قازاقستان • 25 قىركۇيەك، 2020

"قىزىلوردا – الماتى" باعىتىنداعى اۋە رەيسى شىمكەنتكە ءماجبۇرلى قوندى

197 رەت كورسەتىلدى

"قىزىلوردا – الماتى" باعىتىنداعى Air Astana رەيسى شىمكەنتكە شۇعىل قونۋعا ءماجبۇر بولدى، دەپ حابارلايدى Egemen.kz

تۋىنداعان توتەنشە جاعدايعا بايلانىستى Air Astana اۋە كومپانياسى تۇسىنىكتەمە بەردى. 

"2020 جىلعى 25 قىركۇيەكتە Air Astana اق اۋەكومپانياسىنىڭ تىركەۋ ءنومىرى ر4HA E290 اۋە كەمەسى (ەمبراەر-190)" قىزىلوردا – الماتى" باعىتى بويىنشا KZR 986 رەيسىمەن ۇشىپ بارا جاتقاندا ديسپەتچەرگە تەحنيكالىق سەبەپتەرمەن شىمكەنت قالاسىنىڭ قوسالقى اۋەايلاعىنا ءماجبۇرلى تۇردە قونعانىن حابارلادى. ۇشاق 17.51-دە شىمكەنت قالاسىنىڭ اۋەجايىنا ءساتتى قوندى. اۋە كومپانياسىنىڭ الدىن الا مالىمەتىنشە، ءتۇتىن داتچيگى ىسكە قوسىلعان. ۇشۋ قاۋىپسىزدىگىنىڭ تالاپتارىنا سايكەس اۋە كەمەسىنىڭ كومانديرى قوسالقى اۋە ايلاعىنا قونۋ جونىندە شەشىم قابىلدادى"، دەيدى اۋە كومپانيانىڭ وكىلى.

شىمكەنتكە Air Astana ينجەنەرلىك تەحنيكالىق قۇرامى ينسپەكتسيا جاساۋ ءۇشىن ۇشىپ شىقتى. جولاۋشىلاردى جەتكىزۋ قر زاڭناماسى بويىنشا تەز ارادا شەشىلەدى. ازىرگە اتالعان دەرەكتەر بويىنشا تەكسەرۋ جۇرگىزىلىپ جاتىر.

سوڭعى جاڭالىقتار

ۇقساس جاڭالىقتار