ ايتقاندا م.جۇماباەۆ اۋدانىنىڭ چيستوۆ اۋىلىندا، جامبىل اۋدانىنىڭ نوۆورىبينكا اۋىلىندا جانە تاعى باسقا دا اۋىلداردا وسىنداي حال بايقالۋدا. تۇرعىندار قۇس باستارىن وقشاۋلاۋ بويىنشا شەكتەۋ شارالارىن ساقتاۋدا، وشاقتاردا قۇستاردى الىپ قويۋ جانە جويۋ بويىنشا جۇمىستار بىرنەشە كەزەڭگە ءبولىندى. ءبىرىنشى كەزەڭدە بارلىق قۇستار كلينيكالىق جاعدايىنا قاراماستان قىرىلۋ جاعدايى بولعان اۋلالاردا الىنادى. ودان كەيىن دەزينفەكتسيا جۇمىستارى وتكىزىلەدى. ەلدى مەكەندەردەگى بارلىق قۇس باستارىن كۇن سايىن كلينيكالىق قاراۋ ارقىلى ۆەتەرينارلىق باقىلاۋ وتكىزىلەدى. ەگەر ەپيزووتيالىق جاعدايلاردىڭ دامۋى وڭ ديناميكا كورسەتسە، وندا وسى ەلدى مەكەندەردەگى قۇستارعا ۆاكتسيناتسيا وتكىزىلەدى، بىراق كارانتين اياقتالعانشا بارلىق كارانتيندىك شارالار ساقتالادى.

«ولگەن قۇستاردىڭ باعاسىنا قاتىستى كەلەسىنى حابارلايمىن. ۆەتەرينارلىق قىزمەتتەرمەن تىركەلگەن قىرىلعان جانە الىنعان بارلىق قۇس باستارىنىڭ باعاسى وتەلەدى. قازىردىڭ وزىندە قۇستارى قىرىلعان اۋلالارداعى جانۋارلار يەلەرى جەكە شوت اشۋ قاجەت جانە قىرىلعان قۇس باستارى اۋىلدىق اكىمدىكتىڭ دەرەكتەرىمەن سالىستىرىلعان انىقتاما الۋ كەرەك»، دەدى م.ىبىراەۆ ءوزىنىڭ سوزىندە.

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار